රූපවාහිනි නාලිකාව තුල නිවේදිකාවක් ලෙස ඔබ හමුවට එන ඇය දිලිනි අනුත්තරාය. "ව්‍යාපරික ලෝකය" යන වැඩසටහන ඉදිරිපත් කරමින් නිවේදනය ක්ෂේත්‍රය තුලින් ඉදිරියට යාමට බලාපොරොත්තු වන ඇය අපත් සමග මෙසේ එක්විය.

"මම මේ වනවිට ව්‍යාපාර කළමණාකරණය පිළිබඳව හදාරලා තියෙනවා. ඉතිං විනෝදාංශයක් ලෙස හිතන් ඉඳපු දේ රැකියාව වෙලා තමයි දැන් තියෙන්නේ. මේ වනවිට රූපවාහිනි නාලිකාව තුල 'ව්‍යාපරික ලෝකය' කියන වැඩසටහන ඉදිරිපත් කරනවා. මම දැනට අවුරුදු දෙකක විතර වෙනවා නිවේදිකාවක් වශයෙන් එකතු වෙලා. මම කරපු උපාධියත් එක්ක මේ රැකියාවේ කිසිඳු සම්බන්ධතාවයක් නැහැ." 

"ආසාවට කරපු දෙයක් එක්ක අවස්ථාවක් ලැබුණා අවුරුදු දෙකක් මේ වැඩසටහන කරන්න. ව්‍යාපාර කළමනාකරණය කරත් මම ආස ක්ෂේත්‍රයක් තමයි මේක. මාධ්‍ය පිළිබඳවත් හදාරලා තියෙනවා. ඉදිරියේදී මේ වැඩසටහන දිගටම කරන්න ලැබුනොත් හරි, වෙන වැඩසටහනක් කරන්න ලැබුණොත් හරි නිවේදිකාවක් වශයෙන් කටයුතු කරන්න තමයි කැමැත්ත. ඒත් ඉතිං, කියන්න බැහැ ව්‍යාපාරික කළමණාකරණය පැත්තෙන් රැකියාවක් කරන්නත් ඉඩ තියෙනවා. රූපවාහිනිය තුල ඉන්න ඔක්කෝම අය උදව් කරනවා. ඒ අය හරි එකතුයි මාත් එක්ක. නිෂ්පාදකවරුන් වගේම, අලුත් අයද පරණ අයද කියලා වෙනසක් නැහැ ඒ හැමෝම වචනයකින් හරි උදව් කරනවා."

ඩිලාන් ක්‍රිෂාන්ත