ජනතාවට නොමිලයේ දුම්රියේ යන්න අවස්ථාවක්

(යොහාන් භාසුර)

දූෂණ චෝදනා ලබා සිටින්නේ යැයි කියන නිලධාරියෙක් දුම්රිය නියෝජ්‍ය සාමාන්‍යාධිකාරී (වාණිජ) තනතුරට පත්කිරීමට විරෝධය දක්වමින් දුම්රිය ස්ථානාධිපතිවරු ඊයේ (9) මධ්‍යම රාත්‍රීයේ සිට ක්‍රියාත්මක කර තිබෙන සංකේත වැඩවර්ජනය හේතුවෙන් බොහෝ දුම්රිය ස්ථානවලින් අද (10) ප්‍රවේශපත් නිකුත් නොකළේය.

එසේ වුවද ඇතැම් දුම්රිය ස්ථානවලින් ප්‍රවේශපත් නිකුත් කළ ආකාරය දැකගත හැකි විය. හැටන්, පානදුර සහ අම්බලන්ගොඩ ආදි දුම්රිය ස්ථාන කීපයක ප්‍රවේශපත් නිකුත් කර තිබේ.

දුම්රිය ස්ථානාධිපති සංගමයේ ප්‍රධාන ලේකම් කසුන් චාමර මහතා පැවසුවේ අද රාත්‍රී 12.00 යෙන් වර්ජනය අවසන් කරන බවත් බලධාරීන් මේ මොහොත දක්වා කිසිඳු ප්‍රතිචාරයක් දක්වා නොමැති බවත්ය.

(ඡායාරූප: ළහිරු හර්ෂණ)

අදහස් (3)

ජනතාවට නොමිලයේ දුම්රියේ යන්න අවස්ථාවක්

prasanna Wednesday, 10 May 2023 01:07 PM

මේ රටේ මිනිස්සු තනිකර කෙළින්නේ පිස්සු...!

: 0 19

ජයන්ති Wednesday, 10 May 2023 01:12 PM

දුම්රිය දෙපාර්තමේන්තුවක් නිසා රජයේ මුදල් රෙගුලාසි අදාල වෙනවා. ඒ සමග ආයතන සංග්‍රහයේ වැරදි පිළිබඳ උපලේඛනයේ රජයට පාඩුවන සේ කටයුතු කිරීම වරදක් ලෙසට දක්වා තියෙනවා. ඉතින් මෙහි දැන්වීමක් පවා අලවා රජයට පාඩුවෙන්න කටයුතු කර තියෙනවා. ඒවාට විනය කටයුතු හා අලාභය අයකිරීමට කටයුතු කරන්න ඕනෑ... එහෙම නොකරන අයට විරුද්ධවද විනයානුකූලව කටයුතු කරන්න ඕනෑ...

: 2 20

Chamila Fernando Wednesday, 10 May 2023 06:18 PM

කවුද මේ ගොන් තීරණ ගන්නේ..? මුහුණ එක්ක තරහා වෙලා නහය කපන ගොන් තීරණ ගන්න අයට නීතිය ක්‍රියාත්මක කරන්න ඕනේ.

: 0 5