සායිෆ් අලී ඛාන් විසින් 2012 වසරේදී නිෂ්පාදනය කරනු ලැබූ "කොක්ටේල්" චිත්‍රපටය හරහා බොලිවුඩ් සිනමාවට පිවිසි ඩයනා පෙන්ටි සිවු වසරකට පසුව නැවතත් බොලිවුඩ් සිනමා චිත්‍රපටයකින් සිය ප්‍රේක්ෂකයන් හමුවීමට සූදානමින් සිටිනවා. ඒ ඉදිරියේදී තිරගත වීමට නියමිත මුඩාසර් අසිස්ගේ "හැපි බාග් ජායින්ගේ" චිත්‍රපටයෙන්. මෙහි ඩයනාගේ සිනමා පෙම්වතා ලෙස අබේ ඩියෝල් චරිත මවන අතර, තවත් ජනප්‍රිය හා ප්‍රවීණ නළු නිළියන් පිරිසක් මෙහි රංගනයෙන් දායක වී සිටිනවා. මෝස්තර නිරූපිකාවක ලෙස ජනප්‍රිය ඩයනා පසුගිය කාලයේ බොලිවුඩ් සිනමාවේ දකින්නට නොලැබුණේද ඇය වැඩි දායකත්වය සිය වෘත්තීය කටයුතු සඳහා ලබාදීම හේතුවෙන් බව සඳහන්. සිය 30 වැනි විය ගෙවා දමමින් සිටින ඩයනා පසුගිය කාලයේදී ජනප්‍රිය බොලිවුඩ් සිනමා තරුවක් සමග රහස් ප්‍රේම සම්බන්ධයක්ද පවත්වනු ලැබූ බවට කටකතා වාර්තා වෙනවා.