( බිමල් ශ්‍යාමන් ජයසිංහ) 

පොලිස් නිලධාරීන් යැයිපවසා නිවසක සිටි සහෝදරයන් දෙදෙනකු අත් විලංගු දමා ජීප් රථයකින් පැහැරගෙන ගොස්  එක අයකු දණගස්වා වෙඩි තබා අනෙක් අයට තුවාල සිදුකර ජීප් රථයෙන් පලා යාමේ සිද්ධියට ආධාර අනුබල දුන් සැකකරුවන්  සිව් දෙනෙකු අත්අඩංගුවට ගත් බව බස්නාහිර පළාත් උතුර අපරාධ කොට්ඨාසය කියයි.

අත්අඩංගුවට ගත් එම සැකකරුවන් ඩුබායි රාජ්‍යයේ සැඟව සිටින තනූජ සම්පත් නොහොත් හෝමාගම හඳයා නැමැති සංවිධානාත්මක අපරාධකරුගේ සමීපතමන්  බව පොලිසිය කියයි.

එකී අපරාධය සිදුකර ඇත්තේ මත්ද්‍රව්‍ය ජාවාරමේ ඔත්තු ලබාදීම සම්බන්ධයෙන් ඇතූ වූ සැකයක් හේතුවෙන් බව පොලිසිය සඳහන් කරයි.

මෙලෙස ඝාතනය කර තිබුණේ කහවත්ත පළං සූරියගම සෙනෙහෙපුර අඹගහයට කඩේ පදිංචිව සිටි දේශාන් ඉරන්ත නැමැති 22 හැවිරිදි තරුණයෙකි. ඉකුත් මස 30  වෙනිදින 9 එම් එම් වර්ගයේ  ගිනි අවියකින් වෙඩි තබා එම ඝාතනය සිදු කර තිබිණි.