(රොමේෂ් මධුෂංඛ)

මාන්කුලම නීතිපුරම් ප්‍රදේශයේ දරුවෙකුට (12) ඔහුගේ පියා පහර දීම නිසා දරුවා ඊයේ (16) වවුනියාව මහ රෝහලට ඇතුළත් කර ඇති බවට මාන්කුලම් පොලීසිය පවසයි.

පියා විසින් කළ පහර දීම නිසා දරුවාගේ පාද දෙකටම බරපතල ලෙස හානි සිදුවී පාද දෙකේම අස්ථි බිදී ගොස් ඇතැයි වවුනියාව මහ රෝහලේ වෛද්‍යවරු පවසති.

බීමත්ව පැමිණි සැමියා මුළු රැය පුරාම පහර දුන් බව තුවාල ලබා ඇති දරුවාගේ මව පොලීසියට පවසා ඇත.
මාන්කුලම පොලීසිය හා වවුනියාව රෝහල් පොලීසිය එක්ව සිද්ධිය පිළිබඳව පරීක්ෂණ පවත්වන බවත් සැකකරු අත්අඩංගුවට ගැනීමට පොලීසිය පියවර ගෙන ඇතත් සැකකාර පියා මේ වන විට නිවසින් පලා ගොස් ඇති බව වාර්තා වේ.