හික්කඩුවේදී දැන් පැවැත්වෙන ආසියානු යොවුන් චෙස් ශූරතාවලියට සමගාමීව පැවැති ආසියානු යොවුන් රැපිඞ් චෙස් තරගාවලියේදී කණ්ඩායම් ඉසව්වලදී ශ්‍රී ලංකාවට තවත් රිදී පදක්කම් තුනක් සහ ලෝකඩ පදක්කම් හයක් ද හිමිවිය. ශ්‍රී ලංකාව කණ්ඩායම් ඉසව්වේදී රන් පදක්කම් දෙකක්ද දිනා ගත්තේය. වයස 6 න් පහළ සිට වයස 18 න් පහළ දක්වා වයස් කාණ්ඩ රැුසක බාලක හා බාලිකා ඉසව් තරගාවලියට ඇතුළත්ය. තරගාවලියේ කණ්ඩායම් ඉසව්වලදී 8 න් පහළ (බාලිකා), 18 න් පහළ (බාලිකා) සහ 16 න් පහළ (බාලිකා) යන වයස් කාණ්ඩවලින් රිදී පදක්කම් තුන ශ්‍රී ලංකාව දිනා ගත්තේය. වයස 14 න් පහළ බාලක හා බාලිකා, 16 න් පහළ (බාලක), 12 න් පහළ (බාලිකා) සහ වයස 10 න් පහළ බාලක හා බාලිකා ඉසව්වලින් ලෝකඩ පදක්කම් ශ්‍රී ලංකාවට හිමිවිය. ජුලි මස 1 වැනිදා දක්වා හික්කඩුවේ චායා ට‍්‍රාන්ස් සහ සිට්රස් යන හෝටල්වලදී පැවැත්වෙන ආසියානු යොවුන් චෙස් ශූරතාවලියට සමගාමීව මෙම ආසියානු යොවුන් රැෆිඞ් තරගාවලිය සහ ආසියානු යොවුන් බ්ලිට්ස් යන අධිවේගී චෙස් ක‍්‍රීඩා ඉසව් දෙක පැවැත්වේ. රැුපිඞ් තරගාවලිය විනාඩි 20 කට සීමාවෙයි.