( පුෂ්පකුමාර මල්ලවආරච්චි) 

දියණියන් සිව් දෙනෙකු සමග  මවක රැදී සිටි මිනුවන්ගොඩ යාගොඩමුල්ල ප්‍රදේශයේ නිවසකට ඇතුළු වූ බව  කියන කල්ලියක සාමාජිකයෙකු අසල් වැසි තරුණයකුගේ ප්‍රහාරයකට ලක්ව බරපතළ කැපුම් තුවාල සහිතව      නිවස තුලදීම මරණයට පත් ව ඇතැයි පොලිසිය කියයි.

ඔහු සමඟ පැමිණි අනෙක් දෙදෙනා පලා ගොස් ඇතැයිද  මිනුවන්ගොඩ පොලීසිය පවසයි.

ඊයේ(11) අළුයම් කාලයේ යාගොඩමුල්ල ප්‍රදේශයේ ව්‍යාපාරිකයකුගේ දෙමහල් නිවසකදී ඇති වූ මෙම සිද්ධියෙන් මරණයට පත්ව ඇත්තේ ඕපාත ප්‍රදේශයේ පදිංචි  තරුණයෙක් බවට හඳුනාගෙන ඇත. 

දේපල කොල්ලකෑමේ හෝ නිවැසි  කාන්තාවන්ට අතවර කිරීමේ අරමුනින් මොවුන් පැමිණියාද යනන පිළිබඳවත් පරීක්ෂණ සිදු කෙරෙන බව පොලීසිය කියයි.