ඒ. බී. ඩිවිලියස් (නොදැවී 33)සහ සවුරබ් තිවාරි (නොදැවී 36) අවසන්  ඕවරයේදී ලකුණු 26 ක් රැස්කිරීම නිසා අයි.පී.එල්. ක‍්‍රිකට් තරගාවලියේ පෙරේදා (17) පැවැති දෙවැනි තරගයේදී පූනේ වෝරියස් පිල කඩුලූ 6 කින් පරාජය කිරීමට රෝයල් චැලෙන්ජර්ස් බැංගලෝර් පිල සමත් විය. කොදෙව් ප‍්‍රවේගකාරි පිතිකරු ක‍්‍රිස් ගේල් පන්දු 48 කදී හතරේ පහර 4 ක් සහ හයේ පහර 8 ක් සමගින් ලකුණු 81 ක් රැස් කිරීමට සමත් විය. මෙහිදී ක‍්‍රිස් ගේල්, රෝහිත් ශර්මා යැවූ ඉනිමේ 13 වැනි  ඕවරයේ අවසන් පන්දු 5 ට හයේ පහර පහකින් ලකුණු 30 ක් රැස් කිරීම කැපී පෙනේ.  පූනේ වෝරියස් පිල  ඕවර 20 කදී කඩුලූ 6 ට 182 (රොබින් උත්තප්පා 69, ජෙසි රයිඩර් 34, මාලන් සැමුවෙල්ස් 34/2) රෝයල් චැලෙන්ජර්ස් බැංගලෝර් පිල  ඕවර 20 කදී කඩුලූ 4 ට 186 (ක‍්‍රිස් ගේල් 81, සවුරබ් තිවාරි නොදැවී 36, ඒ. බී. ඩිවිලියස් නොදැවී 33)