නාමල් පිලේ මැති ඇමැතිලා එළියට විසිවේ?

(සුජිත් හේවාජුලිගේ)

ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහයෝගය නොදී වෙනම අපේක්ෂකයකු ඉදිරිපත් කිරීමේ තීරණයේ සිටින මහින්ද රාජපක්ෂ සහ නාමල් රාජපක්ෂ ඇතුළු මන්ත්‍රීවරුන්ට ඉදිරි කාලයේදී පාර්ලිමේන්තුවේ විපක්ෂයේ අසුන්වල අසුන් ගැනීමට සිදුවනු ඇතැයි පාර්ලිමේන්තු ආරංචි මාර්ගවලින් පැවසේ.

ඉදිරි ජනාධිපතිවරණයේදී ශ්‍රී ලංකා පොදු ජනපෙරමුණින් වෙනම අපේක්ෂකයකු ඉදිරිපත් කළ යුතු බවටවූ ස්ථාවරයේ සිටින කණ්ඩායමට ඇතුළත් වන්නේ මන්ත්‍රීවරුන් විස්සකට අඩු පිරිසකි.

මෙතෙක් කල් ආණ්ඩුවේ කටයුතුවලට සහාය දුන් එම පිරිස වෙනම අපේක්ෂකයකු ඉදිරිපත් කිරීමට සහාය දීමත් සමඟ විපක්ෂයේ භූමිකාව ඉටු කරන පිරිසක් බවට නිතැතින්ම පත්වන්නෝය.

සෙසු මන්ත්‍රීවරුන් ඉදිරි පාර්ලිමේන්තු රැස්වීම්වලදී මේ පිරිස සභාවේ අසුන් ගැන්වීම සම්බන්ධයෙන් ප්‍රශ්න කිරීමට සූදානම් වන බවද දැනගන්නට ඇත.

මේ අතර වෙනම අපේක්ෂකයකු ඉදිරිපත් කළ යුතු බවට මතයේ සිටින ශ්‍රී ලංකා පොදු ජන පෙරමුණේ කණ්ඩායමේ සිටින අමාත්‍යවරුන් සහ රාජ්‍ය ඇමතිවරුන්ද පක්ෂයේ තීරණයත් සමඟ කිසියම් අර්බුදකාරී තැනකට ගොස් ඇති අතර

ආණ්ඩුවට විරුද්ධ මතයක සිට එම තනතුරු දැරීමද ගැටලුකාරීවී ඇතැයි ආරංචි මාර්ග සඳහන් කළේය.

අදහස් (6)

නාමල් පිලේ මැති ඇමැතිලා එළියට විසිවේ?

ගමේ එකාලා Wednesday, 31 July 2024 05:42 PM

ශිෂ්ට සම්පන්න නීති ගරුක රටක නම් මෙළහකටත් හිරේට යවලා.

: 0 2

අරවින්ද මොනරවිල Wednesday, 31 July 2024 06:15 PM

බැඳලා ගැහුවත් එකයි, ගහලා බැන්දත් එකයි, ඒක නිසා ඔය හොරු රැල ආණ්ඩු පක්ෂයේ වාඩි වුණත් විපක්ෂයේ වාඩි වුණත් වෙනසක් නැහැ. එකිනෙකාට අවශ්‍ය වෙලාවට ඇවිල්ලා උදව් කර ගනීවි... හොරුන්, අපරාධකරුවන් හා දූෂිතයින් රැකගන්න.

: 10 60

Gesha Wednesday, 31 July 2024 07:28 PM

එතකොට අරවින්ද මොණරවිල කියන්නේ කප්පම් ප්‍රසන්න ඇතුළු හොරුන් හොඳයි කියලද? ආණ්ඩුව ගෙනියන්න. ඇන්නා පැන්නා කොම්පැනිය මරු තමයි ආණ්ඩුව ගෙනියන්න.

: 0 0

dasun Wednesday, 31 July 2024 09:40 PM

ඔය රාජපක්ෂ පවුල හිඟා කන දිනය වැඩි ඈතක නොවේ...

: 0 2

Rohana Wednesday, 31 July 2024 09:56 PM

හොරකමට වංචාවට ආයුෂ අඩුයි කියන්නේ ඔන්න ඕකයි.

: 0 2

chandima Thursday, 01 August 2024 02:49 AM

රනිල් පිල,නාමල් පිල ,රාජපක්ෂ පිල ,සජිත් පිල ,එතකොට කෝ මහජනතාවගේ නියෝජිතයෝ ?

: 0 2