විනීතා එම් ගමගේ
 
ජාන වෙනස් කරන ලද ආහාර වර්ග මෙරටට ගෙන්වන්නේ දැයි සොයා බැලීම සඳහා වසර දෙකකින් පරික්ෂාවක් සිදුකර නැතැයි වාර්තා වේ. 

 
වෙළඳපොළේ පවතින ආනයනික ආහාර ද්‍රව්‍ය අහඹු ලෙස ලබාගෙන ඒවායේ ජාන වෙනස් කරන ලද ද්‍රව්‍ය අඩංගු දැයි සොයා බැලීම සඳහා 2015 වසර දක්වා අවස්ථා තුනකදී සිදුවූ බවත් එහෙත් ඉකුත් වසර දෙකේ දී එය සිදුකර නැති බවත්  මහවැලි සංවර්ධන හා පරිසර අමාත්‍යාංශයේ ජෛව විවිධත්ව ලේකම් කාර්යාලයේ අධ්‍යක්ෂ පද්මා අබේකෝන් මහත්මිය පැවැසුවාය.
 
කෙසේ වෙතත් එම පරික්ෂාවන් සිදුකළ කිසිදු අවස්ථාවක එවැනි ජාන වෙනස් කරන ලද කිසිදු ද්‍රව්‍යක් හමු නොවූ බව ද අබේකෝන් මහත්මිය කීවාය.
 
පරිසර අමාත්‍යංශය මඟින් බත්තරමුල්ල වෝටර්ස් එජ් හෝටලයේ දී අද පැවැති සම්මන්ත‍්‍රණයක දී මෙම තොරතුරු අනාවරණය විය.  
 
ශ්‍රී ලංකාව තුළ ජාන වෙනස් කළ ජීවීන් සුරක්ෂිත ලෙස භාවිතය සඳහා ජෛවසුරක්ෂිතතාවය ක‍්‍රියාක්මත කීරීම පිළිබඳ දැනුවත් කිරීම සඳහා  මෙම සම්මන්ත‍්‍රණය පවත්වනු ලැබුයේ මහවැලි සංවර්ධන හා පරිසර අමාත්‍යංශය විසිනි.
 
ජෛව තාක්ෂණ ක්ෂේත්‍රයේ  මෑත කාලීන ප‍්‍රගතිය සහ එම තාක්ෂණය මඟින් කෘෂිකර්ම කෙෂත‍්‍රය හා සෞඛ්‍ය කෙෂත‍්‍රයට අත්වන වැදගත් ප‍්‍රයෝජන පිලිබ`දව සලකා බැලීමේ දී නවීන තාක්ෂණයේ නිෂ්පාදනයක් වන ජාන විකරණය කළ ජීවීන් පිළිබඳ පුළුල් මට්ටමින් සලකා බැලීමේ අවශ්‍යතාවය එහි දී මතුකෙරිණි.
 
ඉන්සියුලින් එන්සයිමය  නිපදවීමේ සිිට නියඟට ඔරොත්තු දෙන ශාක නිපදවීම දක්වා ජෛව තාක්ෂණය දායකවී ඇති බවත් මිනිස් ජීවිතයේ ගු-ණාත්මක භාවය වැඩි දියුණු කිරීමට එම තාක්ෂණය යොදා ගත හැකි නමුත් ජානතාක්ෂණය පිළිබ`ද මිත්‍යා මත සමාජයේ ඇති බවත් එහි දී වැඩි දුරටත් අවධාරණය කෙරිණි.