(එම්. කේ. නන්දසේන )

යාල යෝධකණ්ඩිය වුද්දකන්දර ප්‍රදේශයේ නිවසක් වැටලූ වනජීවී නිලධාරීහු පිසමින් තිබූ මුවමස් කිලෝග්‍රෑම් දෙකක ප්‍රමාණයේ මස් හොද්දක් අත්අඩංගුවට ගෙන තිස්සමහාරාම අධිකරණය හමුවට පැමිණවිමෙන්පසුු වරද පිළිගත් සැකකරුවෙකුට රුපියල් 20, 000 ක දඩ මුදලක් ගෙවනලෙස දිසාවිනිසුරු හා මහෙස්ත්‍රාත් කාංචනමාලි සුසන්තා ගුණසේකර මහත්මිය අද (21) නියෝග කළාය.

මෙ  දඩ මුදලෙන් රුපියල් 5000 ක මුදලක් එම අවස්ථාවේදීම ගෙවූ මොහු ඉතිරි මුදල් වාරික දෙකකින් ගෙවීමට ඉල්ලා සිටි හෙයින් අධිකරණය ඒ සඳහා අවසර ලබා දුන්නේය

මෙලෙස දඩ මුදල් ගෙවීමට සිදුවූවෙි යෝධකණ්ඩිය, වුද්දකන්දර, සමිපතගම ලිපිනයේ පදංචි එචි.ඒ.සුරංග ජනානන්ද නැමති අයෙකුටය.

මෙම පුද්ගලයා සෆාරි ජීප් රථ රියදුරකු බව වනජීවී නිලධාරීහු කියයි.

මුවමස් ලබාගත් ආකාරය පිළිබඳව මෙම පුද්ගලයාගෙන් වනජීවී නිලධාරීහු ප්‍රශ්න කර ඇතැත් පැහැදිලි තොරතුරක් ලබාදී නැතැයිද කියති.

යාලජාතික වනෝද්‍යානයේ වැඩ බලන උද්‍යානය භාර නිලධාරි ඩී.එමි. අජිත් වසන්ත කුමාර මහතාගේ උපදෙස් මත බැඹව වනජීවී කාර්යාලයේ වනසත්ව අඩවි සහකාර ජේ.ඒ. පියසේන මහතාගේ මෙහෙයවීම යටතේ වන සත්ව නියාමක වරැන්වන කේ.කේ. එන්.සී රණසිංහ, එචි. අනස්දීන්, ක්ෂේත්‍ර සහායකවරුන් වන ඒ.පී.ගයාන් සුරංග, එස්. රුහුණු රංජිත් රියදුරු විකුමි ධනංජය යන නිලධාරීන් මෙම වැටලීම සිදුකළහ.