(බිමල් ශ්‍යාමන් ජයසිංහ )

සංචාරක මඟ පෙන්වන්නන් ලෙස හඟවමින්   මෙරට අසිරිය විඳගැනීම සඳහා පැමිණෙන සංචාරකයන් මුලාකර මුදල් වංචා කිරීමේ යෙදුණු  පුද්ගලයන් තිදෙනකු අත්අඩංගුවට ගත් බවව සංචාරක පොලිසිය කියයි.

නාවික හා සංචාරක දිසා කොට්ඨාසය භාර නියෝජ්‍ය පොලිස්පති  නාලක ද සිල්වා මහතාගේ මඟ පෙන්වීම මත අධ්‍යක්ෂක සහකාර පොලිස් අධිකාරි  ප්‍රභාත් විධාන ගමගේ මහතාගේ උපදෙස්මත විශේෂයෙන් සංචාරක ගමනාන්තයක් වන කොළඹ දිසාවේ  සිදු කරන විශේෂ ආරක්ෂක වැඩසටහන යටතේ කොළඹ, කොටුව චැතැම් වීදිය ප්‍රදේශයේ රැඳී සිටි මෙම සැකකරුවන් අත්අඩංගුවට ගෙන ඇත.

එම සැකකාර පුද්ගලයන් මෙරට පැමිණෙන සංචාරකයන් අමතා උද්ඝෝෂණ පවතින බැවින් මාර්ග වසා දමා ඇති බවත්, ඒ හේතුවෙන් රථ වාහන තදබද පවතින බවට මුලාකර මෙන්ම     එමමාර්ගවල පිහිටි  ඇතැම් හෝටල්වල කළමනාකරුවන් ලෙස පෙනීී සිටිමින් සංචාරකයන්ට  හිරිහැර වන ආකාරයෙන් මෙන්ම මුලා කර දුර බැහැර ප්‍රදේශවලට හෝටල් කරා ත්‍රිරෝද රථ මගින් යොමු කර අසිමිත ආකාරයෙන් මුදල් වංචා කර ඇතැයිද    වාර්තා වී ඇතැයි වී යැයි පොලිසිය කියයි.

එම විශේෂ ආරක්ෂක වැඩපිළිවෙලට යටතේ  පාපැදි , යතුරුපැදි හා ජංගම සංචාර යොදා ගනිමින් විදේශිකයන්ගේ ආරක්ෂාව තහවුරු කිරීම සඳහා  සංචාරය සඳහා සුදුසු රටක් වශයෙන් විදේශිකයන්ට තවදුරටත් ඒත්තු ගැන්වීම සඳහා සංචාරක කොට්ඨාස පොලිසිය මගින් සිදු කරන විශේෂ ආරක්ෂක දිගින් දිගටම ක්‍රියාත්මක කරන බව ජේෂ්ඨ පොලිස් නිලධාරියකු පැවසීය.