(ජේ.ඒ.එල්. ජයසිංහ)

වික්ටෝරියා ජලාශයේ දිය නෑමට ගිය, මහනුවර ප්‍රධාන පෙලේ පිරිමි විදුහලක සිසුන් තිදෙනෙකු දියේ ගිලී ඇති අතර ඉන් සිසුන් දෙදෙනෙක් බේරාගත් බවත් එක් සිසුවෙක් මරණයට පත්ව ඇති බවත් තෙල්දෙණිය පොලිසි පවසයි.

බේරා ගත් සිසුන් දෙදෙනා තෙල්දෙණිය රෝහලට ඇතුලත් කර ඇතිබව පොලිස් ප්‍රකාශකයෙක් පැවසීය

සිද්ධියෙන් මිය ගොස් ඇත්තේ 12 වසරේ ඉගෙනුම ලැබූ කවිද නියංගොඩ නැමති සිසුවෙකු බව, මේ සම්බන්ධව විමසීමේදී තෙල්දෙණිය පොලිස් මූලස්ථානයේ නිලධාරියා වැඩි දුරටත් කීය.

මහනුවර ප්‍රධාන පෙලේ  පිරිමි විදුහලක ළමුන් 51 දෙනෙකු සහ ගුරුවරුන් දෙදෙනෙකු තෙල්දෙණිය පොලිස් වසමේ ඹබරගල රාජමහා විහාරය  නැරඹීමට පැමිණ ඇති අතර ඒ ආසන්නයේ පිහිටි වික්ටෝරියා ජලාශයට  සිසුන් තිදෙනෙකු දිය නෑමට ගිය අවස්ථාවේ මෙලෙස එක් සිසුවෙකු  දියේ ගිලී  මරණයට පත්වී ඇති බව පොලිසිට කියයි. 

තෙල්⁣දෙණිය සහකාර පොලිස් අධිකාරී ජයන්ත සමරකෝන් මහතාගේ අධීක්ෂණ මත තෙල්දෙණිය පොලීසීය සිද්ධිය සම්බන්ධයෙන්  වැඩි දුර පරීක්ෂණ පවත්වයි.