( කුෂාන් ජයවර්ධන)

වැලි ප්‍රවාහනය කරමින් තිබූ ට්‍රැක්ටර් රථයක් පසුපසට ධාවනය වී ඊයේ(13) සිදුවූ අනතුරකින් එම ට්‍රැක්ටරයේ ටේලරයට යට වීමෙන් 55හැවිරිදි පුද්ගලයකු එම ස්ථානයේදීම ජීවිතක්ෂයට පත්ව ඇතැයි කවරක්කුලම පොලිසිය පවසයි.

නාච්චාදූව වැව ආසන්න ප්‍රදේශයක දී අනතුර සිදුව තිබේ.

වැලි පැටවූ ට්‍රැක්ටර් රථය ගොඩට ගැනිමට යාමේදී ඇතිවූ අපහසුතාවයක් නිසා ට්‍රැක්ටර් රථය පිටු පසින් තල්ලුකිරීමට පිරිසක් කටයුතු කර තිබූ බවත් එම අවස්ථාවේ ට්‍රැක්ටර් රථය පසුපසට පැමිණ ටෙලර් රථයේ රෝදයට යට විමෙන් මෙම පුද්ගලයා ජීවිතක්ෂයට පත්ව ඇති බවත් පොලිසිය කියයි.

මෙලෙස අවාසනාවන්ත ලෙස මරණයට පත්ව ඇත්තේ හිදෝගම 07 ඇළ ප්‍රෙද්ශයේ පදිංචිව සිටි වයස අවුරුදු 55ක් වන යාපා ගෙදර නිමල්සිරි යාපා නමැති පුද්ගලයෙකි.

අනතුරටපත් ට්‍රැක්ටර් රථය  හා එහි රියදුරු වැඩිදුර විමර්ශණ සඳහා පොලිස් අත්අඩංගුවට ගෙන ඇත .

අත්අඩංගුවට ගෙන ඇති  රියදුරු හිදෝගම ප්‍රදේශයේ පදිංචි වයස අවුරුදු 40 පුද්ගලයෙකි.