(නිමල කොඩිතුවක්කු)

අන්තර් පාර්ලිමේන්තු සංසදයේ පළමු සැසිවාරය ඉන්දුනීසියාවේදී ඊයේ (20) ආරම්භ කෙරිණ.

කතානායක මහින්ද යාපා අබේවර්ධන, ජනමාධ්‍ය අමාත්‍ය ඩලස් අලහප්පෙරුම, පාර්ලිමේන්තු මන්ත්‍රී වරුන් වන දොස්තර කාවින්ද ජයවර්ධන, එස්. රාසමාණික්කම්, පාර්ලිමේන්තු මහ ලේකම් ධම්මික දසනායක යන මහත්වරුන් ඇතුළු පිරිසක් ඒ සඳහා එක්ව සිටියහ.

ලෝක ප්‍රජාතන්ත්‍රවාදී ප්‍රජාතන්ත්‍රවාදය, රටවල් මුහුණ දෙන  ආර්ථික අස්ථාවරත්වය, ගෝලීය උෂ්ණත්වය සහ පාරිසරික තත්වයන් පිළිබද එහිදී දීර්ඝ වශයෙන් සාකච්ඡා කළ බව පාර්ලිමේන්තු මන්ත්‍රී දොස්තර කාවින්ද ජයවර්ධන මහතා සඳහන් කළේය.

මෙයට සමගාමීව තරුණ මන්ත්‍රීවරුන්ගේ සැසිවාර කිහිපයකට  සහභාගි වීමට කටයුතු කළ බවත් ඔහු පැවසීය.

ඉන්දුනීසියාවේ පැවැත්වෙන අන්තර් පාර්ලිමේන්තු සංසදයේ පළමු සැසිවාරයට එක්වූ ජනමාධ්‍ය අමාත්‍ය ඩලස් අලහප්පෙරුම, පාර්ලිමේන්තු මන්ත්‍රී තොරන් වන දොස්තර කාවින්ද ජයවර්ධන, එස්. රාසමාණික්කම්, පාර්ලිමේන්තු මහ ලේකම් ධම්මික දසනායක යන මහත්වරුන් ඡායාරූපයේ වෙති.