(ප්‍රසාද් රුක්මල්)

ඇල්ල - වැල්ලවාය  මාර්ගයේ 12 කනුවේදී  15කට මරු කැදවමින් 18 කට තුවාල සිදු කරමින් ප්‍රපාතයකට පෙරලුණු බසයේ කොටස්  කොළඹ මෝටර් රථ ප්‍රවාහන දෙපාර්තමේන්තුවේ විශේෂ  කණ්ඩායමක් විසින් පරික්ෂා කරනු ලැබූහ .

එම විශේශ්‍ය කංඩායමට මෝටර් රථ ප්‍රවාහන දෙපාර්තමේන්තුවේ සහකාර කොමසාරිස් (කාර්මික)අනුර බතීගම, ප්‍රධාන මෝටර් වාහන පරීක්ෂක ප්‍රභාත් රාජතේව, ප්‍රධාන මෝටර් රථ වාහන පරීක්ෂකවරුන් වන නිශාන්ත හෙට්ටිආරච්චි (මහනුවර ),ජාලිය බංඩාර (නුවරඑළිය ), හසිත රන්දෙණිය ( කුරුණෑගල ), හසිත් කුලතුංග (කෑගල්ල ) යන මහත්වරුන් සමග බදුල්ල ප්‍රධාන මෝටර් රථ වාහන පරීක්ෂක හේමල් ධර්මසේන සහ මෝටර් රථ වාහන පරීක්ෂක (බදුල්ල ) නුවන් චාමිකර කරවිට යන මහත්වරුන් එක්ව සිටියහ.

තංගල්ල නගර සභා සේවක පිරිසක් සිය පවුලේ උදවිය සමග එක්වී නුවරඑළිය ප්‍රදේශයේ විනෝද චාරිකාවක ගොස් ආපසු බණ්ඩාරවෙල හරහා ඇල්ල වැල්ලවාය ප්‍රධාන මාර්ගය ඔස්සේ තංගල්ල බලා ගමන් කරමින් සිටියදි  බස් රථය  අඩි 1000 දහසක පමණ ප්‍රපාතයකට පෙරලීයාමෙන් මෙම අනතුර සිදුවය.

මෙම අනතුරින් සුනුවිසුනු වීගොස් එකම සුන්බුන් ගොඩක් බවට පත්ව තිබු  බස්‍ රථයේ කොටස් පසුව දොබකර දෙකක ආධාරයෙන්  උඩට ගෙන ඇල්ල පොලිසිය ට රැගෙන ආහ.