(ඩයනා උදයංගනී)
රුසියානු ජනාධිපති ව්ලැදිමීර් පුටින් මහතා හිටපු ජනපති මෛත්රීපාල සිරිසේන මහතාට ලිපියක් එවා ඇති අතර, එරට ශ්රී ලංකා තානාපති යුරි මැටෙරි මහතා එය හිටපු ජනාධිපතිවරයාට අද (22) භාර දුන්නේය.
එරොෆ්ලොට් ගුවන් යානය පිළිබඳව ඇතිවූ ගැටලුව සමතයකට කිරීමේ අරමුණින් හිටපු ජනාධිපති මෛත්රිපාල සිරිසේන මහතා රුසියානු ජනාධිපති ව්ලැදිමීර් පුටින් මහතාට ඉකුත් 05 වන දින යොමු කළ ලිපියට පිළිතුරු ලෙස රුසියානු ජනාධිපතිවරයා මෙම ලිපිය යොමු කර ඇත.
හිටපු ජනාධිපතිවරයාගේ නිල නිවසට පැමිණි යුරි මැටෙරි මහතා මෙම ලිපිය ජනාධිපති මෛත්රීපාල සිරිසේන මහතා ඉදිරියේ ප්රකාශයට පත් කළේය.
ශ්රී ලංකාවේ තෙල් සහ පොහොර අර්බුදය පිළිබඳව ඉතා සාධනීයව සලකා බැලීමට හැකි අතර ඒ සම්බන්ධයෙන් ශ්රී ලංකා පාර්ශවයේ යහපත් මැදිහත්වීමක් තවමත් දක්නට නොලැබෙන බව රුසියානු තානාපතිවරයා මෙහිදී පැවසීය.
රජය් මීට වඩා උනන්දුවෙන් සහ කැපවීමෙන් කටයුතු කරයි නම් ඒ පිළිබඳව වඩාත් සක්රීය දායකත්වයක් ලබා දීමට හැකි බව ඔහු සඳහන් කළේය.
මේ සම්බන්ධයෙන් ශ්රී ලංකාවේ ජනාධිපතිවරයා සහ රජය සමඟ සාකච්ඡා කොට සාධනීය පිළිතුරක් දෙනු ඇතැයි රුසියානු රජය අපේක්ෂාවෙන් සිටින බවද තානාපතිවරයා හිටපු ජනාධිපතිවරයාට පැවසීය.
21 වන සංශෝධනය සහ සර්ව පාක්ෂික ආණ්ඩුවේ අපේක්ෂා කරන ව්යුහය මෙන්ම දෙරටේ මිත්රත්වය පලුදු නොවී ඉදිරියට ගෙන සම්බන්ධයෙන් මෙහිදී සාකච්ඡා කෙරිණි.
එරොෆ්ලොට් ගුවන් ගමන් නැවතත් ආරම්භ කිරීමට රුසියානු ජනාධිපතිවරයා සහ රජය අපේක්ෂා කරන එකඟතාවය ඉක්මනින් ලබාගැනීමට හිටපු ජනාධිපති මෛත්රීපාල සිරිසේන මහතා මැදිහත් වනු ඇතැයි අපේක්ෂා කරන බව ද හෙතෙම කීය.
හිටපු ජනාධිපතිවරයා මෙහිදී පැවසුවේ ලිපියේ අන්තර්ගත කාරණා පිළිබඳව ඉතා ඉක්මනින් ජනාධිපති ගෝඨාභය රාජපක්ෂ මහතා සමඟ සාකච්ඡා කොට රුසියානු රජය අපේක්ෂා කරන සාධනීය පිළිතුරක් ලබා දීමට මැදිහත් වන බවයි.
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉරානය පසුගියද ඊශ්රායලයට එල්ල කළ ප්රහාරයට පිළිතුරු වශයෙන් ඊශ්රායල අද(19) අලුයම ඉරානයේ ඉස්ෆාහන් නගරය ආසන්නයට මිසයිල ප්රහාරයක් එල්ල කර ඇතැයි ඇමෙරිකා
ධීවර කටයුතු සඳහා අරලගන්විල පිඹුරුත්තාව වැවට ගිය පුද්ගලයෙකු එහිදී අඹුසැමි යුවළක් සමග සාදයක් පවත්වා එහිදී ඇතිවූ ආරවුලකදී හබලකින් පහරදී ඝාතනය කර ඇතැයි
කොළඹ පිටකොටුවේ අනවසර කඩ ඉදිකිරීම පිටුපස සංවිධානාත්මක ජාවාරම්කරුවන් පිරිසක් සිටින බවට හෙලිවී ඇතැයි කොළඹ මහ නගර සභාව සහ නාගරික සංවර්ධන අධිකාරිය පවසයි.
ජාවාරම් කිරීම සඳහා විරෝධී මත් කරල් 1229 ක් සන්තකයේ තබාගෙන සිටි පුද්ගලයින් දෙදෙනෙක් පුල්මුඩේ ප්රදේශයේදී විශේෂ කාර්ය බලකාය නිලධාරීන් විසින් ඊයේ 18 අත්
බස්නාහිර,සබරගමුව,වයඹ සහ උතුරු පළාත්වලත් ගාල්ල සහ මාතර දිස්ත්රික්කවලත් පස්වරු 2.00 පසු වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්ත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පුටින්ගෙන් මෛත්රීට ලිපියක්
Aruna Wednesday, 22 June 2022 08:20 PM
මචං හිටං කියලා පටන්ගෙන ඇති...!
sreeman Wednesday, 22 June 2022 08:34 PM
පුටින් මෙහෙම හිස නමන කෙනෙක් නෙමෙයි බලවත් රටවලට. අපිට කලාට. පුටින් සතුව තිබු වීදියේ බණ්ඩාර පාවිච්චි කළ කඩුවක් මෛත්රීට දුන්නා තෑග්ගකට...
fairoos Thursday, 23 June 2022 12:19 PM
නන්දසේන සහ පාර්ලිමේන්තුවේ ඉන්න 225ම තොලොංචිවෙලා ගිය දවසට තමයි ලංකාවට සෙතක් වෙන්නේ...
Bamunuarachchi Thursday, 23 June 2022 06:14 PM
මේ මොකක්ද මේ විකාරේ..? තමන්ගේ ගේ ඇතුලේ විදෙස් තානාපති කෙනෙක් සමග මාස්ක් එකක් දාගෙන කතා කරන්නේ.... සිරිසේන කළොත් කරන්නේ විකාර වැඩක්. සිරිසේනට ෂුවර් නැහැ තමන්ට කොරෝනාද කියලා...!