දේශීය මත්පැන් සඳහා වෙනම ඇප් එකක්

(සුජිත් හේවාජුලිගේ)

නියම ප්‍රමිතියෙන් යුතු දේශීය මත්පැන් බෝතල් හඳුනාගැනීම සඳහා විශේෂ පරිගණක යෙදවුමක් (ඇප්) පාරිභෝගිකයන්ට ඉදිරි දෙසතියේදී හඳුන්වා දීමට කටයුතු කරන බව සුරාබදු කොමසාරිස් ජනරාල් එම් . ජේ ගුණසිරි මහතා ලංකාදීපයට පැවැසීය.

එම පරිගණක යෙදවුම මීට පෙර හඳුන්වා දීමට නියමිතව තිබුණද තාක්ෂණික ගැටළුවක් නිසා එය ප්‍රමාද වූ බවද හෙතෙම සඳහන් කළේය.

මෙම පරිගණක යෙදවුම මත්පැන් බෝතල් වල ඇති ස්ටිකරයට ඇල්ලීමෙන් එය නිෂ්පාදනය කළ නිෂ්පාදකයාගේ සිට සියලු විස්තර පාරිභෝගිකයාට දැන ගැනීමට හැකි වන බව පැවසූ කොමසාරිස් ජනරාල්වරයා ව්‍යාජ මත්පැන් නිෂ්පාදන වෙළෙඳපොළට ඇතුළු වීම වැළැක්වීම මෙහි ප්‍රධාන අරමුණ බවද සඳහන් කළේය.

ආනයනික විදේශීය මත්පැන් සඳහා මෙම පරිගණක යෙදවුම දැනටමත් හඳුන්වාදී ඇතැයිද ගුණසිරි මහතා කීවේය.

දේශීය මත්පැන් සඳහා ස්ටිකරය නිකුත් කිරීමේ කටයුතු සම්පූර්ණයෙන්ම අවසන්වී ඇතැයි සුරාබදු දෙපාර්තමේන්තුව පවසයි.

අදහස් (5)

දේශීය මත්පැන් සඳහා වෙනම ඇප් එකක්

fairoos Monday, 15 August 2022 02:58 PM

ප්‍රමිතිය බලලම බොන්න තියෙන්නේ දැන්

: 1 4

BamunuarachchiWednesday, 17 August 2022 10:20 PM

කතාව නම් හරියට ගැළුමක් ගහන කෙනෙක් වගේ?

: 0 0

"සූර්-කාර්" Monday, 15 August 2022 04:16 PM

පෙට්‍රල් ගහන්න හඳුන්වාදුන් QR CODE ඕකටත් දෙන්න.... මොකද අද ලංකාවේ වාහන දුවන්න පෙට්‍රල් වගේම මත්පැනුත් ඕනිනේ...හේතුව වාහනයට පෙට්‍රල් ඕනි.. .. ඩ්‍රයිවර්ට මත්පැන් ඕනි ..! එතකොට තමයි "සූර්-කාර්" වෙන්නේ!

: 1 3

Bamunuarachchi Tuesday, 16 August 2022 06:04 AM

අපෙන් අයකරන මුදලට ප්‍රමිතියෙන් යුතු මත්පැන් ලබාදෙන්න කටයුතු කලොත් ඒ පිනම ඇති ඔබට ස්වර්ගයට ඇතුලුවෙන පර්ලී දොරටුව ගාවදී සාන්ත පීරට් තුමාට කියන්න.

: 0 0

Bamunuarachchi Tuesday, 16 August 2022 06:10 AM

වෙරිවෙච්ච කරත්ත කාරයෙක් ෂෙඩ් එකට කරත්තේ ගෙනිහින් ගොනාගේ නැට්ට උස්සලා කිව්වලු ගහන්න මේකටත් ලීටර් 5 කියලා.

: 0 1