සිරස රූපවාහිනි නාළිකාවේ විකාශය වන "සුබාසිරි" මංගල වැඩසටහන ඉදිරිපත් කරන රශ්මි රූත් අපි කා අතරත් වඩාත් ජනප්‍රිය වී ඇත්තේ රංගන ශිල්පිනියක ලෙසිනි. දැනට වැඩසටහන් ඉදිරිපත් කරන්නියක ලෙස වැඩසටහන් කිහිපයක්ම ඉදිරිපත් කරන ඇය, පසුගිය කාලයේ කලා කටයුතුවලට වඩා මුල්තැනදී තිබුණේ සිය අධ්‍යාපන කටයුතු සඳහායි.

"දැනට 'රෝයල් ඉන්ස්ටියුට්' හි 'ලන්ඩන් යුනිවර්සිටි' උපාධිය කරනවා. එහි පළමු විභාගය මීට සති කිහිපකට පෙරදී තිබුණා තවත් අවුරුදු 02 ක කාලයක් මේ උපාධිය හදාරන්න සිදුවෙලා තියෙනවා. ඉතින් කලා කටයුතුවලට වගේම අධ්‍යාපනය පැත්තටත් වැඩි අවධානයක් මම මේ දිනවල ලබා දෙනවා. මොකද, මම කැමතියි ඉගෙන ගත්ත දෙයින් ප්‍රයෝජනයක් ගන්න ඕනා හින්දා. ඉතින් තවත් අවුරුදු දෙකකින් මම බොහෝ දුරට වෙනත් ක්ෂේත්‍රයක් තෝරාගනිවි. එහෙම අදහස් කරන්නේ මම කලා කටයුතුවලින් ඉවත් වෙනවා කියන එක නෙමෙයි. කලා කටයුතුවලටත් මම තැනක් දෙනවා. නමුත්, වැඩි අවධානයක් මම තෝර ගන්න අනෙක් වෘත්තියට මම ලබා දේවි කියලා හිතනවා."