( තිළිණි ද සිල්වා සහ රංජන් කටුගම්පොළ)
බැඳුම්කර ජනාධිපති කොමිසමේ වාර්තාවේ සඳහන් කරුණු මත පදනම් වෙමින් නීතිපතිවරයා කොටුව මහේස්ත්රාත්වරියගේ මනසට බලපෑම් කරමින් දිගින් දිගටම පර්පෙචුවල් ට්රෙෂරීෂ් සමාගමේ හිමිකරු අර්ජුන් ඇලෝසියස් හා එම සමාගමේ විධායක නිලධාරී කසුන් පළිසේන රිමාන්ඩ් බාරයේ තබා ගෙන සිටින බව ජනාධිපති නීතීඥ ගාමිණී මාරපන මහතා අද (29) අභියාචනාධිකරණය හමුවේ පැවසීය.
අධිකරණය හමුවේ නොපිළිගන්නා බැදුම්කර ජනාධිපති කොමිසමේ වාර්තා පදනම් කරගනිමින් මෙලෙස කටයුතු කිරීම නීතියට පටහැනි බව පෙත්සම්කරුවන් දෙදෙනා වෙනුවෙන් පෙනී සිටින හෙතෙම වැඩිදුරටත් කීය.
මහබැංකු බැඳුම්කර සිද්ධිය සම්බන්ධයෙන් බන්ධනාගාර ගත කර සිටින පර්පෙචුවල් ට්රෙෂරීෂ් සමාගමේ හිමිකරු අර්ජුන් ඇලෝෂියස් හා එම සමාගමේ විධායක නිලධාරී කසුන් පළිසේන විසින් ඇප ඉල්ලා ගොනු කළ ප්රතිශෝධන පෙත්සම අද (29) අභියාචනාධිකරණය හමුවේ සලකා බැලූ අවස්ථාවේදී හෙතෙම මේ බව කීය.
අභියාචනාධිකරණ සභාපති විනිසුරු ප්රීති පද්මන් සූරෙස්න මහතා සහ විනිසුරු ශිරාන් ගුණරත්න මහතා හමුවේ කැඳවිණි.
පෙත්සම්කාර පාර්ශවයෙන් ඉදිරිපත් වූ එම කරුණු ප්රතික්ෂේප කළ නීතිපති වෙනුවෙන් පෙනී සිටි අතිරේක සොලිසිටර් ජනරාල් යසන්ත කෝදාගොඩ මහතා කියා සිටියේ තමන් එම චෝදනා නොපිළි ගන්නා බවත් , එම කරුණ සම්බන්ධයෙන් තමන්ට දීර්ඝ වශයෙන් කරුණු දැක්වීමට කල් ලබා දෙන ලෙසය.
ඒ කරුණු සලකා බැලූ අභියාචනාධිකරණය පෙත්සම සම්බන්ධයෙන් වැඩිදුර සලකා බැලීම ලබන මැයි 18 කල් තබන ලදී.
අදාළ පෙත්සමේ වගඋත්තරකරුවන් ලෙස නීතිපතිවරයා හා මුල්ය විමර්ශන අංශයේ ස්ථානාධිපතිවරයා නම් කර ඇති අතර පෙත්සම්කරුවන් සිය පෙත්සෙමන් කියා සිටින්නේ, මහ බැංකු බැඳුම්කර සිදුවීම සම්බන්ධයෙන් අත්අඩංගුවට ගෙන රිමාන්ඩ් බාරයට පත් කර ඇති තමන්ට ඇප ලබා දීම පොදු දේපළ පනත යටතේ කොටුව මහේස්ත්රාත් අධිකරණය මඟින් ප්රතික්ෂේප කර ඇති බවයි.
එහෙත් රහස් පොලිසිය විසින් තමන්ට එරෙහිව අධිකරණයට වාර්තාකර ඇති කරුණු අනුව පොදු දේපළ පනත යටතේ කිසිදු වරදක් අනාවරණය නොවන බව පෙත්සම්කරුවන් කියා සිටියි. එම නිසා පොදු දේපල පනත යටතේ තමන්ට ඇප ලබා දීම ප්රතික්ෂේප කිරීමට කොටුව මහේස්ත්රාත්වරිය ගත් තීරණය දූෂිත බව ද පෙත්සම්කරුවන් පෙන්වා දෙයි.
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ්රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි
නීතිපති කොටුව මහේස්ත්රාත්වරියට බලපෑම් කරන බව ඇලෝසියස්ගේ නීතීඥවරයා කියයි
සතයපාල Thursday, 29 March 2018 12:48 PM
මේකනේ දැන් අලුත්ම මෝස්තරේ. දූෂිතයෝ අපරාධකාරයෝ අනිත් මිනිස්සුන්ට චෝදනා කරනවා දූෂිතයෝ අපරාධකාරයො කියලා.
kumara Thursday, 29 March 2018 03:29 PM
අපේ සල්ලි හොරකම් කරලා දැන් අහිංසක වන්න හදනවා