( උපාලි ආනන්ද)                    

                                   
ජංගම දුරකථනයක් සහ රුපියල් 500 ක් ලබාදී රවටා තම  12  හැවිරිදි  බාලවයස්කාර දරුවෙකු  නීත්‍යනූකූල බාරකාරත්වයෙන්  බැහැරට ගෙන ගොස් අපයෝජනය කිරීමේ චෝදනාවක් සම්බන්ධයෙන් අධිකරණය හමුවේ අධිචෝදනා ලබා සිටි විත්තිකරුවෙකු  එකී චෝදනාවන්ට වරදකරු බවට නිගනමය කළ වයඔ පළාත් බද සිවිල් අභියාචනා මහාධිකරණ විනිසුරු සුමුදු පේ‍්‍රමචන්ද්‍ර මහතා ඔහුට වසර 12ක බරපතල වැඩ සහිත සිර දඬුවමක් නියම කළේය. 

දරුවා මවගේ නිත්‍යනුකූල භාරකාරත්වයෙන් බැහැරට ගෙන යාමේ වරදට බරපතල වැඩ සහිත වසර  දෙකක සිර දඬුවමක් ද අපයෝජනය කිරීමේ වරදට වසර දහයක බරපතල වැඩ සහිත සිර දඬුවමක් ද වශයෙන් මෙම 12 වසරක බරපතල වැඩ සහිත සිර දඬුවම් නියම කෙරිණි.

ඊට අමතරව රුපියල් 5000 ක දඩයක් ගෙවන ලෙසටද විත්තකරුට නියෝග කළ මහාධිකරණ විනිසුරු සුමුදු පේ‍්‍රමචන්ද්‍ර මහතා පැමිණිලිකාර දරුවාට මුදලින් රුපියල් පනස් දහසක වන්දියක් ගෙවන ලෙසටද විත්තිකරුට තවදුටරත් නියෝග කරනු ලැබීය.

එම දඩ මුදල් සහ වන්දි මුදල් ගෙවීම පැහැර හරින්නේ නම් විත්තිකරු තවත් මාස අටක සිර දඬුවමකට ද යටත් කෙරිණි. මෙසේ දඬුවම් නියම වූයේ පොල්ගහවෙල බංඩාරවත්ත අඔගොල්ල උඩපොල ලිපිනයේ ඩබ්ලිව් ගුණතිලක නැමැති විවහාකයෙකි.

2008 වසරේ දෙසැම්බර් මස 12 වන දින සහ 31 වන දින අතර කාලය තුළ  විත්තිකරු මෙම අපරාධය සිදු කර ඇති බවට නීතිපතිවරයා විසින් ඔහුට එරෙහිව වයඔ පළාත් බද මහාධිකරණය හමුවේ අධි චෝදනා ගොනු කරනු ලැබ තිබිණි.