ආරියරත්න රණබාහු සහ සුජිත්හේවාජුලිගේ

පාර්ලිමේන්තු මන්ත්‍රීවරුන් බහුතරයකගේ  විශ්වාසය දිනාගන්නා තැනැත්තා අගමැති ලෙස පිළිගන්නා ආකාරයටම විපක්ෂ නායකවරයාත්  පිළිගන්නාලෙස  ඒකාබද්ධ විපක්ෂය  ස්ථාවර නියෝග (සංශෝධන) පනත සඳහා ගෙනා යොජනාවක්  කතානායක කරුජයසුරිය මහතා  පාර්ලිමේන්තුවේදී අද (7)  ප්‍රතික්ෂේප කළේය.
ඒ සම්බන්ධයෙන් පාර්ලිමේන්තුවේදී  ඇතිවු මතවාද මෙසේ වෙයි.

දිනේෂ් ගුණවර්ධන මහතා

විපක්ෂ නායකවරයා ට වගකිම් රැසක් තිබෙනවා.වපක්ෂ නායක තේරිමට අපි ඡන්ද විමසීමක් ඉල්ලන්නේ  නැහැ. නමුත් අගමැතිවරයා තෝරාගන්නා ආකාරයට එය කළ යුතු යැයි යෝජනා කරනවා. මේ අර්බුධය අද පවතිනවා.

කතානායක කරුජයසුරිය මහතා

අපි මේ ගැන දීර්ඝ ලෙස සාකච්ඡා කළා
නියෝජ්‍ය ඇමැති  අජිත් පී පෙරේරා
වෙනත් රටවල විපක්ෂ නායක තෝරා ගැනීම සොයා බැලුවා. මේ තෝරාගැනීම කරන්නේ  වෙස්මිනිස්ටර්  සම්ප්‍රදාය අනුවයි . මෙය සුවිශේෂි ත්ත්වයක්. බහුතරයට යා යුතුයි අපි පිළිගන්නවා.

විමල් වීරවංශ මහතා

වෙස්මිනිස්ටර් සම්ප්‍රදාය අනුව  මොන පාර්ලිමේන්තුවේද  මන්ත්‍රී ආසන 16ක් ගත් කෙනේක් වපක්ෂ නායක කර තිබෙන්නේ.විපක්ෂයේ බහුතරය නියෝජනය  නොකරන කෙනෙක් ඉදලා තියෙන්නේ මොන පාර්ලිමේන්තුවේද. මේ තිබෙන  විපක්ෂය නිසා ජනමතය හරිහැටි  නිරූපණය  වෙන්නේ නැහැ.මේ තිබෙන විකෘතිය ප්‍රකෘතියක් කිරීම සඳහා දිනේස් ගුණවර්ධ  මහතා  යෝජනාව ගෙනාවේ.

අජිත් පී .පෙරේරා මහතා

එක්සත් ජනතා  නිදහස් සන්ධානය තුළ කණ්ඩායමක් දෙකක්  තිබෙන නිසා  මේ තත්ත්වය  ඇති වී තිබෙන්නේ. ඔවුන් ඡන්දය ඉල්ලපු බුලත් කොළයෙන් ඉවත්ව වෙනම පක්ෂයකින් ඡන්දය ඉල්ලා පාර්ලිමේන්තුවට පැමිණියේ නැති නිසයි  මෙහෙම වෙන්නේ.

කතානායක කරුජයසුරිය මහතා

අපි මේ ගැන රටවල්  20ක පමණ සොයා බැලුවා.

විමල් විරවංශ මහතා

ජාතික නිදහස් පෙරමුණේ  ලිඛීතව ලිපියක් කතානායකතුමා වෙත භාරදුන්නා.එක්සත් ජනතා  නිදහස් සන්ධානයෙන් ඉවත් වුණා කියල .ඒ අනුව අපි වෙනම නියෝජනයක්  ලෙස පිළිගන්නා ලෙස ඉල්ලුවා.නමුත් එය කළේ නැහැ.ඔය තර්කානුකූලව එහෙට මෙහෙට මේ ප්‍රශ්නය  විසිනොකර  අගමැති පත් කරන මුලධර්මය මෙයටත් යොදා ගන්න.

එම්.ඒ සුමන්තිරන් මහතා

විමල් වීරවංශ මහතා වර්තමාන තත්ත්වය ගැන කතා කළා. කුඩා කණ්ඩායමකට  විපක්ෂ නායකකම  ලබා දීම කාගෙවත් කැමැත්ත නෙවෙයි. පාර්ලිමේන්තුව තුළ දේශපාලන පක්ෂ  හයක්  තිබෙනවා. එයින් පත්වීම් දෙකක් රජයට අයිතියි. ඊ ළගට විශාල මන්ත්‍රී ආසන සංඛ්‍යාවක්  තිබෙන තුන්වැනි පක්ෂයට තමයි විපක්ෂ නායකකම ලබා දී තිබෙන්නේ.

බන්ධුල ගුණවර්ධන මහතා

අපි මේ කතා කරන්නේ වර්තමාන තත්ත්වය නොවෙයි. අපි මේ ස්ථාවර නියෝග සංශෝධනය කරන්නේ ආයතනයටයි.අපි මේ  ප්‍රශ්නය විසදුවේ නැත්නම්  මතු ඇති වන  පාර්ලිමේන්තුවටත් එය ඉතුරු කරනවා එය විසදීම සදහා.කතානායකතුමා මැදිහත් වෙන්න.

අජිත් පී.පෙරේරා මහතා

අපි ඒ මතයේ තියෙන වටිනාකම් අගය කරනවා .ස්ථාවර නියෝග (සංශෝධන) පිළිබඳව පාර්ලිමේන්තුවේ අද (07)  පැවැති කාරක සභා  අවස්ථාවේදී මෙම සංවාදය ඇති විය.