එක්සත්  ජාතික පක්ෂයේ  නායක රනිල්  වික්‍රමසිංහ මහතාට  එම තනතුරින්  ඉවත්වන්නැයි  බල කරමින්  එම පක්ෂයේ පාක්ෂිකයන්  පිරිසක්  සංවිධානය කළ විරෝධතා පාගමනකට  2013 වසරේ දී  කුරුදු පොලු වලින්  පහර දී  තුවාල සිදු කිරිම සම්බන්ධයෙන්  වු  නඩුව ලබන මාර්තු 06 වැනි දා  දක්වා කල් තැබීමට  මාතර  වැඩබලන මහේස්ත්‍රාත්  හා  නීතිඥ උපාලි  රණසිංහ මහතා  අද (08) නියෝග කළේය.

එම නඩුවේ  සැකකරුවකු  වු  වත්මන්  විදෙස්  ඇමැති  මංගල සමරවීර  මහතා  ඇතුළු සැකකරුවෝ  60 දෙනෙක්  අද අධිකරණය හමුවේ පෙනී සිටියහ.

අධිකරණයට  නොපැමිණි  සැකකරුවන්  අත්අඩංගුවට ගැනීමට  වරෙන්තු  නිකුත්  කැරිණි.

නඩුවේ සැකකරුවකු වන හිටපු  පාර්ලිමේන්තු මන්ත්‍රී  සුරනිමල රාජපක්ෂ මිය ගොස් ඇති  බව නිතිඥවරු  අධිකරණයට  දැනුම්  දැන්වූහ.