IMG-LOGO

විදුලි සභාපති ඉල්ලා අස්වේ?

 

විදුලිබිල සහ පිටස්තට අයගේ අත පෙවීම් හේතුවෙන් සිය සභාපති ධූරයෙන් ඉල්ලා අස්වීමට තීරණය කළ බව විදුලි බල මණ්ඩලයේ සභාපති තිලක් සියඹලාපිටිය මහතා බලශක්ති අමාත්‍යාංශයට ලිපියක් යොමු කර ඇතැයි වාර්තාවේ. 

මෙරට විදුලීය ගාස්තුව සියයට 25ත් 35ත් අතර ප්‍රතිශතයකින් ඉහළ දැමීමට ලංකා විදුලිබල මණ්ඩලය සළකා බලමින් සිටින බව ආරංචි මාර්ග ප්‍රකාශ කළේය.

ජාත්‍යන්තර මූල්‍ය අරමුදල සහ ශ්‍රී ලංකාව අතර එළැඹි කාර්ය මණ්ඩල එකඟතාවට අනුමැතිය ලබා ගැනීමට විධායක කමිටුව යොමු කිරීම සඳහා සම්පූර්ණ කළ යුතු පියවරයන් දෙකෙන් එක් පියවරක් වන්නේද විදුලිය උත්පාදනය කිරීමට වැයවන මුදල නැවත අයකර ගත හැකි ගාස්තු ක්‍රමයක් හඳුන්වා දීමයි.

විදුලිය ගාස්තුව සංශෝධනය කිරීමේ යෝජනාව ශ්‍රී ලංකා මහජන උපයෝගී කොමිෂන් සභාව සහ ලංකා විදුලිබල මණ්ඩලය එකඟවූ සුත්‍රයට අනුව සූදානම් වෙමින් පවතින බවත් සූදානම් කිරීමෙන් අනතුරුව එම යෝජනාව මහජන උපයෝගී කොමිෂන් සභාව ඉදිරිපත් කරනු ඇති බවත් ආරංචි මාර්ග ප්‍රකාශ කළේය.

විදුලිබිල සංශෝධනය කිරීම සඳහා සාකච්ඡා පැවැත්වෙන අතරතුර ලංකා විදුලිබල මණ්ඩලයේ සභාපති තිලක් සියඹලාපිටිය මහතා සිය ඉල්ලා අස්වීමේ ලිපිය බාරදී තිබෙන බව අප පුවත්පතට වාර්තා විය.

ඉල්ලා අස්වීමට ප්‍රධාන හේතූන්වී ඇත්තේ දේශපාලන බලාධිකාරිය සිදුකරන අනවශ්‍ය මැදිහත් වීම් සහ ශ්‍රී ලංකා මහජන උපයෝගීතා කොමිෂන් සභාවේ පිරිවැයට සරිලන විදුලිය ගාස්තු ක්‍රමය බව ආරංචි මාර්ග ප්‍රකාශ කළේය.

විදුලිය ගාස්තුව සංශෝධනය නොකළ යුතු බවට ලංකා විදුලිබල මණ්ඩලය පවසද්දී ශ්‍රී ලංකා මහජන උපයෝගීතා කොමිෂන් සභාව පසුගිය ජනවාරි මාසයේදී සියයට 20 කින් විදුලිය ගාස්තු පහළ දැමීමට අනුමැතිය ලබා දුන්නේය.

ලංකා විදුලිබල මණ්ඩලයේ ජ්‍යෙෂ්ඨ නිලධාරියෙක් ප්‍රකාශ කර සිටියේ පසුගිය ජනවාරි මාසයේදී විදුලිය ගාස්තු සංශෝධනය කිරීමෙන් පසුව 2022 වසරට පෙර පාඩු ලැබූ පරිද්දෙන්ම ලංකා විදුලිබල මණ්ඩලය නැවතත් පාඩු ලැබීමට පටන් ගත් බවය.

2022 වසරේදී ලංකා විදුලිබල මණ්ඩලය රුපියල් බිලියන 473 ක් පාඩුවක් වාර්තා කළේය.2022 වසරේදී මෙරට ආර්ථිකය කඩා වැටීමෙන් පසුව ජාත්‍යන්තර මූල්‍ය අරමුදලේ කොන්දේසි ප්‍රකාරව අවස්ථා දෙකකදී විදුලිබිල ඉහළ දැමුවේය. එහි ප්‍රතිඵලයක් ලෙස විදුලිබල මණ්ඩලය 2023 වසරේදී රුපියල් බිලියන 61 ක ලාභයක් ලැබූ අතර පසුගිය වසරේදී රුපියල් බිලියන 141 ක ලාභය වාර්තා කළේය.

එහි ප්‍රතිඵලයක් ලෙස පසුගිය වසර අවසානය වනවිට ලංකා විදුලිබල මණ්ඩලයේ පාඩුව රුපියල් බිලියන 271 දක්වා පහළ ගියේය. නැවතත් පසුගිය පෙබරවාරි මාසය අවසන් වනවිට ලංකා විදුලිබල මණ්ඩලයේ පාඩුව රුපියල් බිලියන 271.1 දක්වා ඉහළ ගොස් ඇත.

විදුලිබල මණ්ඩලයේ රුපියල් බිලියන 473 ක පාඩුවට දීර්ඝ කාලීන ණය, රාජ්‍ය බැංකුවලින් ලබාදී ඇති අයිරා පහසුකම්, පොළී ගෙවීම්,ලංකා ඛනිජතෙල් සංස්ථාවට සහ පුද්ගලික විදුලිබලාගාරවලට කිරීමට තිබෙන ගෙවීම් ඇතුළත් විය.

 



අදහස් (17)

විදුලි සභාපති ඉල්ලා අස්වේ?

ගුණරත්න Sunday, 11 May 2025 08:28 AM

ආණ්ඩු ව්‍යාපාර නොකළ යුත්තේ ඇයි? ඔන්න උත්තරය. මාලිමාවුන් පිස්සු පූසන් වගේ පිඹගෙන ඒවි, එත් එකම විසඳුම පුද්ගලීකරණය කරන එක. බිලියන ගණන් පාඩු වෙනවා කියන එක මාලිමාව වගේ ධනවත් පක්ෂයකට සුළු දෙයක් වුණාට මේ දුප්පත් රටේ ආර්ථිකයට දරාගන්න අමාරුයි, අඩුම ගානේ පිරිවැය පියවාගන්න එකවත් කරන්න ඕන. රනිල්ලා කලේ එක, බිල වැඩි කරලා ඕන ගොනෙක්ට ලාබ ගන්න පුළුවන්, ඔවු එක තමා ක්‍රමේ, මාලිමාවට මාස ගානක් දුන්න ඔන්න කරලා පෙන්නපන් කියල, කෝ ඉතින් දූෂණ අවම කළා, අරම කළා මේම කළා කිව්වට පාඩුව තවමත් තියෙනවා. ඉතින් තේරෙනවා නේ, මොකක්ද අර්බුදය කියලා. ඊළඟ ජනාධිපතිවරණය ආවම මේ කාලකන්නි ආණ්ඩුව පරද්දන්න.

:       12       13

Kumar Sunday, 11 May 2025 06:17 PM

වසර ගණනාවක සිදුවුණු දෙය මෙම රජයට හදන්න බැරි බව තේරුම්ගත නොහැකි මෝඩයෙක් වෙන්න ඇති. මෙම ආයතනයේ සේවක පිරිස තුනෙන් පන්ගුවකිවත් අඩුකරන්න ඕනෑ. නැතුව වියදම් අඩුකරන්න හැකියාවක් නැත. මම එම ආයතනයේ වසර 40 කට සේවය කරලා තියෙනවා...!

:       0       1

swene Sunday, 11 May 2025 08:32 AM

විදුලි බල මණ්ඩලයට ඔය තරම් පාඩු තිබුණත්, සේවක පඩි නඩි කොහොමද ? විවිධාකාර අවස්ථාවලදී ඒවා වැඩි කරගෙන තිබෙනවා නේද?

:       2       18

මහසෙන් Sunday, 11 May 2025 08:43 AM

ලිපිය කියවන විට එහි ඇතුලත් කරුනු බොහෝ ප්‍රමාණයකට එකඟ වූවත් දේශපාලන බලාධිකාරිය අත පෙවීමක් තියෙනවා කියන එක නම් පිලිගන්න බෑ. මොකද මේ ඉතිහාසයේ බිහිවුණ සුජාතම ආන්ඩුව. එහෙම ආන්ඩුවකින් මෙහෙම වෙන්න බෑ.

:       8       15

Suneth Sunday, 11 May 2025 08:52 AM

විදුලිබල මණ්ඩලයේ දැරිය නොහැකි දීමනා, වැටුප් හා සියලුම ශ්‍රේණිවල සේවකයන් ගණන සංශෝධනය විය යුතුමයි.

:       3       19

ජිල්බු Sunday, 11 May 2025 08:57 AM

අපේ පුරුදු හොරකම් ටික කරගෙන අපිට ඉන්න දෙන්න අයියෝ.

:       4       13

E A D P Upalirathna Sunday, 11 May 2025 09:11 AM

පහු ගිය ටික එනර්ජි සෙක්ටර් එකේ හොඳ තීරණ ටිකක් මෙතුමා ගත්තා. NPP ආණ්ඩුව මේ ගොන් වැඩෙත් කළා නම් වැඩි කල් යන්නට කළින් මේ රජය ෆේල් වෙනවා ශුවර් එකටම...

:       9       7

පිස්සු යකෙක් Sunday, 11 May 2025 09:26 AM

දවල්ට අව්ව... රෑට වැස්ස තියෙනවා. රටේ විදුලිය උත්පාදනය සූර්ය හා ජල විදුලියෙන් රටම දුවන්න පුළුවන් කාලේ බිල්ලට දෙන්න හදන්නේ පාරිභෝගිකයින්ව... මේ මණ්ඩලයේ තියෙන මාෆියාවට මේ ආණ්ඩුවත් බයයි වගේ. හැම පියස්සකටම සූර්ය උත්පාදක දීලා අපූරුවට යන්න පුළුවන්. ඒත් මණ්ඩලේට කොමිෂන් නෑ හින්දා ඒවා බෑ. කරුමයක් මේ රටේ ඉන්න එක...

:       3       10

NarmadaMonday, 12 May 2025 01:07 AM

එහෙම හැම පියසකටම සූර්ය උත්පාදක දුන්නා කියමුකෝ. දවස් 2-3ක් වැස්සොත් මොකද කරන්නේ? ඉර එළිය අඩු වැඩි වෙනකොට ගෙවල් වල විදුලි ඉල්ලුම අඩු වැඩි කරනවාද? නැත්නම් අතින් මොකක් හරි කරකවනවාද සංඛ්‍යාතය 5 තියාගන්න. රෑට කොහෙන්ද විදුලිය? දැනට කොහේද බැටරි තියෙන්නේ? බැටරි වල ගාණ කොහොමද? කවුද ඒ වියදම දරන්නේ? අවුරුදු 5න් 5ට? වහින දවසට විදුලිය දෙන්න ඇති තරම් ජල විදුලි බලාගාර තියෙනවාද? සූර්ය උත්පාදක වල නිශ්පාදනය අඩු වෙනකොට විදුලිය දෙන්නේ අහවල් එකෙන්ද?

:       0       1

යෝගා Sunday, 11 May 2025 09:36 AM

නැව් පච අනුරයි, වඳුරු ඇමතියි ඔය කොරලා තියෙන්නේ. මන්ද මානසික මාලිමා හොරුන් එක්ක කරන්න බෑ කියලා ඉල්ලා අස්වන දහවන සභාපති වෙන්න ඕනෑ.

:       13       13

අරුණි Sunday, 11 May 2025 10:01 AM

ඉදිරියේ දවසක් ඒවි අධික ජීවන වියදම් සහ සියලු අනීතික පීඩනයන් දරාගත නොහැකිව මාලිමා ආධාරකරුවන් විසින්ම රජය පලවා හරින දිනයක්...

:       9       11

නයන Sunday, 11 May 2025 10:57 AM

ඒ කියන්නේ මෙයා අස්වෙලා තියෙන්නේ විදුලි බිල වැඩිකරන්න දුන්නේ නැහැ කියලද?

:       1       6

fairoos Sunday, 11 May 2025 11:29 AM

ලාබ ලබන කොටනේ ඔතන ඉන්න අයට බෝනස් හම්බ වෙන්නේ නේද?

:       2       10

ලුම්බිණි Sunday, 11 May 2025 11:53 AM

හරියට කරන්න බැරි නම් යන්න...

:       2       10

NPP Sunday, 11 May 2025 01:19 PM

ඇත්ත කතාව පසුව දැනගන්න ලැබෙනවා.

:       2       8

Rasika Sunday, 11 May 2025 01:36 PM

දැන් ගොක්කොළ පේනවා. ගෝඨා අරතරම් ව්‍යවසනයක් මැද්දේ අවුරුදු 2 ක් ගියා මෙයාලාට අවුරුද්දක්වත් බෑ වගේ. හැබැයි ගෝඨා වගේ යයි කියලා හිතන්න අමාරුයි. මෙයාලාට පුරුදු විදියට රටම ලේ විලක් කරයි...!

:       11       15

නර්මදා Monday, 12 May 2025 01:00 AM

එතුමා මේ තනතුර බාර ගත්තේම මාස 6කට. පවුලේ කටයුත්තක් සඳහා විදේශ ගත වෙන්න සිදුවන බව තනතුර බාරගන්න ජනාධිපති පෞද්ගලිකව ඉල්ලන අවස්ථාව වන විටත් දැන ගෙන සිටිය නිසා ඒ බව කියලාම තමයි ගත්තේ. දැන් එතුමාට සහ එතුමන්ගේ බිරිඳට එම කටයුත්ත සඳහා විදේශගත වන්න වෙන නිසා එතුමා යනවා. ඇමැති, ජනාධිපති විකල්ප යෝජනා කළත් එතුමා බාරගන්න කැමැති නෑ. බක පණ්ඩිත ඊනියා විශේෂඥයෝ, පුනර්ජනනීය මාෆියාවේ සල්ලිවලට කුලියට ලියන විශේෂඥයෝ කියන උදවිය මොනවා කිව්වත් හරි දැක්මක් තිබුණ වැදගත් පුද්ගලයෙක්. රටේ විදුලිබල ක්ෂේත්‍රය හරි මගට ගන්න අඩිතාලම දාගෙන ආව ක්ෂේත්‍රයේ ඇත්තම ප්‍රවීණයෙක්. ටික කාලයකින් ආයේම ලංකාවට ඇවිත් පුළුවන් විදිහට උදව් කරයි...

:       1       0

ඔබේ අදහස් එවන්න

 

 
 

මේවාටත් කැමතිවනු ඇති

Victrix Tech ශ්‍රී ලාංකික ව්‍යාපාරික ඩිජිටල් තාක්ෂණික අවශ්‍යතා සඳහා ඉතා උසස් ඩිජිටල් විසදුම් දියත් කරයි 2025 මැයි මස 23 97 0
Victrix Tech ශ්‍රී ලාංකික ව්‍යාපාරික ඩිජිටල් තාක්ෂණික අවශ්‍යතා සඳහා ඉතා උසස් ඩිජිටල් විසදුම් දියත් කරයි

ජාත්‍යන්තර වෙළෙඳපොළ පිලිබඳ විශේෂඥතාවක් ඇති ඩිජිටල් පරිවර්තන සමාගමක් වන Victrix Tech (Pvt) Ltd, ශ්‍රී ලංකාවේ ව්‍යාපාරික වෙළඳපොළ සඳහා සිය ව්‍යාපාර කටයුතු පුළුල් කර

MIND සමූහය මාධ්‍ය නිවේදනය.  ලෝක සාමය සහ රාජ්‍ය තාන්ත්‍රික සංවිධානයෙන් මහාචාර්ය මොහාන්  මුණසිංහ මහතා ගෞරව සම්මානයට පාත්‍ර විය. 2025 මැයි මස 16 493 1
MIND සමූහය මාධ්‍ය නිවේදනය. ලෝක සාමය සහ රාජ්‍ය තාන්ත්‍රික සංවිධානයෙන් මහාචාර්ය මොහාන් මුණසිංහ මහතා ගෞරව සම්මානයට පාත්‍ර විය.

පැවති 7 වන ගෝලීය ව්‍යාපාර නායකත්ව සංසදයේදී, ලෝක සාමය සහ රාජ්‍ය තාන්ත්‍රික සංවිධානය (WPDO) වෙතින් තිරසාරභාවය සහ සාමය සඳහා වූ සුවිශේෂී දායකත්වය වෙනුවෙන් මොහ

’’හරිත සරසවියක අසිරිය විඳගන්න”  NSBM Open Day මැයි 17 සහ 18 හරිත සරසවි පරිශ්‍රයේ දී 2025 මැයි මස 15 259 0
’’හරිත සරසවියක අසිරිය විඳගන්න” NSBM Open Day මැයි 17 සහ 18 හරිත සරසවි පරිශ්‍රයේ දී

NSBM හරිත සරසවිය මැයි 17 සහ 18 යන දෙදින පවත්වන ’’NSBM Open Day’’ සමඟ මහජන ප්‍රදර්ශනය සඳහා විවෘත වේ.

Our Group Site