ශ්‍රී ලංකා පාසල් රග්බි සංගමය මෙහෙයවන වන ‘සිංගර්’ කුසලාන අන්තර් පාසල් වයස 20 න් පහළ රග්බි ලීග් තරගාවලිය (2012) අනිද්දා (18 වැනිදා) ආරම්භ වේ. මෙවර තරගාවලියේ පළමු වැනි කොටසේ කණ්ඩායම් 30 ක් ඒ, බී සහ සී යන කාණ්ඩ යටතේ තරග වදිති. දෙවැනි කොටසේ කණ්ඩායම් 24 ක් ද, තෙවැනි කොටසේ කණ්ඩායම් 36 ක් ද තරග කරති. පළමු තරගය, මරදාන සහිරා විදුහල සහ කොටහේන ශා. බෙනඩික් විදුහල අතර (‘සී’ කාණ්ඩයේ තරගයකි) අනිද්දා සවස 4.30 ට මරදාන සහිරා විදුහල් පිටියේදී පැවැත්වේ. ‘ඒ’ කාණ්ඩයේ පළමු තරගය, ශාන්ත පීතර විදුහල සහ මරදාන ශාන්ත ජෝශප් විදුහල අතර 20 වැනිදා පස්වරු 4.30 ට බම්බලපිටියේදී පැවැත්වේ. පළමු සතියේ පැවැත්වෙන ‘ඒ’ කාණ්ඩයේ තරග අපේ‍්‍රල් 18 වැනිදා * සහිරා විදුහල සහ ශා. බෙනඩික් විදුහල අතර සහිරා විදුහල් පිටියේදී *ශා. ආනා විදුහල සහ නුගේගොඩ ශා. ජෝන් විදුහල අතර කුරුණෑගලදී අපේ‍්‍රල් 19 වැනිදා *වෙස්ලි විදුහල සහ නාලන්දා විදුහල අතර රත්මලාන ගුවන් හමුදා පිටියේදී * රාජකීය විදුහල සහ මලියදේව විදුහල අතර කුරුණෑගලදී අපේ‍්‍රල් 20 වැනිදා * ශා. පීතර විදුහල සහ ශා. ජෝශප් විදුහල අතර බම්බලපිටියේදී. අපේ‍්‍රල් 21 වැනිදා *කොළඹ රාජකීය විදුහල සහ ඞී. එස්. සේනානායක විදුහල අතර රාජකීය විදුහල් ක‍්‍රීඩාංගණයේදී. *ඉසිපතන විදුහල සහ විද්‍යාර්ථ විදුහල අතර සී. ආර්. ඇන්ඞ් එෆ්. සී. ක‍්‍රීඩාංගණයේදී. *ත‍්‍රිත්ව විදුහල සහ විද්‍යා විදුහල අතර පල්ලේකැළේ ක‍්‍රීඩාංගණයේදී. * කිංග්ස්වුඞ් විදුහල සහ ශාන්ත අන්තෝනි විදුහල අතර නිත්තවෙළ ක‍්‍රීඩාංගණයේදී.