උමාඔය ගැරඬි ඇල්ලේ ගසාගෙන ගිය පහම මරුට

(ඩී.කේ.රත්න,කපිල චන්දන කුරුප්පුආරච්චි සහ ප්‍රසන්න පද්මසිරි)

බදුල්ල ඇටම්පිටිය ගැරඩිඇල්ල දියඇල්ලේ දියනෑමට ගිය පිරිසගෙන් පස් දෙනකු දියේ ගිලීමෙන් අද (29) හවස 4.00 පමණ අවාසනාවන්ත ලෙස මියගොස් ඇති අතර එක් තරුණියක් අතුරුදහන්ව ඇතැයි ඇටම්පිටිය පොලීසිය පවසයි.

ඇටම්පිටිය වත්ත පළමු කොටසේ පදිංචි වන රාජා ඩේවිඩ් කුමාර් (23) , සිව සුබ්‍රමණියම් කාංචනා (21) , භවානි (22) , සින්දු (18) සහ සිරියා (20) නැමති අය මෙසේ අවාසනාවන්ත ලෙස දියේ ගිලීමෙන් මියගොස් තිබේ.

මියගිය අයගෙන් සිවු දෙනකුගේ සිරුරු ඊයේ සොයාගත් අතර එක් තරුණියකගේ සිරුර අද දහවල් පොලිසිය විසින් සොයාගනු ලැබීය

මෙසේ දියේ ගිලී මියගිය සිවුදෙනෙකුගේ මෘත දේහ මේ වන විට ගොඩගෙන තිබෙන අතර එක් තරුණියකගේ සිරුර මේ වන තෙක් සොයා ගැනීමට නොහැකි වී ඇතැයි ඇටම්පිටිය පොලීසිය පවසයි.

ඇටම්පිටිය වත්ත පළමු කොටසේ නිවසක තිබූ දානමය කටයුත්තකට සහභාගීවීමෙන් අනතුරුව එකොලොස් දෙනකුගෙන් යුත් කණ්ඩායමක් ගැරඩි ඇල්ලේ දිය නෑමට ගොස් ගැරඩී ඇල්ල අසලම ඊට පහලින් පිහිටි දිය වළක දිය නෑමට යාමේදී මෙම අනතුරට ලක්වී තිබේ.

මෙම දියවල ඉතා ගැඹුරින් පිහිටා තිබීම නිසා මෙම දියවලෙහි කිසිවකුත් දියනෑම සිදු නොකරන බවද ඇටම්පිටිය පොලීසිය පවසයි.

ඇටම්පිටිය පොලීසියේ නිළධාරීන් හා බදුල්ල එළදලුව යුධ හමුදා කදවුරේ නිළධාරීන් පැමිණ දියවල ඇතුලෙහි සැගවී තිබූ මෘත දේහ හතරක් ගොඩගෙන තිබේ.

අතුරුදන්ව ඇති ඉතිරි තරුණියගේ මෘත දේහය සොයා ඇටම්පිටිය පොලීසියේ නිළධාරීන් හා බදුල්ල එළදලුව යුධ හමුදා කදවුරේ නිළධාරීහු එක්ව මේ වන විටත් මෙහෙයුමක් දියත් කර ඇතයි ඇටම්පිටිය පොලීසිය පවසයි.

අදහස් (8)

උමාඔය ගැරඬි ඇල්ලේ ගසාගෙන ගිය පහම මරුට

පිටිගල මිලානෝ Saturday, 29 January 2022 08:53 PM

අපි පොඩිකාලේ නම් දිය ඇලි සහ ගංගා අශ්‍රිතව මේතරම් මරණ සිදුවුණේ නැහැ. මේ ගැන සමීක්ෂණයක් කළයුතුව ඇත...

: 2 21

Jay Saturday, 29 January 2022 10:55 PM

දැන් ඉන්න මිනිස්සුන්ගේ ඔලු.. විකාර මෙගා නාට්‍ය වලින් පිරිලා. පුවත්පත් සහ අනෙකුත් පුවත් ගැන කිසිම අවබෝධයක් නැහැ. කෙටි කාලයක් ඇතුළත ජීවිත කීයක් නම් වතුරට බිලි වුණාද? ඒවා නොදැන සිටීමේ ප්‍රතිඵල... අපරාදෙ ජීවිත. අපේ සාක්ෂරතාවය 98% ක් කිව්වට, ඒක පේන්නේ නැහැ.

: 0 29

alwis Sunday, 30 January 2022 01:15 AM

ඉදිරි මරණ වළක්වා ගන්න.. මෙතන කරුණාකරලා දැන්වීමක් දාන්න දියනෑම අනතුරුදායකයි කියලා...

: 3 27

Pradeep Kumara Sunday, 30 January 2022 08:51 AM

ඇයි දරුවනේ කිසිවෙකු දිය නොනාන තැන් වල නාන්න යන්නේ. තමන්ගේ ජීවිතවලට ඔයිට වැඩිය වටිනා කමක් දෙන්න. ඔයාලව ඔය වයසට ගේන්න ඔයාලගේ දෙමව්පියන් විදි දුක කොපමණ ඇද්ද.

: 1 27

[email protected] Sunday, 30 January 2022 10:36 AM

ප්‍රාදේශීය සභාවෙන් අනතුරු අඟවලා බෝඩ් ගහලා නැද්ද? දේශපාලකයින් එන ඒවා විවෘත කරන ඒවා නම් ප්‍රාදේශීය සභාවෙන් ගහයි.

: 14 23

amila Sunday, 30 January 2022 01:09 PM

සහන මිලට අතේ පළඳින බැලුන් බෝල දෙන්න ඕනේ... ගිලෙන්න යද්දී... ඒක එබුවාම නිකන්ම උඩ එනවා..

: 8 10

ආනන්ද ආර් Sunday, 30 January 2022 03:27 PM

හොඳ මැතිවරණ පොරොන්දුවක් "අපි සහන මිලට අතේ පළඳින බැලුම් බෝල ලබාදෙනවා".

: 4 5

පිටරැටියා Sunday, 30 January 2022 07:43 PM

අකාලයේ විනාශ වෙන තරුණ ජීවිත ගැන හරිම කණගාටුදායකයි. පහුගිය කාලේ පුරාවටම අහන්න ලැබුණේ ඔවැනි සිදුවීම් තමයි. අවදානම් බව දැනදැනත් මොකට පීනන්න යනවාද? සිහි බුද්ධියෙන් කටයුතු නොකිරීමේ විපාකේ... සියලුම දෙනාට නිවන්සුව අත්වේවා !

: 0 3

ඔබේ අදහස් එවන්න

එසැණ පුවත්

අනියම් ඇසුර චූන් පාන් වෙළෙන්දාට මරුවා කැඳවයි

2025 මැයි මස 11 1960 0

බේරුවල ,වලතර, ඩෝසර්වත්ත ප්‍රදේශයේ අනියම් අඹු සැමි යුවළකගේ පවුල් ආරවුලක් දුරදිග ගොස් කාන්තාව අනියම් පුරුෂයාව තියුණු ආයුධයකින් කපා කොටා ඝාතනය කර ඇතැයි

මන්ත්‍රීලා සල්ලිවලට ගන්නේ නෑ

2025 මැයි මස 11 730 0

පළාත් පාලන ආයතනවල බලය පිහිටුවීමට සෙසු පක්ෂවල සභිකයන් මුදල් හෝ වෙනත් වරප්‍රසාද හෝ ලබාදී නොගන්නා බව වගකීමෙන් යුතුව ප්‍රකාශ කරන්නේ යැයි විදේශ කටයුතු අම

අගමැති සහ ඇමැති බිමල් තුවාල ලැබුවන්ගේ සුවදුක් බලන්න යති

2025 මැයි මස 11 852 0

බස් අනතුරින් තුවාල ලැබූවන්ගේ සුව දුක් බැලීම සඳහා අග්‍රාමාත්‍ය හරිනි අමරසූරිය මෙනවිය හා බිමල් රත්නායක මහතා අද 8.00 පමණ ගම්පොළ ශික්ෂණ රෝහලට පැමිණියහ.

‘‘විදුලි පාරිභෝගික අයිතීන් සුරකිනවා‘‘

2025 මැයි මස 11 275 0

විදුලි ගාස්තු වැඩි කිරීමකට එරෙහිව සියල්ලන් පෙළ ගස්වමින් විදුලි පාරිභෝගිකයින්ගේ අයිතිය සුරක්ෂිත කිරීමට කැපවන බව විපක්ෂ නායක සජිත් ප්‍රේමදාස මහතා පැ

සේමිණිට ඇප

2025 මැයි මස 11 656 0

පෞද්ගලික ආරක්ෂක සේවයක් පවත්වාගෙන යමින් එහි සේවය කරන ලද සේවකයන්ගේ අර්ථසාධක මුදල් සහ දායක මුදල් නොගෙවීම සම්බන්ධයෙන් වරෙන්තු ලබා සිටියදී අත් අඩංගුවටගෙ

ඉන්දු-පකිස්ථාන සටන් විරාමය ගැන ජනපතිගෙන් නිවේදනයක්

2025 මැයි මස 11 549 0

ඉන්දියාව සහ පාකිස්තානය අතර සටන් විරාම එකඟතාව ශ්‍රී ලංකාවේ ජනාධිපති, රජය හා ජනතාව ලෙස සාදරයෙන් පිළිගන්නා බව ජනාධිපති අනුර කුමාර දිසානායක මහතා නිවේදනය