‘කොමන්වෙල්ත් බැංකු’ කුසලාන තුන්කොන් එක්දින ක‍්‍රිකට් තරගාවලියේ ශ්‍රී ලංකාව සහ  ඕස්ටේ‍්‍රලියාව අතර තෙවැනි තරගය අද (24) හෝබාට්හි බෙලරිව් ක‍්‍රීඩාංගණයේදී දිවා/රාත‍්‍රී තරගයක් ලෙස පැවැත්වේ. මෙම තරගය ශ්‍රී ලංකා වේලාවෙන් පෙරවරු 8.50 ට ආරම්භ වීමට නියමිතය. ප‍්‍රසාද ලකුණු 11 ක් ලබා සිටින ශ්‍රී ලංකාව අද තරගයෙන් ජය ලැබුහොත් ප‍්‍රසාද ලකුණු සටහනේ පෙරමුණට පැමිණීමේ අවස්ථාව ලැබේ. ශ්‍රී ලංකාවට මෙම තරගයෙන් පසුව ඉන්දියාව සහ  ඕස්ටේ‍්‍රලියාවට එරෙහිව තරගය බැගින් ඉතිරිව තිබේ. තරග පහකට සහභාගි වූ  ඕස්ටේ‍්‍රලියාව ප‍්‍රසාද ලකුණු 14 ක් ලබා සිටින අතර අද තරගයෙන් ජය ලැබුවහොත් අවසන් මහ තරගයට සුදුසුකම් ලබයි. ඉන්දියාව තරග හයකට සහභාගි වී ප‍්‍රසාද ලකුණු 10 ක් ලබා තෙවැනි ස්ථානයේ පසු වෙයි. පළමු තරග පහට සහභාගි වූ හිටපු නායක රිකි පොන්ටිං අසාර්ථක වීම නිසා සංචිතයෙන් ඉවත් කරමින් එම ස්ථානයට ආබාධයකට ලක්ව සිටි ප‍්‍රවේගකාරි ආරම්භක පිතිකරු තුන් ඉරියව් ක‍්‍රීඩක ෂේන් වෝට්සන් කැඳවා තිබේ. ශ්‍රී ලංකා එක්දින සංචිතය: මහේල ජයවර්ධන (නායක), ඇන්ජලෝ මැතිව්ස් (උප නායක), උපුල් තරංග, තිලකරත්න ඩිල්ෂාන්, කුමාර් සංගක්කාර, දිනේෂ් චන්දිමාල්, රංගන හේරත්, නුවන් කුලසේකර, ෆර්විස් මහරුෆ්, ලසිත් මාලිංග, තිසර පෙරේරා, ධම්මික ප‍්‍රසාද්, සචිත‍්‍ර සේනානායක, ළහිරු තිරිමාන්න, චානක වෙළගෙදර ඕස්ටේ‍්‍රලියානු එක්දින සංචිතය: මයිකල් ක්ලාක් (නායක), ෂේන් වොට්සන් (උප නායක), ඬේවිඞ් වෝනර්, ඩෙනිල් ක‍්‍රිස්ටියන්, සේවියර් ඩුහටි, පීටස් ෆොරෙස්ට්, බෙන් හිල්ෆනවුස්, ජෝන් හොලන්ඞ්, මයික් හසී, ඬේවිඞ් හසී, බ්‍රෙට් ලී, ක්ලින්ට් මැකේ, මිචෙල් මාෂ්, රයාන් හැරිස් සහ මැතිව් වේඞ්.