IMG-LOGO

මන්ත්‍රීට පහරදුන් 13 දෙනා 26 දක්වා රිමාන්ඩ්

(  ඉන්දික අරුණ කුමාර)

ලග්ගල - තෙල්ගමු ඔයේ දිය නෑමට පැමිණි කඩවත ප‍්‍රදේශයේ  පිරිසක් හා ලග්ගල ප‍්‍රාදේශිය සභාවේ මන්ත‍්‍රිවරයෙකු ඇතුළු පිරිසක් සමඟ ඇති වු ගැටුමට සම්බන්ධ පිරිසෙන් අත්අඩංගුවට ගත් සැකකරුවන් 13 දෙනා ලබන බදාදා (26) දක්වා රක්ෂිත බන්ධනාගාර ගත කිරීමට නාඋල ප‍්‍රධාන මහේස්ත‍්‍රාත් ලූෂිකා කුමාරි ධර්මකීර්ති මහත්මිය අද (24) නියෝග කළාය.

ලග්ගල ප‍්‍රදේශයේ සංචාරයකට පැමිණ ඇති කඩවත හා අවට ප‍්‍රදේශවල පදිංචිකරුවන් දිය නෑම සඳහා තෙල්ගමු ඔයට ගිය අවස්ථාවේ දී පැවති මත්පැන් සාදයක් අතර තුර එහි පැමිණ ඇති ලග්ගල ප‍්‍රාදේශිය සභාවේ ශ‍්‍රී ලංකා පොදු ජන පෙරමුණට අයත් මන්ත‍්‍රි වරයෙකු වන පී.ජී. ජයම්පති බණ්ඩාර නැමැති අයට පහර දි තුවාල සිදුකළේ යැයි සඳහන් කරමින් ලග්ගල පොලිසිය නාඋල මහේස්ත‍්‍රාත් අධිකරණයට සැකකරුවන් ඉදිරිපත් කර තිබිණි.

සැකකරුවන්ගේ අයිතිවාසිකම් වෙනුවෙන් පෙනී සිටි නීතිඥ ඉන්දික සෙනවිරත්න මහතා අධිකරණයේ දී කියා සිටියේ සැකකරුවන් රැදී සිටි තෙල්ගමු ඔයට ලග්ගල ප‍්‍රාදේශිය සභාවේ සභාපතිවරයා සමග රෝහල් ගතවී සිටින මන්ත‍්‍රිවරයා  සමග 6 දෙනෙකුගෙන් පමණ පිරිසක් පැමිණ මත්පැන් ඉල්ලා ඇති බවයි.

සැකරුවන්ගේ මත්පැන් පානය කරන අවස්තාවේ දී ඇති වු බහින් බස් වීමකින් අනතුරුව සිය සේවා දායකයින් 13 දෙනාට අතින් පයින් හා යකඩ පොලිවලින් පිරිස පහරදී ඇති බව ද අධිකරණයේ දී නිතීඥ ඉන්දික සෙනවිරත්න මහතා කියා සිටියේය.

කඩවත ප‍්‍රාදේශයෙන් පැමිණි පිරිස අතර එක් පුද්ගලයෙකු බරපතල තුවාල ලබා මාතලේ රෝහලට ඇතූළත් කර ඇති බව ද නිතීඥ ඉන්දික සෙනවිරත්න මහතා අධිකරණයේ දී කියා සිටියේය.

කරුණු සියල්ල සැලකිල්ලට ගත් නාඋල මහේස්ත‍්‍රාත් ලූෂිකා කුමාරි ධර්මකීර්ති මහත්මිය සැකකරුවන් හ`දුනා ගැනීමේ පෙරට්ටුවකට ඉදිරිපත් කරන ලෙස බන්ධනාගාරයට නියෝග කළේය.

මීට අමතරව සැකකරුවන් සම්බන්ධයෙන් අදාල වෛද්‍ය වාර්තා, නඩු දිනයට අධීකරණයට ඉදිරිපත් කරන ලෙස ලග්ගල පොලිසියට මහේත‍්‍රාත් වරිය නියෝග කළාය.

ලග්ගල පොලිසිය බී 503/18 බී වාර්තාව යටතේ සැකකරුවන් ආවරණය කර අධ්කරණයට ඉදිරිපත් කර තිබිණි.

ලග්ගල ප‍්‍රාදේශිය සභාවේ ශ‍්‍රී ලංකා පොදුජන පෙරමුණු මන්ත‍්‍රි පී.ජී. ජයම්පති බණ්ඩාර මහතා සිද්ධියෙන් තුවාල ලබා ලග්ගල රෝහලේ ප‍්‍රතිකාර ලබමින් සිටින බව ද ලග්ගල පොලිසිය සඳහන් කළේය.

ලග්ගල පොලිස්ථානාධිපති පොලිස් පරික්ෂක යූ.එම්.ජේ.ඩබ්ලිව්.කේ. අමරසිංහ මහතාගේ උපදෙස් යටතේ විශේෂ පොලිස් කණ්ඩායමක් සිද්ධිය සම්බන්ධයෙන් වැඩිදුර විමර්ශන සිදුකරති.

 

 



අදහස් (1)

මන්ත්‍රීට පහරදුන් 13 දෙනා 26 දක්වා රිමාන්ඩ්

විජිත් Monday, 24 September 2018 07:24 PM

මන්ත්‍රීට මිනිස්සු නිකම්ම ගහන්නේ නැහැනේ. මන්ත්‍රී මොකක් හරි දෙයක් කරන්න ඇති. හිරේ ගියත් මේ අය හොඳ ආදර්ශයක් ලංකාවේ මිනිස්සුන්ට දීලා තියෙන්නේ. මන්ත්‍රීලා ඇමතිලා හිතාගෙන ඉන්නේ ඕන දෙයක් කරන්න පුළුවනි කියලා.

:       1       108

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 65 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 275 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 127 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site