100 -101 බස් වර්ජනයක

එච්. එම්.ධර්මපාල

පානදුර - පිටකොටුව, මොරටුව - පිටකොටුව මාර්ග අංක 100 හා 101 යන පෞද්ගලික බස් රථ අද (18) සිට සම්පූර්ණයෙන් ධාවනයෙන් ඉවත් වී වර්ජනයක යෙදී සිටිති.

මේ නිසා අද උදෑසන සිට පාසල් ළමුන් කර්යාල සේවකයන් විශාල ප්‍රමාණයක් ගාලු පාර ඔස්සේ පිටකොටුව දක්වා යාමට අපහසු වීමේන් දැඩි පීඩාවට ලක්වී සිටිනු ද දක්නට ලැබුණි.

මෙම වර්ජනයට හේතුව වී ඇත්තේ ගාල්ල, මාතර, අම්බලන්තොට, කතරගම වැනි දුර ප්‍ර‍දේශ වලින් පැමිණෙන සියළු බස් රථ පානදුර සිට පිටකොටුව, කොල්ලුපිටිය දක්වා වන ගාලු පාර සෑම බස් නැවතුමකම නවත්වා මගීන් විශාල ලෙස පටවා ගැනීම සිදුකරන බැවින් අංක 101 - 100 බස්රථ වලට මගීන් අඩුවීමෙන් තම දෛනික ආදායම් අඩුවී යන බවයි.

අදහස් (7)

100 -101 බස් වර්ජනයක

Mark Monday, 18 June 2018 08:41 AM

කොළඹට එනකොට විතරය් , යනකොට පානදුරෙන් එහා .වැරදිලාහරි නැග්ගොත් ඉවරය්, බල්ලෙක්ටත් එහා ...ඕකුන්ට තහනම් කරන්න ඕනේ එනකොට ගන්න එක සම්පූර්ණයෙන්ම

: 0 0

Roshan Monday, 18 June 2018 08:56 AM

එහෙම වෙන්නෙ කොට කොට යන නිසා

: 0 132

Hussain Monday, 18 June 2018 09:15 AM

මගීන්ට අවශ්‍ය ඉක්මණින් තමන්ගේ පාසල් හෝ සේවා ස්ථානයට යාමයි. 100 සහ 101 බස් නැවතුම්වල වැඩි වෙලාවක් නවත්වා සිටීම මගින් ඔවුන් දුර බැහැර සිට පැමිනෙන බස්රථ වලට නගිනවා.

: 0 171

theshan Monday, 18 June 2018 10:43 AM

මේක වැඩිම දවස් තුනයි, ඊට වැඩා කලොත් දන්නවා ලිසිං ගෙවන්න බැරුව හිර වෙන බව.

: 0 32

රසික Monday, 18 June 2018 11:17 AM

තමනුත් මග කොටකොටා ඉන්නේ නැතුව යනවා නම් සෙනඟ ඉඳීවි. කවුද කැමති මග රස්තියාදු වෙවී ඉන්න.

: 0 136

ajith Monday, 18 June 2018 01:45 PM

පුදුම නීතියක්නේ... මේ අය කොට කොට පැය දෙකක් විතර ගාලු පාරේ යනකොට.. සල්ලි දීලා අපි විඳවන්න ඕනේ. අපි සල්ලි දීලා විඳවලා ඒ අයගේ අමාරුව සුව කරන්න ඕනේ. කොට කොට යන්නන්ට සේක්ෂන් ගන්න. මේවා යකාගේ නීති තමයි.

: 0 0

Suranjith Tuesday, 19 June 2018 08:16 AM

100 පානදුර කොලඹ බස් යන්නේ පරණ පාරෙ ඒක මිනිස්සු කැමති නෑ. තව එකක් අනවශ්‍ය ලෙස කොට කොටා යෑම. පානදුර පෞද්ගලික බස් නැවතුමෙන් පටන් ගත්තම ඊලඟ නැවතුමේ නවත්තගෙන රියදුරා බෙල්ල එලියට දාගෙන ඊලඟ බස් එක පාරට දානකන් ඛලන් ඉන්නව. ආපහු පානදුර දකුණ පොලිසිය නැවතුම පල්ලිමුල්ල කෙසෙල්වත්ත මොරටුවට එනකන් ඒකම තමයි කරන්නේ. ඉතින් කව්ද කැමති සල්ලි දීල චාටර් වෙන්න.

: 0 0