(හර්ෂණ තුෂාර සිල්වා)
මසුන් මැරීම සදහා ඩයිනමයිට් ඇතුළු වෙනත් පුපුරණ ද්රව්ය භාවිත කරන ධීවරයන්ට එරෙහිව නීතිය තදින් ක්රියාත්මක කරන්නැයි ධීවර හා ජලජ සම්පත් සංවර්ධන අමාත්ය මහින්ද අමරවීර මහතා නාවික හමුදා හා පොලිස් නිලධාරීන්ට උපදෙස් දී තිබේ.
ඩයිනමයිට් ඇතුළු විනාශකාරී පුපුරණ ද්රව්ය යොදා ගනිමින් මසුන් මැරීම වැඩි වී ඇතැයි ද ඒ හේතුවෙන් මත්ස්ය සම්පත විනාශ වීමේ දැඩි අවදානමක් ඇතැයි ද ධීවර හා ජලජ සම්පත් අමාත්යවරයා පවසයි.
නැගෙනහිර පළාත ඇතුළු මුහුදුබඩ ප්රදේශ කිහිපයක ඩයිනමයිට් සහ වෙනත් පුපුරණ ද්රව්ය භාවිත කරමින් මසුන් මැරීම ඉහළ ගොස් ඇතැයි ද අනාවරණය වී තිබේ.
ඩයනමයිට් යොදා මසුන් මැරිම මගින් මත්ස්ය සම්පතට මෙන්ම කොරල් පර, මුහුදු පැළෑටි, මත්ස්ය බිත්තර, සහ පැටවු මෙන්ම විශාල වන මසුන් මරණයට පත් වන්නේ යැයි ධීවර හා ජලජ සම්පත් සංවර්ධන අමාත්යාංශය සඳහන් කරයි.
එමෙන්ම ඩයිනමයිට් යොදා මරා දමන මසුන් පාරිභෝජනයට නුසුදුසු බව ද ඒවා ඉක්මනින්ම නරක් වන බව ද එම අමාත්යාංශය තවදුරටත් පෙන්වාදෙයි.
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
ඩයනමයිට් පාවිච්චි කරන ධීවරයින්ට වැඩ වරදී
kumar (galf) Thursday, 28 September 2017 08:20 AM
නීතියේ සියලුම ආශිර්වාද සහිතව ගාලු මුහුදු තීරයේ රාත්රී කාලයේ මේ ඩයනමයිට් දමා මසුන් මැරීමේ ව්යාපාරය ජයටම කරගෙන යනවා.. කිසිම බාධාවක් නෑ.
Ajith Thursday, 28 September 2017 10:32 AM
පයාගල සහ ඒ අවට ප්රදේශවලත් ඩයනමයිට් දමා මසුන් මැරීමේ ව්යාපාරය ජයටම කරගෙන යනවා. කිසිම බාධාවක් නෑ.
chathura Friday, 29 September 2017 03:08 AM
මේවා හැමදාම කියනවා විතරයි , කරන දෙයක් නැහැ , රට වටේම මුහුද ඒ වුනාට පිටරට නැව් වලින් ලංකාවට මාළු විකුනනවා. පාලනය කරන ආයතන නිදි , පඩි විතරයි ඕනේ ,ඔවුන් පඩි ගන්නවා අපි බදු ගෙවනවා... ඒ මදිවට මාලු ගිනි ගණන් .