IMG-LOGO

2025 සැප්තැම්බර් මස 01 වන සඳුදා


ගාල්ලේ තවත් ක්‍රිකට් ක්‍රීඩාංගණයක් ඉදිකරනවා - අගමැති

(සිරංගිකා ලොකුකරවිට සහ රවී ලියනගේ)

ගාල්ල ක්‍රිකට් ක්‍රීඩාංගණය ප්‍රේක්ෂකයන්ට ප්‍රමාණවත් නොවන බවත් ඊට වඩා විශාල ක්‍රීඩාංගණ කොළඹ පාසල්වල පවා ඇති බවත් අගමැති රනිල් වික්‍රමසිංහ මහතා ගාල්ලේදී අද (31) පැවැසීය.

ගාල්ල ජාත්‍යන්තර ක්‍රිකට් ක්‍රීඩාංගණය නරඹන්නන් 5000ට පමණ අවශ්‍ය පහසුකම් ඇති බවත් ප්‍රේක්ෂකයන් 25,000කට වැඩි පිරිසකට තරඟ නැරඹිය හැකි තවත් ක්‍රිකට් ක්‍රීඩාංගණයක් කොග්ගල ප්‍රදේශයේ  ඉදිකරන බවත් අගමැති රනිල් වික්‍රමසිංහ මහතා පැවසීය.

අග්‍රාමාත්‍යවරයා මේ බව පැවසූවේ ගාල්ල කළුවැල්ල ලී ග්‍රෑන්ඩ් හෝටලය විවෘත කිරීමේ අවස්ථාවට එක්වෙමිනි.

අගමැතිවරයා එහි දී මෙසේ ද කීවේය.

''ගාල්ල ආසියාවේ ක්‍රීඩා කේන්ද්‍රස්ථානයක් බවට පත් කරනවා.  අළුතින් ගොල්ෆ් පිටි තුනක් සහ දැනට තිබෙන ක්‍රීඩාංගණයට වඩා විශාල ජාත්‍යන්තර ක්‍රිකට් ක්‍රීඩාංගණයක් ගාල්ලේ හදනවා.

සංචාරක ව්‍යාපාරය දියුණු කිරීමට කටයුතු කරගෙන යනවා. මෙහෙම කරද්දි පුද්ගලික විද්‍යුත් මාධ්‍ය මේවාට එරෙහි වනවා. මාධ්‍ය අයිතිකරුවන් සියලු දෙනාම මෙහෙට ගෙනෙවිත් පෙන්වන්න අවශ්‍යයි මේවායේ මොනවාද කෙරෙන්නේ කියා. මෙයින් රැකියා ලැබෙන්නේ ගාල්ලේ අයට.  කලින් ආණ්ඩුව කොග්ගල ක්‍රීඩාංගණයක් හදනවා කිව්වම විරුද්ධ නොවී සිටි මාධ්‍ය දැන් අපි හදනවා කිව්වම විරුද්ධ වෙනවා.

මේක තේරුම්ගත නොහැකි තත්ත්වයක්.  මා බලාපොරොත්තු වෙනවා පුද්ගලික විද්‍යුත් මාධ්‍ය මේවාට සහය දේවි කියා. ගාල්ල කේන්ද්‍ර කරගෙන සංචාරක ක්ෂේත්‍රයේ විශාල වැඩ කොටසක් සිදුකරනවා.‘‘

මෙම අවස්ථාවට ස්වදේශ කටයුතු අමාත්‍ය වජිර අබේවර්ධන, කඳුරට සංවර්ධන වෘත්තීය පුහුණු හා නිපුණතා සංවර්ධන අමාත්‍ය ආචාර්ය සරත් අමුණුගම යන අමාත්‍යවරුද මෙම අවස්ථාවට සහභාගී වූහ.

 



අදහස් (33)

ගාල්ලේ තවත් ක්‍රිකට් ක්‍රීඩාංගණයක් ඉදිකරනවා - අගමැති

tommy Tuesday, 31 July 2018 06:56 PM

කොහෙන්ද මේවා හදන්න සල්ලි හොයාගන්නේ?

:       0       1

rasika Tuesday, 31 July 2018 07:00 PM

ඊටපස්සේ මේක කොහෙටද විකුණන්නේ? දැන් සූරියවැව ක්ක්‍රීඩාංගණය ඉන්දියාවට විකුණනවනේ. හොඳයි අදහස.. ගත්ත ණය ටික බදු ගහලා, එකතු කරලා හදපු ඒවා ටික විකුණමු.

:       0       0

sanath Tuesday, 31 July 2018 07:31 PM

රටේ තව කරන්න දේවල් තියනවා.. පිට්ටනි හදන්නට කලින්.

:       0       0

maheshika Tuesday, 31 July 2018 09:04 PM

ශ්‍රී ලංකාව දැන් ස්වයංපෝෂිතය. අපට කිසිම දෙයකින් අඩුවක් නැත. දැනටම දකින එකම අඩුපාඩුව ක්‍රිකට් ක්‍රීඩාංගණ මදිකමයි. අපට තව ඇති විශාල ක්‍රීඩාංගණයක අවශ්‍යතාවය තදින්ම දැනේ. මෙම අඩුපාඩුව නිසා අපේ රටට ඉදිරියේදී බොහොමයක් ප්‍රශ්නවලට මුහුණ දෙන්න සිදුවිය හැකිය.

:       0       163

උපාලි Tuesday, 31 July 2018 10:37 PM

මෙන්න බොලේ මේ පාර මෙයත් මෝඩිට ඇඳලා...

:       0       76

ranjith Tuesday, 31 July 2018 11:42 PM

ගාල්ලට ක්‍රිකට් ක්‍රීඩාංගණයක් ගෙනැල්ල යහපාලන ආණ්ඩුව නැතිවෙන්න කලින් අපි එ්කේ වොක්ස්වැගන් කාර් වලින් රේසුත් තියනවා..

:       0       67

Bandara Wednesday, 01 August 2018 01:25 AM

පිස්සු තදවෙලා වගෙයි.

:       0       0

Chamdima Wednesday, 01 August 2018 01:49 AM

අනේ පින් සිද්ධවෙයි... අලුතින් තවත් පිස්සු වැඩ නම් කරන්න හදන්න එපා. අරෙහේ ණය කන්දක් ගැන කතා කර කර අනාගත ජාතියට දරුවන්ට හිමිවෙන්න තියෙන වටිනා සම්පත් ඔක්කොම නොරටුන්ට විකුණනවා. රටේ හැම තැනම විජාතික කොලනි හැදෙනවා. මෙහෙන් අපිව හූරාගෙන බදු ගහනවා. තමුන්ලා මොන කෙහෙල්මලක් හැදුවත් අන්තිමට අපිට නෙමෙයි වෙන කොහෙවත් රටකට තමයි අයිති වෙන්නේ. තියෙන පිට්ටනියක් තියෙන්න ඇරලා මේ අවුරුදු දෙක ඉවර වුණාම යන්න මහත්තයෝ යන්න.

:       0       106

gallage Wednesday, 01 August 2018 02:28 AM

ඔන්න අයෙමත් පටන් ගත්තෝ.. දැන් ඉතින් කාර් දෙයි, පඩි වැඩි කෙරෙයි, අනේ අම්මපා..මට..

:       0       153

senarath Wednesday, 01 August 2018 03:15 AM

ගාල්ල නගරයේ අලංකාරය තියෙන මේ ක්‍රීඩාංගණය , කොටු පවුර , සමනල උද්‍යානය සහ මුහුද නිසා. මේ තකතීරු දේශපාලකයෝ හදන්නේ එකත් විකුණගෙන කන්න. බිග් මැච් එකටවත් සම්පුර්ණයෙන් පිරෙන්නේ නැති මේ ග්‍රව්න්ඩ් එක මදි කියල මෙයා කොහොමද කියන්නේ. මෙයාගේ මොලේ වැඩකරන්නේම නොපිටට. කිසිම දෙයක් කරගන්න බැහැ.රටේ පවක්.

:       3       430

sarath Wednesday, 01 August 2018 03:23 AM

රෙද්ද තමයි .ඔන්න ඕක තියෙන්න ඇරලා වෙන වැඩක් බලාගත්තනම් හොඳ නැතිද? කුහක කම.හිතේ තියෙන දේ කෙලින් කියන්නේ නැතිව වත්ත වටේ යනවා.

:       1       253

gihan Wednesday, 01 August 2018 03:30 AM

මෙන්න මෙයා මෝඩි කිට් ගහලා. නියමයි. මුලු ගාල්ලම ෆ්ලැට් කරලා තනි ලොකූම ලොකු ග්‍රවුන්ඩ්ස් එකක් හදමු. හදල ඒක කට්ටි කරල විකුණමු.

:       149       537

Wijaya Wednesday, 01 August 2018 03:31 AM

ඉතාම ඉහළයි. අපිට එච්චරයි අඩු වෙලා තිබුණේ.

:       55       191

Sangakkara Wednesday, 01 August 2018 03:33 AM

දැන් මේ මොකක් හරි අටවල ඡන්දෙට කලින් නම ගහ ගන්න හදන්නේ. පව් ඉතින්.

:       117       265

ranga Wednesday, 01 August 2018 03:52 AM

එදාවේල කන්නෙත් රටේ තියෙන සම්පත් ටික විකුණලා , ඕකට තමා කියන්නේ පිස්සෝ රජ උනත් එකයි රජුන් පිස්සෙක් උනත් එකයි............

:       111       1450

Raveendra Wednesday, 01 August 2018 04:45 AM

මේ හදිස්සියේම මොකද... ??. නම් ගම් ටික හොදට පැහැදිලිව ලිය තියෙන්න ඕනේ " හරිය " .....

:       1       61

කෝලිත Wednesday, 01 August 2018 05:40 AM

හැටිටෙ ඇදගෙනම මොටිට කතාවක් කියනව වගේ.....රටට අඩු එචිචරද දැං....?

:       1       159

TIKIRI Wednesday, 01 August 2018 05:50 AM

එතකොට හම්බන්තොට වරායට නැව් , මත්තලට ගුවන් යානා එයි , ලංකාවේ ණය ඉබේම ගෙවෙයි ! මේවා හිතල කියනවද , නැතිනම් කරුමෙට කියවෙනවද ?

:       0       37

lankanatha Wednesday, 01 August 2018 05:55 AM

ඔය වැඩේ අවුරුදු 3කට කලින් කරන්න පටන් ගත්තා නම් ලංකාවේ ප්‍රශ්න ගොඩක් මෙලහට විසඳිලා. හම්බන්තොට වරාය විකුණන්න වෙන්නෙත් නැහැ. එහෙම තියාගෙනත් මෙයාලා බනිනවා.

:       1       18

Sakwithi Wednesday, 01 August 2018 05:56 AM

අවුරුදු 11/2 කින් හදන දෙයක් තමයි ඉතින්...

:       0       20

Mahee Wednesday, 01 August 2018 06:07 AM

අපේ ගරු අගමැතිතුමා රටේ ප්‍රශ්න හඳුනාගෙන ප්‍රමුඛත්වය දිය යුතු ඒවාට මුල් තැන දීලා කටයුතු කරන බවට මෙන්න තව උදාහරණයක් !

:       38       0

Adam Wednesday, 01 August 2018 06:21 AM

මේ චූන්ට මෙලෝ දෙයක් තේරෙන්නෙත් නැහැ. කරන්නත් බැහැ. රට වටේම බොරු කියකියා යනවා හැර...

:       1       141

sameera Wednesday, 01 August 2018 06:21 AM

දැන් මාධ්‍ය තමයි වැරදි. අර කතාව කියපු ඇමැතිගේ කතාව ඇහිලා නැද්ද කොහේද? මිනිස්සු මෝඩයින් කියලා තමයි මෙයාලා හිතාගෙන ඉන්නේ...

:       0       9

Don perera Wednesday, 01 August 2018 06:25 AM

ලෝකෙට මොකද වෙලා තියෙන්නේ..?

:       0       3

de silva Wednesday, 01 August 2018 06:26 AM

ලංකාවේ තිබෙන ජාත්‍යන්තර ක්‍රිකට් ක්‍රීඩාංගණ ප්‍රමාණය හොඳටම ඇති... ප්‍රශ්නෙකට තිබෙන්නේ ක්‍රීඩකයින් ඉස්සර වගේ දස්කම් අතර නැති එකයි. ඒක ගැන හොයලා බැලුවා නම් හොඳ නැද්ද? ඉස්සර 96 අපි ලෝක ශුරයෝ වුණු කාලේ රටේ මෙච්චර ජාත්‍යන්තර ක්‍රිකට් ක්‍රීඩාංගණ තිබුනේ නැහැනේ...

:       0       39

chamila Wednesday, 01 August 2018 06:43 AM

රටේ පවට උපන්නෙක්, තියන ඒවා විකුණනවා. අලුතින් හදනවලු. මේ අයට බලය දීපු අයට හෙන ගහන්න ඕනෑ..

:       5       36

Hafeel Wednesday, 01 August 2018 07:11 AM

මෙයා එහෙම කරනවා, මෙහෙම කරනවා කියලා කියන්න විතරයි. ප්‍රායෝගික මොකුත්ම පෙන්න නැහැ. සජිත් ඇමතිතුමා හැර මේ රජය වැඩ කරන්න කව්රුත් නැහැ. වැඩ කරන්න පුළුවන් මිනිහට මෙයා වගකීම් දෙන්නෙත් නැහැ.

:       20       23

චරිත Wednesday, 01 August 2018 08:54 AM

මෙයාගේ වර්ගයේ කෙනෙකුට කොමිස් ගහන්න අවස්ථාවක් ලබාදෙන්නයි යන්නේ...

:       0       1

mahinda Wednesday, 01 August 2018 09:26 AM

ඇයි පාර්ලිමේන්තුවේ ඉඩ මදිද සෙල්ලම් කරන්න? ලංකාවට ඉතාම අවශ්‍ය පිට්ටනි වෙන්නැති? අනේ අපොයි!!!

:       0       62

Athula k Wednesday, 01 August 2018 09:49 AM

ඉස්සර තුංමුල්ල හන්දියේ පාර මැද බුදු පිළිමයක් තිබුණා. ඒක කඩනවට මිනිස්සු විරුද්ධ වුණා. විස්කම් නිවස ඉස්සරහ තියෙන බුදු පිළිමේ ලස්සනට හදලා පරණ බුදු පිළිමේ ආවරණය කළා. ආවරණය ගලවනකොට බුදු පිළිමේ නෑ. මේ හදන්නෙත් වෙන එකක් මීට වඩා පහසුකම් ඇතිව හදලා 2002 වගේ සුද්දන්ට විකුණලා දාන්නද හදන්නේ?

:       0       43

ravi Wednesday, 01 August 2018 10:25 AM

ගම්බද පළාත්වල කැඩිලා බිඳිලා ගරාවැටිලා .. තියන " පාසල් " හදලා දුන්නනම් මීට වැඩිය හොඳයි කියල මට හිතුණා.

:       0       0

[email protected] Wednesday, 01 August 2018 10:31 AM

ලංකාවේ කර්මාන්තශාලාවක් හදන්න මුදල් වෙන් කළා කියලා අපිට නිවුස් එකක් කලාතුරකින්වත් අහන්න ලැබෙනවාද? ඒ කියන්නේ රට දියුණු කරන්න එක ආණ්ඩුවකටවත් වුවමවනාවක් නෑ. ඒ වුණාට කොමිස් ගහන්න පුළුවන් පාරවල්, ගොඩනැගිලි, ක්‍රීඩාංගණ ආදිය ඉවක් බවක් නැතුව හදනවා. ඒකත් හදන්නේ ණය අරගෙන...

:       0       0

Sirangika Friday, 03 August 2018 04:10 AM

ටින් ටින් ගේ වීරක්‍රියා

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 67 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15577 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 529 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site