කථිකයන් නැතිව පාර්ලිමේන්තුව පැයෙන් නවතී

(සුජිත් හේවාජුලිගේ සහ ආරියරත්න රණබාහු)

මැතිසබයේ අද (8) පැවැති විවාදය ආණ්ඩු පක්ෂයේ හා විපක්ෂයේ කථිකයන් නොසිටීම නිසා පැයකින් නැවතිණි.

විවාදයට ගැනුණු පනත් කෙටුම්පත හා නියෝග සම්මත කර පාර්ලිමේන්තුව හෙට (9) උදේ 10.00 දක්වා කල් තැබීමට මේ අනුව මුලසුනේ සිටි නියෝජ්‍ය කතානායක අනාන්ද කුමාරසිරි මහතාට සිදු විය.

දහවල් 2.00ට පමණ ආණ්ඩුව මෙම විවාදය පස්වරු 6.30 දක්වා පැවැත්වීමට නියමිත තිබිණි.ආණ්ඩු පක්ෂය හා විපක්ෂයේ කථිකයන් නොසිටීම නිසා විවාදය පස්වරු 3.10ට පමණ අවසන් කෙරිණි.

මේ අනුව මැතිසබයේ කටයුතු ද පැය තුනකට පමණ සීමාවිය.මැතිසබයේ අද විවාදයට ගැනුණේ නිවාස අමාත්‍යංශයට අදාළ බද්ධ නිවාස අයිතිවාසිකම් (විශේෂ විධිවිධාන) පනත් කෙටුම්පත හා ඉදිකිරීම් කර්මාන්ත සංවර්ධන පනත යටතේ නියෝගයන්ය. නිවාස හා ඉදිකිරීම් අමාත්‍ය සජිත් ප්‍රේමදාස මහතා මෙම පනත් කෙටුම්පත හා නියෝග දෙවැනිවර කියැවීම සඳහා ඉදිරිපත් කළේය.

අදහස් (6)

කථිකයන් නැතිව පාර්ලිමේන්තුව පැයෙන් නවතී

prabha Wednesday, 08 August 2018 03:17 PM

ඉතින් අපි මේ අයගේ පඩියත් වැඩිකරලා අවුරුදු 5න් පස්සේ විශ්‍රාමික වැටුපත් හදලා දෙමු..

: 0 47

Raveendra Wednesday, 08 August 2018 04:03 PM

කරුණාකර තම තමන් වන්දනාමාන කරන කාලකන්නි පක්ෂ ගැන අඩුතරමින් ටික වෙලාවකට හෝ අමතක කර මෙම සිදුවීම පිළිබඳව අවංකව සිතන්න. පාර්ලිමේන්තුව යනු රටක කුමන වැදගත්කමක් ගන්නා ස්ථානයක්ද යන්න අප කිසිවකු අමුතුවෙන් දැනගැනීමට අවශ්‍ය නොවන බව කිව යුතුය. අප රටේ මහජනතාවට සේවය කිරීමට බව පවසමින් මේ අපේ නියම මහජන නියෝජිතයින්ද? අද දින ඔබේ, අපේ මුදල් මොනතරම් නාස්තිකර ඇද්ද? මෙවන් කාලකන්නින්ට අප විසින් අවංකව අපේ මහජන නියෝජිතයන් කියන්නේ කෙසේද? රටේ මුල් පුරවැසියාත් මෙම නිවට නිහින කාලකන්නි සිදුවීමට වගකිව යුතු නොවේද? " 225ටම තමාගේ පඩි වැඩිකර ගැනීමට තිබෙන උනන්දුව රටේ දියුණුව වෙනුවෙන් තිබේද? මෙම අසීලාචාර පිනට කකා බිබී ඉන්න අලුගුත්තේරුවන් තව දුරටත් මෙම උත්තරීතර ස්ථානයේ තැබිය යුතුද?

: 1 621

nishanath Thursday, 09 August 2018 02:17 AM

අපි වපුරපු දේ අපට නෙලා ගැනීමට සිදුවී ඇත. නිසි බීජ නිසි ලෙස වැපිරීමට මැටි මානසිකත්වයෙන් මිදී කටයුතු කරමු

: 0 20

Nelson Deraniyagala, U.S.A. Wednesday, 08 August 2018 06:07 PM

අනේ මේවගේ මහජන නියෝජිතයන්ට දෙන පඩි හා දීමනා දීම මහා අපරාදයක්. වැදගත් දිනයක නොයෙන අයගෙන් දිනයේ පඩිය අය කරගත යුතුය.

: 0 0

rocky Thursday, 09 August 2018 01:25 AM

මහ ජනතාව වෙනුවෙන් මොවුන්ට තියන කැපවීම මේකෙන්ම පෙනෙනවානේ?

: 0 6

kalani Thursday, 09 August 2018 05:01 AM

පාර්ලිමේන්තු, පළාත් සභා, ප්‍රාදේශීය සභා තුළ දහස් සංඛාත මහජන නියෝජිතයින් ඉටු කරන සේවය ගැන අප තුළ ඇත්තේ සැබවින්ම පිළිකුල් සහගත අප්‍රසාදයක්. මෙම කණ්ඩායම නඩත්තු කිරීම සඳහා ජාතික ධනයෙන් විශාල මුදලක් වැය කරනවා. දැවැන්ත කැබිනට් මණ්ඩලයක් සමඟින් මහජන සේවකයින් ලෙස නොව මහජන පිඩකයින් ලෙස හැසිරෙත්දී අපි කම්මුලට අත්ල තබාගෙන කම්පාවෙන් බලා සිටිමු. පාර්ලිමේන්තු එක දිනක වියදම රුපියල් මිලියන 05ක් පමණ වෙයි. වසර 70ක් තුළ අගාධයේ පතුලට අද දැමු රටක් ඉන් නිදහස් කර ගැනීම වෙනුවට මහජන නියෝජිතයින් සියලු වරප්‍රසාද ලබමින් කරන විගඩම් කෙළවර වෙන්නේ කවරදාද? තම මව්බිමට ආදරය කරන සැබෑ උගත්, බුද්ධිමත් මිනිසුන් කණ්ඩායමක් තෝරා ගැනීමට අපි සංවිධානය වෙමු.

: 0 147