(බිමල් ශ්‍යාමන් ජයසිංහ )

තලංගම  අරුක්පිටියත්‍රිරෝද  රථ අලුත්වැඩියා කරන ස්ථානයක්  ඉදිරිපිටදී   ත්‍රිරෝද රථ රියදුරෙකුගේ ගෙල කපා ඝාතනය කල සැකකරු අත්අඩංගුවට ගත් බව තලංගම පොලිසිය කියයි .

මෙලෙස ඝාතනයට ලක්ව තිබුණේ තලවතුගොඩ උතුවම් කන්ද  පාර පදිංචිව සිටි අයි එල් එස් ප්‍රියදර්ශන නැමැති  45 හැවිරිදි  පුද්ගලයෙකි.‍

මරණකරු සැකකරුගෙන් මුදල් ලබාගෙන ආපසු  ලබා නොදීම සම්බන්ධයෙන්   ඇති වූ ආරවුලක් හේතුවෙන් දෙදෙනා අතර ඇතිවූ බහින් බස්  වීමකින් අනතුරුව සැකකරු විසින් මරණකරුගේ ගෙල පිහියකින් කපා ඝාතනය කර පලා ගොස් තිබූ බව පොලිසිය කියයි.

අත්අඩංගුවට ගත් සැකකරු බත්තරමුල්ල දකුණු තලංගම දේවාල පාර පදිංචි 31 හැවිරිදි  පුද්ගලයෙකි .