IMG-LOGO

2025 අගෝස්තු මස 29 වන සිකුරාදා


සිරියාවට පැනවූ සියලුම සම්බාධක ඉවත් කරනවා

සිරියානු නව අන්තර්වාර රජයට සහාය පළ කරමින්, ඇමෙරිකාව විසින් එරටට පැනවූ සියලු සම්බාධක ඉවත් කරන බව ජනාධිපති ඩොනල්ඩ් ට්‍රම්ප් පැවැසීය. ට්‍රම්ප් මෙසේ පැවැසුවේ සෞදි සංචාරය අතරතුරේය.

ඇමෙරිකන් ජනාධිපති ට්‍රම්ප්, සෞදි සංචාරය ආරම්භ කළේ තෙදින මැදපෙරදිග සංචාරයට සමගාමීවය. සෞදියේ ඔටුන්න හිමි සල්මාන් කුමරුන් සහ සෞදි රජ පවුලෙන් ට්‍රම්ප්ට හිමිවූයේ උණුසුම් පිළිගැනීමකි. හමුදා උත්තමාචාර ද හිමිවිය.

ඇමෙරිකාව, සිරියාවට සම්බාධක පැනැවීම කළේ, බෂාර් අල් අසාද් සිරියානු ජනාධිපති ධුරය හොබවද්දීය. අසාද් පාලනයට එරෙහි වූ විපක්ෂයට, ඇමෙරිකාවේ සහාය හිමිවුණු අතර, එම විපක්ෂ කණ්ඩායම් අසාද් පාලනයට එරෙහිව අවි අතට ගත් විට, ඔවුන්ට අවි ආයුධ ලබා දීම කළේ ද ඇමෙරිකාව සහ ප්‍රංශයයි. අසාද් පාලනය සිරියානු වැසියන් පීඩාවට පත් කිරීම සම්බාධක පැනැවීමට ප්‍රධාන හේතුවක් විය. 

පසුගිය වසරේ, විපක්ෂ ක්‍රියාකාරීන්ට සහාය දක්වන සටන්කාමීන්, ඩමැස්කස් අගනුවර බලය අල්ලා ගනිද්දී, ජනාධිපති ධුරය දමා අසාද් රටින් පලා ගියේය. අසාද්ට සහ ඔහුගේ පවුලේ අය රුසියාවට ගෙන්වා ගනිමින්, ආරක්ෂාව දීමට රුසියන් ජනාධිපති ව්ලැදිමීර් පුටින් කටයුතු කළේය.

අසාද් පාලනය අවසන් වීමෙන් පසු, සිරියාවේ අන්තර්වාර පාලනයක් පවතී. අන්තර්වාර ජනාධිපති ලෙස කටයුතු කරන්නේ හිටපු සටකන්කාමී නායකයකු වන අහ්මද් අල් ෂාරා ය. නව ප්‍රතිසංස්කරණ හඳුන්වා දෙමින් සිරියාව ලෝකයට විවෘත කිරීම අල් ෂාරා සහ ඔහුගේ අන්තර්වාර රජයේ අරමුණ වී ඇත. පසුගිය දා අල් ෂාරා ප්‍රංශයේ පැරිස් අගනුවරට ගොස් ප්‍රංශ ජනාධිපති ඉමැනුවෙල් මැක්රොන් පවා හමුවී සාකච්ඡා පැවැත්වීය.

සිරියාවට පැනවූ සම්බාධක ඉවත් කරන්නැයි ඇමෙරිකා ජනාධිපති ට්‍රම්ප්ගෙන් ඉල්ලීමක් කර ඇත්තේ සෞදියයි. සිරියාවට පැනවූ සම්බාධක ඉවත් කරන බව ට්‍රම්ප් නිවේදනය කළේ සෞදියේ රියාද් නුවර පැවැති ආර්ථික සමුළුවකට සහභාගී වෙමිනි. 

‘ඇමෙරිකාව සිරියාවට පැනවූ සියලුම ආකාරයේ සම්බාධක ඉවත් කිරීමට මා කටයුතු කරනවා. ඒ වගේමයි මා සිරියාවට සුබ පතනවා. මට විශ්වාසයි සිරියාව ලෝකයටම අලුත් මුහුණක් පෙන්වාවි.’ යැයි ට්‍රම්ප් එම ආර්ථික සමුළුව අතරතුරේ පැවැසීය.

ට්‍රම්ප් සහ ඔටුන්න හිම සෞදි සල්මාන් කුමරුන් අතරේ ද සාකච්ඡා පැවැත්වුණු අතර, එහිදී දෙදෙනාගේ මිතුදම් තවත් ශක්තිමත් විය. ට්‍රම්ප්ට රජ පවුලේ සියලුම සාමාජිකයන් හඳුන්වා දීමට ද සල්මාන් කුමරු කටයුතු කළේය.

 (ඒ.එෆ්.පී.)



අදහස් (0)

සිරියාවට පැනවූ සියලුම සම්බාධක ඉවත් කරනවා

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15132 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 474 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 268 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site