(මොහොමඩ් ආසික්)

දිවයිනේ  බොහෝ ප්‍රදේශවලට තව දුරටත් පවතින අධික වැසි සහිත කාලගුණ තත්වය හේතුවෙන් කොළඹ කළුතර සහ රත්නපුර දිස්ත්‍රික්කවල ප්‍රාදේශීය ලේකම්  කොට්ඨාස 13 කට ජාතික ගොඩනැගිලි පර්යේෂණ සංවිධානය අද (02 )  රතු නිවේදන නිකුත් කර තිබේ.

ඒ අනුව, කොළඹ දිස්ත්‍රික්කයේ පාදුක්ක ප්‍රාදේශිය ලේකම් ‍කොට්ඨාසයටත්, කළුතර දිස්ත්‍රික්කයේ මතුගම බුලත්සිංහල, පාලින්දනුවර,සහ ඉංගිරිය යන ප්‍රා දේශිය ලේකම් කොට්ඨාස සඳහා සහ රත්නපුර දිස්ත්‍රික්කයේ රත්නපුර,කුරුවිට,අයගම,ඇලපාත,කිරිඇල්ල,නිවිතිගල, කලවාන, සහ ඇහැලියගොඩ යන ප්‍රා දේශිය ලේකම් කොට්ඨාස සඳහා තුන් වන මටට්මේ රතු නිවේදන නිකුත් කර තිබේ.

එයට අමතරව කොළඹ දිස්ත්‍රික්කයේ සීතාවක, හම්බන්තොට දිස්ත්‍රික්කයේ වලස්මුල්ල,කළුතර දිස්ත්‍රික්කයේ වලල්ලාවිට සහ හොරණ, මහනුවර දිස්ත්‍රික්කයේ උඩපළාත, කෑගල්ල දිස්ත්‍රික්කයේ දැරණියගල සහ දෙහිඕවිට, මාතර දිස්ත්‍රික්කයේ  පිටබැද්දර, මුලටියන සහ කොටපොළ,නුවරඑළිය දිස්ත්‍රික්කයේ අඹගමුව සහ කොත්මලේ,රත්නපුර දිස්ත්‍රික්කයේ ඉඹුල්පේ යන ප්‍රාදේශියලේකම් කොට්ඨාස සඳහා දෙවන මට්ටමේ  නිවේදනයද නිකුත් කර තිබේ.

ගාල්ල දිස්ත්‍රික්කයේ තවලම, නාගොඩ,ඇලපිටිය, නියාගම, සහ නෙළුව, හම්බන්තොට දිස්ත්‍රික්කයේ කටුවන, කළුතර දිස්ත්‍රික්කයේ දොඩංගොඩ සහ අගලවත්ත,මහනුවර දිස්ත්‍රික්කයේ පස්බාගේ කෝරළය, ගඟවට කෝරළය, යටිනුවර, උඩුනුවර,ගඟ ඉහළ කෝරළය,

කෑගල්ල දිස්ත්‍රික්කයේ රඹුක්කන, කෑගල්ල, යටියන්තොට, රුවන්වැල්ල,මාවනැල්ල, අරණායක, බුලත්කොහුපිටිය, වරකාපොළ සහ ගලිගමුව , කුරුණෑගල දිස්ත්‍රික්කයේ රිදිගම සහ මාවතගම,මාතර දිස්ත්‍රික්කයේ පසගොඩ  සහ අකුරැස්ස, නුවරඑළිය දිස්ත්‍රික්කයේ නුවරඑළිය, සහ රත්නපුර දිස්ත්‍රික්කයේ බලංගොඩ යන ප්‍රාදේශිය ලේකම් කොට්ඨාස සඳහා පළමු මට්ටමේ නාය යෑමේ  නිවේදනයද නිකුත් කර තිබේ.

මෙම නාය යැමේ නිවේදනය හෙට 03  වනදා අලුයම දක්වා බල පැවැත්වෙන බවත් ජාතික ගොඩනැගිලි පර්යේෂණ සංවිධානය  පවසයි.