(සුමිත් පොතුපිටිය සහ දයා හේමන්ත සිල්වා) 

ධීවර කටයුතු සදහා මුහුදු ගොස් එමින් සිටීයදී ධීවර බෝට්ටුව අද (20) පස්වරුවේ  පෙරලී පුද්ගලයකු මියගොස් තවත්  දෙදෙනෙකු පිහිනා දිවිගලවාගෙන ඇති බව වාද්දුව පොලිසිය පවසයි .

මෙසේ මියගොස් ඇත්තේ වාද්දුව හී පදිංචි නිශාන්ත මංජුල කුමාර 38 හැව්රිදි සිවුදරු පියකු  බව පොලිසිය කීය.

මියගොස් ඇති පුද්ගලයා සිය පුත්‍රයා සහ තවත් පුද්ගලයකු සමග ධීවර කටයුතු සදහා මුහුදු ගොස් එමින් සිටීයදී වෙරළට මීටර් 150 ක් පමණ ඈතින් බෝට්ටුව පෙරලී තිදෙනා ගොඩබිමට පිහිනා ඇති බව සදහන් වේ.

එහිදී මුහුදු වතුර පෙවී සිටී පුද්ගලයා පානදුර මූලික රෝහලට රැගෙන ගොස් ඇති බවත් , එහිදී මියගොස් ඇති බව පොලිසිය කීය.

පානදුර ජ්‍යෙෂ්ඨ පොලිස් අධිකාරී සමන්ත වෙදගේ සහකාර පොලිස් අධිකාරී ජේ.ඒ.එස්.කේ.ජයනෙත්ති යන මහත්වරුන්ගේ උපදෙස් පරිදි ස්ථානාධිපති ප්‍රධාන පොලිස් පරීක්ෂක චාමින්ද්‍ර කුමාර මහතාගේ ප්‍රධානත්වයෙන් පරීක්ෂණ පවත්වයි.