පොලිස්පතිගේ ප්‍රකාශයට ඇමැති සාගල එකඟ නැතිලු

ගිංතොට ප්‍රදේශයේ සිදුවු ජාතිවාදී සිදුවීමේදී පොලිසිය අසමත් යැයි පොලිස්පති පුජිත ජයසුන්දර මහතා කළ ප්‍රකාශයට එකඟ නොවන බව නීතිය සාමය සහ දක්ෂිණ සංවර්ධන ඇමති සාගල රත්නායක මහතා පාර්ලිමේන්තුවේදී කීවේය.

මෙම සිදුවීම සම්බන්ධනේ පොලිස්පතිගේ ප්‍රකාශය අනුමත කරනවාදැයි විපක්ෂයේ ප්‍රධාන සංවිධායක අනුර කුමාර දිසානායක මහතා යොමුකළ ප්‍රශ්නයකට පිළිතුරු ඇමතිවරයා අද (5) පාර්ලිමේන්තුවේදී මේ බව කීවේය.

පොලිස්පතිතුමා කළ ප්‍රකාශයක් ගැන අනුර මන්ත්‍රීතුමා කිව්වා. මම ඒගැන එකඟ වෙන්නේ නැහැ. මම ඒකට එකඟ නැහැ. එදා ඒ නිළධාරීන් තමන්ගේ රාජකාරිය හරියාකාරව සිදුකළ නිසා තමයි මේ තත්වය පාලනය කරන්නට පුළුවන් වුනේ. යයිද සාගල රත්නායක මහතා කීවේය.

අදහස් (7)

පොලිස්පතිගේ ප්‍රකාශයට ඇමැති සාගල එකඟ නැතිලු

Senarath Tuesday, 05 December 2017 07:00 AM

එතකොට පොලිසිය ඒ ගැන රාජකාරි කරපු විදිය පොලිස්පතිට වඩා දන්නේ මෙතුමද ? මොනවද මේ විහිළු කතා ?

: 25 1022

පිටිගල මිලානෝ Tuesday, 05 December 2017 07:17 AM

ප්‍රකාශ විතරයි වැඩ නැහැ. පුළුවන් නම් මේ ටිකට කරපු එක වැඩක් කියන්න.

: 59 651

sachith Tuesday, 05 December 2017 08:19 AM

වැටත් නියරත් ගොයම් කෑවනම් අපිට ඉතින් මොනවද කියන්න තියෙන්නේ.

: 0 0

Raveendra Tuesday, 05 December 2017 09:03 AM

දෙවෙනියාගේ යන මගමයි ගලපන්නේ..... එලෙසින් කිසිදු වැඩක් කර නැහැනේ....... එනමුත් හිස් වචනම දොඩවන්නේ...... මම වෙමි තවත් අම්බරුවෙක් දියවන්නාවේ.....

: 0 44

Dr Edward Perera Tuesday, 05 December 2017 11:13 AM

පොලිසිය භාර ඇමති තුමා අනවශ්‍ය පරිදි පොලිසිය වර්ණනා කරන්න ඕනෙත් නැහැ විවේචනය කරන්න ඕනෙත් නැහැ. පොලිසියේ කටයුතු දේශපාලන ඇහෙන් බලන්න ගියහම ඔවැනි අපහසු තාවයකට පත්වෙනවා. දේශපාලකයින් කියන්නේ පාවෙන පිරිසක්. එනවා යනවා. පොලිස්පති කෙනෙකුට තම දෙපාර්තමේන්තුව ගැන විශාල වගකීමක් තිබෙනවා. පොලිසියෙන් සිදුවන වැරදි දේශපාලන කඩතුරාවලින් වහගන්න උත්සාහ කරපු පොලිස්පතිවරුත් ලංකාවේ නොසිටියා නොවේ. ස්වයං විවේචනයක් තුලින් තම දෙපාර්තමේන්තුව හදා ගන්න පුළුවන් වේවි කියා පොලිස්පති තුමා දැරූ අදහසට එකඟ නොවීමෙන් ඇමති තුමා කර ඇත්තේ වැරැද්දක් කියා කියන්න අප පැකිලෙන්නේ නැහැ.

: 0 19

sarath Tuesday, 05 December 2017 12:59 PM

පුලුවන්නම් ඉස්සරවෙලාම ගෙවල් වලට ගහපු අයගෙන් ප්‍රශ්න කරලා හිරේ දාල දඬුවම් දෙන්න ?

: 0 118

GihanTuesday, 05 December 2017 01:58 PM

එහෙම බෑනේ සරත් මහත්තයා. එතකොට සහජීවනේ නැති වෙනවනේ. සිංහල උන් ගැහුව නම් මේ වෙනකොට ගමෙන් භාගයකට ඇපත් නෑ. සහජීවනේ නැති වුනොත් ඊළඟ ඡන්දෙ දින්නනේ කෝමෙයි?

: 0 118