ජාතික වෙසක් සතිය ඇරඹෙයි

(යොහාන් භාසුර)

ජාතික වෙසක් සතිය අද (2) සිට මේ මස 8 වැනිදා දක්වා පැවැත්වෙන බවත් වෙසක් සතියට සමගාමීව රට පුරා ආගමික වැඩසටහන් රැසක් පැවැත්වෙන බවත් බුද්ධ ශාසන අමාත්‍ය විදුර වික්‍රමනායක මහතා පැවසීය.

මෙවර ජාතික වෙසක් උත්සවය හලාවත, මාදම්පේ කැබැල්ලෑවල ශ්‍රී රතනසිරි පිරිවෙන් විහාරයේදී පැවැත්වෙන බව ද අමාත්‍යවරයා සඳහන් කළේය.

බුදුරජාණන් වහන්සේගේ තෙමඟුල සමරණ වෙසක් පුන් පෝය මේ මස 5 වැනිදාට යෙදී තිබේ.

අදහස් (2)

ජාතික වෙසක් සතිය ඇරඹෙයි

Chaminda Tuesday, 02 May 2023 05:39 PM

2 සිට 8 දක්වා ඇයි බාර් වැසීම, මස් කඩ වැසීම, ටෙලි නාට්‍ය සංගීත චිත්‍රපට, සම්පූර්ණයෙන්ම රූපවාහිනී සහ ගුවන්විදුලි ක්‍රියාත්මක වීම අත් හිටුවීම, මිනිසාගේ මනස නිවීම, වෙසක් උත්සවයේ නියම අර්තය නිරූපනය කිරීමට උපකාරි වේ...

: 1 2

සමන්තWednesday, 03 May 2023 06:06 AM

බුද්ධ දර්ශනය නොදැනීම ගැන දුකයි. එම දර්ශනයේ කොතනකවත් කිසිම දෙයක් තහනම් කර නැත. පවසා ඇත්තේ සිහි නුවනින් දැක කටයුතු කරන්න. ඉතිං බාර් ඇරලා තිබ්බා කියලා, රූපවාහිනී වැඩසටහන් ප්‍රචාරය වුනා කියලා තියෙන අවුල කුමක්ද? එදා ඉදලා බුද්ධ දර්ශනයේ හරය නොදැන කටයුතු කල නිසා අවසානයේ විශ්ණු දෙවියන් ලංකාවේ රකිනවා කිව්ව බුද්ධාගම රැකගන්න බැරි වෙලා තායිලන්තයේ සහ බුරුමයේ සිට උපසම්පදාව වැඩම කරන්න සිද්ධ වුණා. බුද්ධ දර්ශනය නිවැරදිව වටහා ගෙන කටයුතු කරන්න. නැතුව අරක එපා මේක එපා නැතිව. අදත් 90% කටත් වඩා නිදහස් චින්තනයක් තියෙන තායිලන්තයේ බෞද්ධයන් ඉන්නවා.

: 0 1