(සුජිත් හේවාජුලිගේ සහ ඩයනා උදයංගනී)
තහනම් කළ එල්.ටී.ටී.ඊ. සංවිධානය යළි ඇති කිරීමට ආණ්ඩුවට කිසිදු වුවමනාවක් නැති බවත් රටේ ඒකීයභාවය ආරක්ෂා කිරීමට රජය හැම විටම කැපවන බවත් අගමැති රනිල් වික්රමසිංහ මහතා පාර්ලිමේන්තුවේදී අද (4) පැවැසීය.
විජයකලා මහේෂ්වරන් මහත්මිය මුණ ගැසුණු පසුව ඇයට විරුද්ධව ක්රියාමාර්ග ගන්නා බවද අගමැතිවරයා කීවේය.
අගමැති රනිල් වික්රමසිංහ මහතා මේ බව පැවසුවේ කාන්තා හා ළමා කටයුතු රාජ්ය ඇමතනි විජයකලා මහේෂ්වරන් මහත්මිය එල්.ටී.ටී.ඊ. සංවිධානයට උඩ ගෙඩි දෙමින් කර ඇතැයි කියන ප්රකාශය සම්බන්ධයෙන් කරුණු දක්වමිනි.
අගමැති රනිල් වික්රමසිංහ මහතා මෙසේද කීය,
‘‘අපි හැමවේලාවෙම මේ රටේ එකීයභාවය ආරක්ෂා කරනවා එල්.ටී.ටී.ඊ. සංවිධානය තහනම් කරලා තියනවා. ඒ තහනම් කරපු එල්.ටී.ටී.ඊ. සංවිධානය අපට යළි ඇති කරන්න උවමනා නැහැ. ඒ පදනම ඒ රාමුව උඩ අප ඉදිරියටත් ක්රියා කරනවා මේ රටේ ඒකීයභාවය බුද්ධාගමේ ප්රමුඛතාව ආරක්ෂා කරමින් මේ රටට උවමනා සිංහල, දෙමළ, මුස්ලිම්, ජනතාව බලාපොරොත්තු වන දේශපාලන විසදුමකින් ඒ මූලික අයිතිවාසිකම් පිළිබඳ ප්රශ්නත් බලය බෙදීම පිළිබඳ ප්රශ්නත් විසදන්න තියනවා. ඉඩම් ආපසු දීම ගැනත් මෛත්රිපාල සිරිසේන ජනාධිපති ප්රමුඛ ආණ්ඩුව කටයුතු කරගෙන යනවා. උතුරු නැගෙනහිරට සංවර්ධනය වුවමනායි. ඒ සංවර්ධනයන් නැතිව දියුණූ වෙන්න බැහැ.
මහේෂ්වරන් ඇමැතිතුමියගේ කතාව දැනගත් අවස්ථාවේදීම මමත් ඔබතුමාත් සාකච්ජා කළා. ඒ ගැන හොයලා බැලුවා. අපේ දේශපාලන කමිටුව ඊයේ රැස්වුණා. මහේෂ්වරන් මහත්මිය යාපනයේ සිටින බව දැනගන්නට ලැබුණා.
අද කොළඹට ආවම මා මුණ ගැහෙන්න කියලා දැනුම් දුන්නා.අප ඒ සඳහා ගත යුතු ක්රියාමාර්ග පරීක්ෂන තීරණය කරලා තියෙන්නේ.එතුමිය මුණ ගැහුණම පස්සේ ඒ අදාළ පියවර ගන්න කැමැතියි. අපි හැම වේලාවෙම ඒ ස්ථාවරයේ ඉන්නවා.
යුද්ධය වෙනුවෙන් ත්රිවිධ හමුදාව, සිංහල, දෙමළ, මුස්ලිම් සියලු ජනතාව ලොකු කැපවීමක් කළා. රට නොබෙදී තියාගන්න කැපවීම් කළා. ත්රස්තවාදීන් ද්රව්ඩ පක්ෂයේ අනෙක් පක්ෂවල නායකයන් මරා දැම්මා. රටේ මූලධර්ම වලට පටහැනිව ක්රියා කළත් ඊට එරෙහිව කටයුතු කරනවා. එල්.ටී.ටී.ඊ. ය රට බෙදන්න විතරක් නොවෙයි පාර්ලිමේනතුව ක්රියා විරහිත කරන්නත් කටයුතු කළා. පොලිසියේ 600ක් මරපු කරුණ තමන්ගේ පක්ෂයේ උපසභාපති කරන්නත් ප්රභාකරන්ට මුදල් දීලා ජනාධිපතිවරයා දින්න නම් එල්.ටී.ටී.ඊ. පරාද කරපු හමුදාපති හිරේ දැම්මානම් අද කොහොමද අවිල්ලා මේ ගැන කියන්නේ. ඔබතුමා තදින් ක්රියා කරන්න ඕනේ මෙන්න මෙහෙම අයටයි.
සරත් ෆොන්සේකාට කරපු දේශපාලන පළිගැනීම ගැන අද ඔබතුමාට ලිපියක් දිලා තියනවා. එහනම් අපි ඔක්කොම එකතු වෙලා ඒක අනුමත කරමු. ඇයි මෙතුමා හිරේට යැව්වේ. අපි දන්නවා ඊයේ මෙතැන කෑ ගැහැහුවේ නිවියොක් ටයිම්ස් කතාව නවත්වන්න නේ.ඕකනේ වුණේ. පොලිසියේ 600 මරපු මිනිහා උප සභාපති කරලා ප්රභකරන් මරපු මිනිහා හිරේ දැම්මා.‘‘
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්රය හැඩගැස්සවූ බව ඔබ දන්නා සත්යයක
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
ශ්රී ලංකාවේ බැංකු නොවන මූල්ය සමාගම් අතර ප්රමුඛතම මූල්ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්ය සමාගම වන සියපත ෆිනෑන්ස් පීඑ
එල්.ටී.ටී.ඊය. යළි ඇති කිරීමට ආණ්ඩුවට වුවමනාවක් නෑ
ලකිත් ශ්යාමන් Wednesday, 04 July 2018 06:10 PM
අගමැතිතුමනී, නියම කතාව.
nuwan Wednesday, 04 July 2018 06:14 PM
එහෙනම් නීතිය ක්රියාත්මක කරන්න. රට රැක ගන්න. විජේකලාට දඩුවම් දෙන්න. ඔබතුමා රටගැන හිතන, නීතිය හැමට එක හා සමානව කරන කෙනෙක් කියලා පෙන්වන්න.. මේක තමයි වෙලාව.
Rasika Wednesday, 04 July 2018 06:15 PM
නීතිය සාධාරණව ක්රියාත්මක කරන්න. උතුර ,දකුණ කොහේ වුනත්. නැත්නම් මේක එක එක්කෙනා දේශපාලන වාසි ගන්න බලනවා..