මහාධිකරණ විනිසුරුවරුන්ගෙන් ඉල්ලීමක්

(මනෝප්‍රිය ගුණසේකර)

ව්‍යවස්ථාදායක සභාව විසින් අභියාචනාධිකරණයට විනිසුරුවරුන් පත්කළ අනුපාතය හේතුවෙන් මහාධිකරණ විනිසුරුවරුන් ලෙස කටයුතු කළ පුද්ගලයින්ට දැඩි අසාධාරණයක් සිදුව ඇති බව මහාධිකරණ විනිසුරුවරුන්ගේ මහසභාරැස්වීමේදී ඒකමතිකව තීරණය කර ඇත.

මහාධිකරණ විනිසුරු සංගමයේ සභාපති විකුම් කළුආරච්චි මහතාගේ ප්‍රධානත්වයෙන් කොළඹ මහාධිකරණයේ පැවැති මෙම මහසභා රැස්වීමේදී අදාළ තීරණය ගෙන ඇති අතර ඒ පිළිබඳව සභාපතිවරයාව හා ව්‍යවස්ථාදායක සභාවට පැමිණිලි කිරීමටද වැඩිදුරටත් තීරණය කළේය.

පසුගිය කාලයේදී අභියාචනාධිකරණයට විනිසුරුවරුන් පත්කිරීමේදී එක් මහාධිකරණ විනිසුරුවරයෙකුට, පිටස්තර ක්ෂේත්‍රයකින් එක් පුද්ගලයකු බැගින් (1:1 අනුපාතයට) පත්කළද, එය අප රට තුළ කාලයක් පුරාවට පැවැති 3:1 අනුපාතය යන සම්ප්‍රදායටම අනුව ඉදිරියේදී අභියාචනාධිකරණයට විනිසුරුවරුන් පත්කිරීමට පියවර ගන්නා ලෙස ඔවුන් ඉල්ලීම් සිදුකර ඇත.

අදහස් (1)

මහාධිකරණ විනිසුරුවරුන්ගෙන් ඉල්ලීමක්

රාජේශ් ඛන්නා Saturday, 28 April 2018 10:18 PM

සාමාන්‍ය මහජනයා ලෙස අපට ඔය අනුපාතවලින් වැඩක් වේද කියලා දැනෙන්නේ නැහැ. එ්ත් මේ උගත් මිත්‍රයන් අතර කතා නොකෙරෙන, නොදැනෙන, නොපෙනෙන අසාධාරණයක් තියෙනවා. දැනෙන හේතුවක් නොමැතිවම අවුරුදු 15, 20 ඇදෙන නඩු ඉහටත් උඩින්. සමහර සාක්ෂි කාරයෝ ජීවතුන් අතරත් නැහැ. සමහර සාක්ෂි කාරයෝ දැන් තරහවෙලා. දුන්නොත් දෙන්නේ විරුද්ධ පාර්ශවයට වාසි විදියට. පන ඇති දේවල් පමණක් නොවෙයි, නඩුවලට හේතු වූ සමහර ගොඩනැගිලි වගේ දේවල් දැන් කඩා වැටෙන්නත් ලඟයි. මේ විදිහට අවසානයේ ලැබෙන තරාදියේ තීන්දුව සාධාරණද කියලා දන්නේ උඩ ඉන්න දෙවියෝ විතරද? සමහර රටවල සියලුම නඩු සුමානයක් දෙකක් ඇතුළත අහලා තීන්දු දෙනවා. මේ රටේ එහෙම නොවෙන්නේ ඇයි. 3 න් 1 ද, 3 න් 3 ද ගැන කාලෙ කන්නේ නැතුව බැරිද අදම රැස්වෙලා මෙයට තිරසාර විසඳුමක් දෙන්න.

: 0 9