ඩෙංගු බෝ කරන 553 කට රතු නිවේදන

(අංජුල මහික වීරරත්න)

විශේෂ මදුරු මර්දන සතියේ දෙවන දිනය වන අද (1) පරිශ්‍ර 22,294 ක් පරීක්ෂාවට ලක් කර 553 දෙනෙකුට රතු නිවේදන නිකුත් කළ බව සෞඛ්‍ය අමාත්‍යාංශය පවසයි.

මදුරුවන් බෝ විය හැකි පරිශ්‍ර 4,965 ක්ද මදුරු කීටයන් සහිත පරිශ්‍ර 657 ක් හඳුනා ගත් බවද අමාත්‍යාංශය කියයි.

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ උපදෙස් හා මඟපෙන්වීම මත සෞඛ්‍ය හා ජනමාධ්‍ය අමාත්‍යාංශය විසින් ජුනි මස 30 දින සිට ජුලි 5 දක්වා ප්‍රකාශයට පත්කර ඇති විශේෂ මදුරු මර්දන සතියේ දෙවන දිනය වන අද (1) දිනට අදාළ වාර්තාවේ අදාල කරුණු සඳහන් වේ.

අදාල වාර්තාව ජාතික ඩෙංගු මර්දන ඒකකයේ විශේෂඥ වෛද්‍ය ප්‍රශීලා සමරවීර මහත්මිය විසින් නිකුත් කර තිබේ.

අදහස් (2)

ඩෙංගු බෝ කරන 553 කට රතු නිවේදන

maalaka Wednesday, 02 July 2025 06:54 AM

අපේ නාවල නිවස අසල (විශ්‍රාමික විදුහල්පතිනියක් ) ඇගේ නිවසට යන පාර අද්දර තිබූ වතුර ගලා බසින කානුව අවහිර කළා . ඒ නිසා එතන මදුරුවන්ගේ තෝතැන්නක් උනා . එයට කල ඉල්ලීම තර්ජනාත්මකව ඉවත දැමුවා . රාජගිරිය නගර සභාව නිහඬව සිටියා , කුඩා දරුවෙකු සිටි අසල්වැසි පවුල නිවස විකුනා ගියා. ඔවුන්ට ඇති එකම දරුවා ඩෙංගු වලින් ආරක්ෂා කර ගැනීමට . මෙවැනි සිදුවීම් ගැන අවධානය යොමු කලොත් හොඳයි

: 0 0

සුසිල්Wednesday, 02 July 2025 11:40 AM

ඒ වගේම මරදාන - කොටුව දුම්රිය මාර්ගය දෙප‍ස ඇති දිරාපත් වෙන රිය මැදිරි සහ ඒ අවට ඇති වතුර රැඳී ඇති අපිරිසිදු ඉඩම් දෙස අවධානය ඉක්මනින් යොමු කරන්න..

: 0 0