(බිමල් ශ්‍යාමන් ජයසිංහ)

රාගම බටුවත්තේ ආමි උපුල් ඝාතනයේ වෙඩික්කරුවන්ගේ සහකරු වශයෙන් කටයුතු කළ පුද්ගලයකු සමග තවත් පුද්ගලයකු රුපියල් කෝටි 20 කට ආසන්න වටිනා මත්ද්‍රව්‍ය තොගයක්, ගිනි අවි සහ තියුණු ආයුධ සමග අත්අඩංගුවට ගත් බව කැලණිය කොට්ඨාස අපරාධ විමර්ශන අංශය කියයි.

එම සැකකරුවන් සන්තකයේ හොරයින් මත්කුඩු කිලෝ 9 ගෑම් 220 ක් කේරල ගංජා කිලෝ 67 ගෑම් 520 ක් සබ් මැෂින් ගන් වර්ගයේ ගිනි අවිි දෙකක් , 9 එම් එම් වර්ගයේ ජීවඋණ්ඩ දහයක් , කඩුවක් ගුවන් හමුදා නිල ඇඳුම් , ජංගම දුරකථන හතරක් ලැෆ්ටොෆ් පරිගණකයක් විද්‍යුත්තරාදි හතරක් හා මත්ද්‍රව්‍ය ප්‍රවාහනය සඳහා යොදාගත් යතුරුපැදියක්ද පොලිස් භාරයට ගෙන ඇත.

ඉකුත් 3 ආමි උපුල් නැමැත්තා රාගම බටුවත්ත ග්‍රාම සංවර්ධන මාවතේ නිවසේ සිටියදී නිවසට කඩා වැදුණු පුද්ගලයන් දෙදෙනකු පිස්තෝල වර්ගයේ ගිණිය විසින් වෙඩි තබා ඔහු ඝාතනය කර තීරෝද රථයක නැග පලා ගොස් තිබිණි.