(පද්මසිරි ගාර්දියවසම්)

වලස්මුල්ල,රම්මල වරාපිටිය හල්දොලකන්ද ප්‍රදේශයේ නිවසක් පිටුපස වල දමා තිබූ මිනිස් පාදයක කොටසක් අද (16) සොයාගත් බව වලස්මුල්ල පොලිසිය පවසයි.

මෙයට මාස දෙකකට පමණ පෙර පාදය හමුවූ නිවසින්  අතුරුදහන්වූ  තිබ්බටු දෙනියගේ ජයසිංහ (51) යන පස් දරු පියාගේ බවට සැකකරයි.

ඝාතනය කර නිවස පිටුපස වළ දමන්නට ඇතැයි පොලිසිය සැකකරයි.

මියගිය අය සිය සැමියා අතර නිතර ආරවුල් ඇතිව තිබූ බවට තොරතුරු අනාවරණය වූ බවද පොලිසිය පැවසීය .

ඝාතනයට ලක්වූ අයගේ පවුලේ අය වලස්මුල්ල පොලිසියට පැමිණ කරුණු පැහැදිලි කිරීමෙන් පසු අද (16) සැකකරුවන් ගෙන් ප්‍රශ්න කළ බවත් එහිදී වැදගත් සාක්කි රැසක් හෙලිවූ බවද පොලිසිය පැවසීය .

මෙම ඝාතනය පිළිබඳව වලස්මුල්ල මහේස්ත්‍රාත් අධිකරණය දැනුම්වත් කළ බවත් මහේස්ත්‍රාත්වරිය සිද්ධියවූ ස්ථානයට පැමිණ මූලික මහේස්ත්‍රාත් පරීක්ෂණය සිදුකර ලබාදෙන නියෝගය අනුව සිරුරේ ඉතිරි කොටස් ගොඩ ගැනීමට කටයුතු කරන බවද පොලිසිය පැවසීය.

​