2025 අගෝස්තු මස 31 වන ඉරිදා
( තිළිණි ද සිල්වා සහ රංජන් කටුගම්පොළ)
පාර්ලිමේන්තුවට ඉදිරිපත් කර ඇති ආණ්ඩුක‍්‍රම ව්‍යවස්ථාවේ 20වැනි සංශෝධන පනත් කෙටුම්පතට නව සංශෝධන කිහිපයක් ඉදිරිපත් කිරීමට රජය තීරණය කර ඇති බව නීතීපති ජයන්ත ජයසූරිය මහතා අද (6) ශ්‍රේෂ්ඨාධිකරණයට දැනුම් දුන්නේය.
නීතිපතිවරයා මේ බව දැනුම් දුන්නේ සියලූම පළාත් සභා වලට මන්ත‍්‍රීවරුන් තෝරාපත් කර ගැනීමේ ඡන්ද විමසීම එකම දිනයක පැවැත්වීම වෙනුවෙන් සිදු කරන පළාත් සභා ජන්ද විමසීම (සංශෝධන) පනත් කෙටුම්පත හෙවත් 20 වැනි ආණ්ඩුක‍්‍රම ව්‍යවස්ථා සංශෝධන පනත් කෙටුම්පතට එරෙහිව ගොනු කර ඇති විශේෂ පෙත්සම් 13 ක් ශ්‍රේෂ්ඨාධිකරණය හමුවේ කැඳවූ අවස්ථාවේදීය.
එහිදී ශ්‍රේෂ්ඨාධිකරණය හමුවේ කෙටි ලෙස කරුණු දැක්වූ නීතිපතිවරයා කියා සිටියේ එම විසිවන ආණ්ඩුක‍්‍රම ව්‍යවස්ථා සංශෝධන පාර්ලිමේන්තුවේ සම්මත කර වසරක් ඇතුළත පළාත් සභා මැතිවරණය පවත්වන බවය.
මෙම පෙත්සම් අගවිනිසුරු ප‍්‍රියාසත් ඩෙප් , අනිල් ගුණරත්න සහ විජිත් මළල්ගොඩ යන ශ්‍රේෂ්ඨාධිකරණ විනිසුරු මඩුල්ල හමුවේ කැඳවිණි.
20 වැනි ආණ්ඩුක‍්‍රම ව්‍යවස්ථා සංශෝධන පනත් කෙටුම්පතට එරෙහිව ශ්‍රී ලංකා පොදුජන පෙරමුණේ නායත හා හිටපු අමාත්‍ය ජී.එල්.පීරිස්, කොළඹ දිස්ත‍්‍රික් පාර්ලිමේන්තු මන්ත‍්‍රී දිනේෂ් ගුණවර්ධන , පිවිතුරු හෙළ උරුමයේ නායක උදය ප‍්‍රභාත් ගම්මන්පිල, මාතර දිස්ත‍්‍රික් පාර්ලිමේන්තු මන්ත‍්‍රී ඩලස් අලහප්පෙරුම , නිදහස් හා සාධාරණ මැතිවරණයන් සඳහා වන ජනතා ක‍්‍රියාකාරීත්වය හෙවත් පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි, මහජන එක්සත් පෙරමුණේ මහ ලේකම් තිස්ස ගාමිණී අබේසිංහ ජයවර්ධන යාපා සහ හම්බන්තොට දිස්ති‍්‍රක් පාර්ලිමේන්තු මන්ත‍්‍රී නාමල් රාජපක්ෂ ,හිටපු පළාත් සභා මන්ත‍්‍රී රේණුක පෙරේරා , රංග දාබරේ යන මහත්වරු ,තරුණ නීතීඥවරුන්ගේ සංගමය ,නිදහස් හා සාධාරණ මැතිවරණයක් සඳහා වූ ජනතා ව්‍යාපාරය ( කැෆේ) හා ,විකල්ප ප‍්‍රතිපත්ති කේන්ද්‍රය ඇතුළු පිරිසක් විසින් පෙත්සම් ගොනු කරනු ලැබ ඇත.
මෙම සංශෝධන පනත් කෙටුම්පත ආණ්ඩුක‍්‍රම ව්‍යවස්ථාට පටහැනි බැවින් විශේෂ අර්ථ නිරූපණයක් ප‍්‍රකාශ කරන්නැයි ඉල්ලා මෙම විශේෂ පෙත්සම් ගොනු කර තිබිණි.
එම පනත් කෙටුම්පතෙහි ඇතැම් වගන්තීන් ව්‍යවස්ථාවට පටහැනි බැවින් එය ජනමත විචාරණයකට සහ පාර්ලිමේන්තුවේ තුනෙන් දෙකක බහුතර මන්ත‍්‍රී සංඛ්‍යාවකගේ අනුමැතියට යොමු කරන නියෝගයක් නිකුත් කරන්නැයි එම පෙත්සම්කරුවන් සිය පෙත්සම් මඟින් ශ්‍රේෂ්ඨාධිකරණයෙන් ඉල්ලා තිබිණි.
2025 අගෝස්තු මස 30
22
0
ශ්‍රී ලංකාවේ ප්රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා
2025 අගෝස්තු මස 22
15457
5
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක
2025 අගෝස්තු මස 21
526
0
ශ්‍රී ලංකාවේ ප්රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
විස්සට සංශෝධන ඇතැයි නීතිපති කියයි