සැප්තැම්බර් 02 වැනිදා බොලිවුඩයට සමගාමීව ලොව පුරා ප්‍රදර්ශනය කිරීමට සැලසුම් කර ඇති ආර්. මුරුගොඩ්ස්ගේ "අකිරා" චිත්‍රපටයේ පළමු ප්‍රචාරක පටය පසුගිය සති අන්තයේදී එළිදක්වා තිබෙනවා. ඒ "අකිරා" චිත්‍රපටයේ ප්‍රධාන චරිතයට පණ පොවන සොනක්ෂි සින්හා අධ්‍යාපනය ලැබූ මුම්බායිහි "ආර්යා විද්‍යා මන්දීර්" විද්‍යාලයේදීය.

මේ වනවිට ලක්ෂ 50කට ආසන්න පිරිසක් මෙම "අකිරා" චිත්‍රපටයේ පූර්ව ප්‍රචාරක පටය නරඹා තිබෙන අතර, බොහෝ පිරිසකගේ අදහස වී ඇත්තේ මෙම චිත්‍රපටයේ සොනක්ෂිගේ රංගනය ඉතා ඉහළ මට්ටමක පවතින බවයි. මෙම චිත්‍රපටයේ සොනක්ෂි සමගින් කොන් කොන් සෙන් ෂර්මා හා අනුරාග් කාශ්‍යප් දෙදෙනා රංගනයෙන් දායක වී සිටිනවා. මෙම චිත්‍රපටය සොනක්ෂි වසර දෙකකට පසුව රංගනයෙන් දායක වන පළමු බොලිවුඩ් චිත්‍රපටය වීම විශේෂත්වයක්.