කොළඹ පුරපති පුටුව ව්‍රායි කැලී බල්තසාර් ට

(යොහාන් භාසුර)

ජාතික ජනබලවේගයේ ව්‍රායි කැලී බල්තසාර් මෙනෙවිය කොළඹ නගර මහ සභාවේ නගරාධිපතිවරිය ලෙස අද (16) වැඩි ඡන්දයෙන් තේරීපත්වූවාය.

ජාතික ජනබලවේගයේ මන්ත්‍රී හේමන්ත කුමාර මහතා එම නගර සභාවේ උප නගරාධිපතිවරයා ලෙස නිරතයෙන් පත්විය.

පසුගිය මැයි මස 6 වැනිදා පැවැති පළාත් පාලන මැතිවරණයේදී කොළඹ මහ නගර සභාවට පත්වූ සභිකයන් 117 කින් යුත් නව සභික මණ්ඩලයේ මංගල රැස්වීම කොළඹ මහ නගර සභා රැස්වීම් ශාලාවේදී අද (16) පෙරවරුවේ පැවැත්විණි.

එම රැස්වීම බස්නාහිර පළාත් පාලන කොමසාරිස් සාරංගිකා කල්හාරී ජයසුන්දර මහත්මියගේ ප්‍රධානත්වයෙන් පැවැත්විණි.

ජාතික ජනබලවේගයේ නගරාධිපති ධූර අපේක්‍ෂිකාව වූ ව්‍රායි කැලී බල්තසාර් මෙනෙවිය මන්ත්‍රී ඡන්ද 61 ක් හිමිකරගත් අතර විපක්‍ෂයේ නගරාධිපති අපේක්‍ෂකයා වූ සමඟි ජනබලවේගයේ මන්ත්‍රී රීසා සරුක් මහතා ඡන්ද 54 ක් හිමිකරගත්තේය.

ඒ අනුව කැලී බල්තසාර් මෙනෙවිය වැඩි ඡන්ද 7 කින් කොළඹ මහ නගර සභාවේ 28 වැනි නගරාධිපතිවරයා ලෙස තේරීපත්වූවාය.

මෙම මංගල රැස්වීමට එම නගර සභාවේ සභිකයන් 117 ම පැමිණ සිටි අතර නගරාධිපතිවරයා තෝරාගැනීම සඳහා එම සභිකයන් අතර රහස් ඡන්දයක් පැවැත්විය යුතු යැයි පක්‍ෂ විපක්‍ෂ මන්ත්‍රීවරු අඛණ්ඩව ප්‍රකාශ කිරීම නිසා පැයක පමණ කාලයක් විවාදාත්මක තත්වයක් ඇතිවිය.

ඉන් පසුව පක්‍ෂ සහ විපක්‍ෂ මන්ත්‍රීවරු නගරාධිපතිවරයා තෝරා ගැනීම සඳහා රහස් ඡන්දයක් පැවැත්වීමට එකඟවීමත් සමඟ පළාත් පාලන කොමසාරිස් සාරංගිකා කල්හාරී ජයසුන්දර මහත්මිය ඡන්දය පැවැත්වීමට පියවර ගත්තාය.

ඒ අනුව මන්ත්‍රීවරු විනාඩි 40 ක පමණ කාලයක් තුළ ඡන්දය ප්‍රකාශ කළ අතර එම ඡන්ද 117 න් ඡන්ද දෙකක් ප්‍රතික්ෂේප කළ අතර ඡන්ද 115 ක් පිළිගත්තේය.

උප නගරාධිපති ධූරයට ජාතික ජනබලවේගයේ මන්ත්‍රී හේමන්ත කුමාර මහතාගේ නම එම පක්‍ෂයේ මන්ත්‍රීවරු දෙපළක් යෝජනා කළ අතර ඒ අනුව සභාවේ ඒකමතික කැමැත්තෙන් හේමන්ත මහතා නිතරගයෙන් උප නගරාධිපති ධුරයට පත්විය.

පළාත් පාලන මැතිවරණයේදී කොළඹ මහ නගර සභාවේ සභික ධුර 117 න් ජාතික ජනබලවේගය සභික ධූර 48 ක් පමණක් හිමිකරගැනීම නිසා කිසිඳු පක්‍ෂයකට සියයට 50 ක සභික ධූර හිමිනොවීමෙන් බස්නාහිර පළාත් පාලන කොමසාරිස්වරයාගේ මූලිකත්වයෙන් නගරාධිපතිවරයා සහ උප නගරාධිපතිවරයා තෝරාගැනීමට සිදුවිය.

(ඡායා ජයමාල් චන්ද්‍රසිරි සහ සුමුදු හේවාපතිරණ)

අදහස් (32)

කොළඹ පුරපති පුටුව ව්‍රායි කැලී බල්තසාර් ට

Nimal Monday, 16 June 2025 11:45 AM

සුබපැතුම්...!

: 5 44

Gavin Monday, 16 June 2025 11:49 AM

රහස් ඡන්දෙ හොඳට පාවිච්චි කරලා තියෙන පාටයි.

: 4 34

Mohamed Monday, 16 June 2025 12:12 PM

මුජිබර්වත් එක්ක ගන්න.

: 7 16

Asela Monday, 16 June 2025 12:14 PM

අඩු වැඩි වශයෙන් එසේමයි. 2/3 බහුතර පාර්ලිමේන්තුවක් තිබීම ජීවන වියදම අඩු කිරීමට හෝ පොදු ජනතාව මත පැටවීමට කිසිදු යහපත් දෙයක් කර නොමැති බැවින් එය කිසිඳු වෙනසක් නොකරයි.

: 43 18

So Sad Monday, 16 June 2025 12:17 PM

නව නගරාධිපතිනියට සුභ පැතුම් . අතිශය ශුද්ධ වූ NPP එකට, විපක්ෂයේ කිසිම හොරෙකුගේ සහයෝගය නැතුව මේ තනතුරට එන්න හිටියත්, අවසානයේ නරකම හොරු අතරින් ටිකක් හොඳ හොරු කීප දෙනෙකුගේ සහයෝගය ගත්තාට ඉතින් කමක් නෑ. ඒ උනත් අපි මලිමාව. එයාලා නරකම හොරු නෙමෙයි නේ...

: 15 35

චමින්ද Monday, 16 June 2025 12:18 PM

හොර පොහොට්ටු,අලි. ,ටෙලිෆෝන්. ,ඇන්ටිජන් කුසලාන. වෙනත්. හොරු. සියල්ලම පරාදයි.

: 13 53

Kamal Koyrala Monday, 16 June 2025 12:18 PM

අහෝ mujeee..අහෝ.Sajee.... කොලොන්නාවේ සිරසෙන් රතිඤ්ඤා පත්තු කරනවලු,

: 12 40

Jagath Leanage Monday, 16 June 2025 12:21 PM

මෙතෙක් පැවතී කොළඹ නගර සභා අති දුෂිත සහ නාස්තිකාර ඒවා. අපි, ඔබ යටතේවත් ඇති කොළඹ නගර සභාව, හොඳ සහ ආදර්ශමත් ආයතනක් කරවී කියා බලාපොරොත්තු වෙනවා. සුභ පැතුම්.

: 7 55

m. saman perera Monday, 16 June 2025 12:23 PM

නව යුගයක් කර ගමන් කරමු, සුබ පැතුම්...!

: 7 45

Fernando Monday, 16 June 2025 12:26 PM

සමගියෙන් ඉන්න බැරි අගමැතිකමට වාසනවන්ත නැති සජබ නායකගේ ඔලමොට්ටල වැඩනිසා සිදුවූ දෙයක් කියලා කියන්න පුළුවන්. කොහොම වුණත් මෙම තේරීම ඉතාම හොඳයි. මොකද කිව්වොත් නගර සභාවේ නිලනිවාස වැනි සම්පත් විශාල වශයෙන් නාස්තිවෙලා කියලා පුවත්පත් වාර්තාවල තිබුණා.. නව නගරාධිපතිට නගරය ක්ලීන් කරන්න වාසනාව ලැබේවා...!

: 4 43

randil dunuwille Monday, 16 June 2025 12:32 PM

හොරුන්ට තනියෙනුත් බැහැ... එකතු වෙලත් බැහැ...

: 5 49

Nimal Monday, 16 June 2025 12:35 PM

සුබපැතුම්...!

: 4 36

ප්‍රියා Monday, 16 June 2025 12:44 PM

සුබපැතුම් සහෝදරිය NM ගෙන් පසු කොළඹ වමට... පිරිසිදු පාලනයක්, සුන්දර කොළඹක්...

: 7 54

මහසෙන් Monday, 16 June 2025 12:44 PM

එළිපිට හැමදේටම අභියෝග කරනවා කියන අය හැමෝම අන්තිමේ රහස් ඡන්ද වලට කැමැති වුණා. ජනපතිත් ගේමට බැස්සා, සදාකාලික විපක්ෂ නායකත් ගේමට බැස්සා. හොරු පිරිසිදු වුණා.

: 8 33

යෝගා Monday, 16 June 2025 12:46 PM

එතකොට එහෙනම් කාත් එක්කවත් සංධාන ගහන්නේ නෑ කියපු මාලිමාව විපක්ෂයේ හොරු සෙට් එකක් පගාව දීලා බාගෙන? මරු! ඔහොම යං...!

: 63 24

විපරමාMonday, 16 June 2025 03:19 PM

කලින් හිටපු දූෂිත දේශපාලුවෝ වරදාන, වරප්‍රසාද දීලා බාගත්තු හැටි නම් වශයෙන් දන්නෝ හොඳාකාරවම දන්නවා. තමුන්ගේ වාසියට එහෙට මෙහෙට පැනපු අයත් ඔය ඉන්නේ... වහලුන්ට නම් හිතට අමාරු ඇති.

: 4 11

පොඩිඑකාMonday, 16 June 2025 03:25 PM

යෝගා ගේ අසුබ යෝගය, පව් අප්පා යෝගා. දැන් ඉතිං එහෙමවත් කියලා හිත හදාගන්න බලන්න. ලොන්ඩරිය වහන්න එපා, ඔයාගේ මන්ද මනසින් කමෙන්ට් නැතිව අපිට ආතල් නැතිවෙයි.

: 7 17

රවීන්ද්‍රMonday, 16 June 2025 03:48 PM

කව්ද මේ යෝගා කියන මන්ද මානසික අබුද්ධිකයා. එතකොට වෙන කාටවත් ජාජබයට ඡන්දේ දෙන්න තහනම්ද?

: 5 15

ලූටමූස්Monday, 16 June 2025 04:18 PM

අනේ හපොයි, යෝගාට කියලා රෙදි අපුල්ල ගත්තු එවුනුත් ජාජබේට දීලා. පව් අප්පා...

: 1 10

Nihal Monday, 16 June 2025 12:57 PM

අවුරුදු 60 ක් රට පාලනය කරලා සුඛිත මුදිත කරපු කට්ටියම ගෙදරටම වෙලා ඉන්න. හොඳටම ඇති කෙරුවා...

: 9 42

Jayantha Monday, 16 June 2025 01:27 PM

ඔන්න නංගී වැඩේ කරලා පෙන්නන්න කට්ටියටම ලොවෙත් නැතිවෙන්න.

: 10 47

පූසොත් එක්ක බෑ Monday, 16 June 2025 01:46 PM

නියමයි. සුභාසිංශන. කොළඹ ආකර්ශනීය පුරවරයක් කරන්න ශක්තිය ලැබේවා...!

: 9 38

මාලිමාගැත්තා Monday, 16 June 2025 02:15 PM

නමේ හැටියට වෙනත් ග්‍රහලෝකයකින් වත්ද?

: 35 18

පිටරැටියා Monday, 16 June 2025 02:21 PM

ඔබතුමියට අපගේ උණුසුම් සුබ පැතුම්. සියලුම කටයුතු සර්වප්‍රකාරයෙන්ම සාර්ථක වේවා...! යහපතක්ම වේවා...! ජයෙන් ජයම වේවා...!

: 8 25

ඇන්ඩ්රු-තැම්බුත්තේvillege Monday, 16 June 2025 02:37 PM

කොළඹ මිනිස්සුන්ගෙ ආර්ථික තත්වය දියුණු කරන්න සෑම කොට්ටාශයකටම ආප්ප කඩය බැගින්.

: 25 12

සංඛ Monday, 16 June 2025 02:46 PM

කම්බ හොරුන්ගෙන් බේරිලා ජාතික ජන බලවේගයේ කැලී බල්සතරී මෙනෙවිය දිනා ගැනීම කොලඹ පුරවරය ලස්සන නගරයක් කරන්න මහඟු අවස්ථාවක්. මොකද ඕකේ හිටපු නෝනා මහත්මිය නම් පැළපදියම් වෙලා හොඳට මුදල් ගසාකාලා රාජපක්ෂ, රනිල් යුගවල ඕකේ පැළපදියම් වෙලා හිටියේ. දැන් කොලඹටත් නියමයි රටටත් නියමයි. ගොඩේ ගොඩ...

: 7 32

Nihal Dharmatileke Monday, 16 June 2025 02:48 PM

වෙනසක් නේද ඉල්ලුවේ... ඔන්න දැන් බලාගන්න...

: 0 28

කපුරුහාමි Monday, 16 June 2025 03:25 PM

රටම හොරාකාලා විනාශ කරන්න දායක වෙච්චි දූෂිත දේශපාලුවන්ට දැන් කරකියා ගන්න දෙයක් නැතුව ඇති. කෑළි කෑළි එකතු කරගෙන බලය අල්ලගන්න හදපු හාල්පාරුවෝ, කිසිම ලැජ්ජාවක්, සදාචාරයක් නැති අය බව රටටම පෙන්නුවා. වහලුන්ට නම් අවුල් වගේ...

: 4 12

NPP Monday, 16 June 2025 03:38 PM

අහෝ මුජිබර් ඇතුලු සඡී රනිල් රාජපක්‍ෂ හොර මැර කල්ලියගේ දේශපාලන නාඩගම මේතැනින් අවසන්...!

: 5 18

Kamal Koyrala Monday, 16 June 2025 04:10 PM

සජබයේ මුජිබර් කණ්ඩායම පරාදයි. දොඩන්ගොඩ කොළොන්නාවෙන් හැළිලා...

: 2 10

කුකුල් චමින්ද Monday, 16 June 2025 03:40 PM

දැන් ඉතිං ඇන්ඩෘට තියෙන්නේ, යෝගා ඩෝබිත් එක්ක ඉන්න තමයි.

: 4 14

වලේසුදා Monday, 16 June 2025 03:45 PM

ලොන්ඩරි සේවකයින් ජය පැන් බොනවා. රහස් ඡන්දෙන් දිනුවේ කොහොමද කියලා පසුව හෙළිවේවි. දැනට බොමු.

: 16 6

ඔබේ අදහස් එවන්න

වැඩි දෙනා කියවූ පුවත්

පිත්තාශය පිපිරී වෛද්‍යවරයෙක් මරු දකී

2025 ජුනි මස 12 24617 13

සැමියාගේ උදලු පහරින් බිරිය මරුට

2025 ජුනි මස 09 21094 10

අනුරාධපුරයේ සිරකරුට දුන් සමාව ඔහුට පමණක් දුන් සමාවක් නොවෙයි

2025 ජුනි මස 06 16991 20

කන්ටේනර් 300 තිබුණේ ප්‍රභාකරන්ගේ ගිනි අවි

2025 ජුනි මස 06 13638 47

අලුත් ’’කොවිඩ්’’ රැල්ලක්: සෞඛ්‍ය උපදෙස් පිළිපදින්න

2025 ජුනි මස 01 13162 4

2025 ජුනි මස 05 1558 0

ශ්‍රී ලංකාවේ පෞද්ගලික අංශයේ විශාලතම සුළං බලාගාර ව්‍යාපෘති ආයෝජනය සඳහා හේවින්ඩ් සමඟින් ලංකා විදුලිබල මණ්ඩලය ගිවිසුම් අත්සන් කරයි.

රී ලංකාවේ සුළං බලශක්ති ක්ෂේත්‍රයේ විශාලතම පුද්ගලික ආයෝජනය වන මෙගාවොට් (MW) 50ක ධාරිතාවයකින් යුතුව මන්නාරම ප්‍රදේශයේදී ඉදිකිරීමට නියමිත සුළං බලාගාර ව්‍

2025 මැයි මස 28 553 0

ශ‍්‍රී ලංකා ඉන්ෂුවරන්ස් ලයිෆ් ‘පාසල් පිරියත සුරකිමු‘ 2025

මැයි 27, 2025 කොළඹදී. ශ‍්‍රී ලංකාවේ විශාලතම සහ දැවැන්තම ජීවිත රක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ්, සිය ආයතනික සමාජ වගකීමි වැඩසටහනක් ලෙස දියත් කරන ලද

2025 මැයි මස 23 622 0

Victrix Tech ශ්‍රී ලාංකික ව්‍යාපාරික ඩිජිටල් තාක්ෂණික අවශ්‍යතා සඳහා ඉතා උසස් ඩිජිටල් විසදුම් දියත් කරයි

ජාත්‍යන්තර වෙළෙඳපොළ පිලිබඳ විශේෂඥතාවක් ඇති ඩිජිටල් පරිවර්තන සමාගමක් වන Victrix Tech (Pvt) Ltd, ශ්‍රී ලංකාවේ ව්‍යාපාරික වෙළඳපොළ සඳහා සිය ව්‍යාපාර කටයුතු පුළුල් කර