ඔස්ටි‍්‍රයාවේ ශ්‍රී ලංකා තානාපතිවරිය ඇතුළු කාර්ය මණ්ඩලයේ සියලූ දෙනා නැවත කැඳවීමට ජනාධිපති මෛත‍්‍රීපාල සිරිසේන මහතා පියවර ගෙන ඇත.
 
ජනාධිපති මෛත‍්‍රීපාල සිරිසේන මහතාට ඔස්ටි‍්‍රයාවේ ශ්‍රී ලංකා තානාපතිනි පි‍්‍රයානි විජේසේකර මහත්මිය ඇමතීමට අවශ්‍ය වී තිබෙන අතර ජනාධිපති කාර්ය මණ්ඩල නිලධාරීන් පැය හතරකට ආසන්න කාලයක් පි‍්‍රයානි විජේසේකර මහත්මිය සම්බන්ධ කරගැනීමට උත්සාහ ගෙන ඇත. එහෙත් එය සාර්ථක වී නැත.
 
අවසානයේදී තානාපති කාර්යාලයේ මුරකරුවකු දුරකතනයට පිළිතුරු දෙමින් එම අවස්ථාවේ තානාපති කාර්යාලයේ කිසිවකු නොමැති බව සඳහන් කර ඇත. එම මුරකරු ඒ බව තානාපතිනි ප‍්‍රියානි විජේසේකර මහත්මියට දැනුම් දී තිබෙන අතර ඉන්පසු විජේසේකර මහත්මිය ජනාධිපතිවරයා සම්බන්ධ කරගැනීමට උත්සාහ කළ එය ද සාර්ථක වී නැත.
 
උපදේශිකා දයානි මෙන්ඩිස්, සහායක නිලධාරි ගෙහාන් දිසානායක සහ තානාපතිනියගේ පෞද්ගලික සහායක යන අය කැඳවූ අනෙක් පිරිස වෙති. 
 
මේ අතර නව තානාපතිවරයකු සහ කාර්ය මණ්ඩල නිලධාරීන් පිරිසක් ඔස්ටි‍්‍රයාවේ වියානා වෙත යවන බව විදේශ කටයුතු ආරංචි මාර්ග සඳහන් කරයි.
 
 
සන්ඬේ ටයිම්ස්
 
055