ජෙරුසලමේදීය (රොයිටර්)
ඇමෙරිකා එක්සත් ජනපදය ප්රමුඛත්වය ගෙන සිරියාවේ ඉලක්ක වෙත එල්ල කරන ලද ප්රහාරය පසසන අතරවාරයේදී ඉරාන මැදිහත් වීම සිරියානු අර්බුදය තව උග්ර කරනු ඇතැයි ඊශ්රායල අගමැති බෙන්ජමින් නෙතන්යාහු පවසයි.
සිරියානු රජයේ හමුදා ආණ්ඩු විරෝධී කැරැලිකරුවන්ගේ පාලනයේ තිබෙන ඩූමා ප්රදේශයට විස වායු ප්රහාරයක් එල්ල කළ බවට චෝදනා කරමින් ඊට ප්රතිචාර දැක්වීමක් ලෙස ඇමෙරිකාව, ප්රංශය සහ බ්රිතාන්ය ඩැමැස්කස් නුවර ඉලක්ක කිහිපයකට ගුවන් හා මිසයිල ප්රහාර එල්ල කළේය. කෙසේ වෙතත් සිරියාව මෙන්ම සිරියානු ජනාධිපති බෂාර් අල් අසාද්ගේ ආණ්ඩුවට සහාය දක්වන රුසියව ද ඇමෙරිකාව ප්රමුඛ බටහිර රටවල් කරන චෝදනා ප්රතික්ෂේප කරයි.
පසුගිය සතියේදී ඩූමා වෙත එල්ල වූ විස වායූ ප්රහාරයෙන් 70 කට ආසන්න පිරිසක් ජීවිතක්ෂයට පත්වූ බව වාර්තා වූ අතර ඉන් වැඩි දෙනා සිවිල් වැසියෝ වූහ.
ගුවන් හා මිසයිල ප්රහාර එල්ල කිරීමෙන් අනතුරුව මෙහෙයුම සාර්ථක වූ බව සඳහන් කරමින් ඇමෙරිකා ජනාධිපතිවරයා ට්විටර් පණිවුඩයක් ද නිකුත් කළේය. අසාද් ආණ්ඩුව ඔවුන්ගේ රසායනික අවි භාවිතය නොනවත්වන්නේ නම් අඛණ්ඩව ප්රහාර එල්ල කිරීමට සූදානම් බව ද ට්රම්ප් ජනාධිපතිවරයා කීය.
“අද උදෑසන ඇමෙරිකා නායකත්වය යටතේ, ඇමෙරිකා එක්සත් ජනපදය, ප්රංශය සහ එක්සත් රාජධානිය ඔවුන්ගේ කැපවීම ප්රකාශන හා ඒවායේ මූලධර්මවලට පමණක් සීමා වී නැති බව ප්රදර්ශනය කළා” යැයි ඊශ්රායල අගමැති බෙන්ජමින් නෙතන්යාහු ලිඛිත ප්රකාශයක් මගින් සඳහන් කළේය.
“ඉරානය ඔවුන් නියෝජනය කරන පාර්ශ්ව හා කණ්ඩායම්වලට කඳවුරු හා පහසුකම් සැපයීම සිරියාව අනතුරු හෙළීමක් බව සිරියානු ජනාධිපති බෂාර් අල් අසාද් තේරුම්ගත යුතුයි” යැයි ද හෙතෙම පැවැසීය.
සිරියාවේ ඩැමැස්කස් අගනුවර රසායනික අවි ඇතැයි කියන ස්ථානවලට ඇමෙරිකාව, බ්රිතාන්යය සහ ප්රංශය ප්රහාර එල්ල කරන වග ඊශ්රායලය දැන සිටි බව ද වාර්තා විය. “අපිට කලින් අනතුරු ඇඟවීම් ලැබුණා. පැය 12ත් පැය 24ත් අතර කාලයක් අතරතුර සිරියාවට ප්රහාර එල්ල වන බව අපට කලින් දැනගන්නට ලැබුණා” යැයි ඊශ්රායල නිලධාරියෙක් රොයිටර් පුවත් සේවයට පැවැසීය.
ඉලක්ක තෝරා ගැනීමට ඊශ්රායලය සහාය වූයේ දැයි විමසූ විට “මගේ දැනුම අනුව නැහැ” යැයි එම නිලධාරියා පැවැසීය. ප්රහාර එල්ල කිරීමට පෙර ඊශ්රායලය දැනුවත් කළ බව වැඩි විස්තර සඳහන් නොකළ ඇමෙරිකා එක්සත් ජනපද තානාපති කාර්යාල ප්රකාශිකාව රොයිටර් පුවත් සේවයට පැවැසුවාය.
ඉරානය සිරියානු ජනාධිපතිවරයාට සහාය දක්වමින් සිරියානු අර්බුදයට මැදිහත් වීම ඊශ්රායලයේ කෝපයට හේතුවී තිබෙන අතර කිසියම් හෝ තර්ජනයක් එල්ල වුවහොත් ඊට ප්රතිචාර දක්වන බව ඊශ්රායලය අවධාරණය කර තිබේ. ආයුද සන්නද්ධ ඉරානය ෂියා ව්යාපාරයක් වන හිස්බුල්ලා සංවිධානයට ද සහාය දක්වන අතර ඔවුන් සතුව මිසයිල තිබෙන බව වාර්තා වේ. හිස්බුල්ලා සංවිධානය 2006 වසරේදී ඊශ්රායලය සමඟ යුද වැදුණු සංවිධානයක් ද වේ.
සිරියාවේ පිහිටි ගුවන් හමුදා කඳවුරකට ප්රහාර එල්ල කළ බවට සිරියාව, ඉරානය සහ රුසියාව ඊශ්රායලයට චෝදනා කරයි. ලෙබනන සිරියානු දේශසීමාවේ පිහිටි මෙම ගුවන් හමුදා කඳවුරට එල්ල වූ ප්රහාරයෙන් ඉරාන හමුදා සාමාජිකයෝ හත් දෙනෙක් ජීවිතක්ෂයට පත්වූහ. ඊශ්රායලය ප්රහාරය එල්ල කළ බව සනාථ කිරීම හෝ ප්රතික්ෂේප හෝ නොකිරීම ද විශේෂත්වයකි.
ඉකුත් බදාදා (11) රුසියානු ජනාධිපති ව්ලැදිමීර් පුටින් ඊශ්රායල අගමැති බෙන්ජමින් නෙතන්යාහු අමතා සිරියාව අස්ථාවර කරන කිසිවක් නොකරන්නැයි අවධාරණය කළ බව ක්රෙම්ලීන ආරංචි මාර්ග සඳහන් කළේය. එසේ වුවත් ඉරානයට සිරියාව තුළ ස්ථාවර වීමට ඉඩ නොතබන බව නෙතන්යාහු පැවැසූ බව ඊශ්රායාල අගමැතිවරයාගේ කාර්යාලයෙන් දැනගන්නට ලැබිණි.
ඊශ්රාලය සිරියාවේ ඉලක්ක වෙත නිරන්තරයෙන් ගුවන් ප්රහාර එල්ල කරන අතර විශේෂයෙන්ම ලෙබනන හිස්බුල්ලා ආයුද නැව් බවට සැක කෙරෙන නැව් ඉලක්ක කරගනිමින් එම ප්රහාර එල්ල විය.
055
පාකිස්තාන 19 හැවිරිදි යුවතියකට ඉන්දීය ජාතිකයකුගේ හදවතක් සාර්ථකව බද්ධ කිරීමට චෙන්නායි වෛද්යවරුන් පිරිසක් සමත්වී තිබේ.
රජය මගින් නොමිලේ ලබා දුන් හාල් ලබා ගත් හාලිඇල ප්රදේශයේ පුද්ගලයකු ට නරක්වු ආහාරයට ගැනීමට නුසුදුසු තත්ත්වයේ ඇති හාල් බෑගයක් ලැබුණු බව පවසමින් හාලිඇල ස
ජාත්යන්තර මූල්ය අරමුදල සමග විස්තීරණ ණය පහසුකම ලබා ගැනීම සඳහා එළැඹ ඇති ගිවිසුම අනුව 2014 වර්ෂය වන විට වත්කම් අය කර ගැනීම සම්බන්ධයෙන් පරිපූර්ණ නීතියක් හ
ජංගම ගිණුම් සහ ඉතිරි කිරීමේ ගිණුම් හරහා ඔන්ලයින් ගනුදෙනු කරන අයගේ ගිණුම් වලින් මුදල් අදින ජාවාරමක් දැනට සතියක පමණ සිට ක්රියාත්මක වෙමින් තිබෙන බව පො
මත්තල රාජපක්ෂ ජාත්යන්තර ගුවන්තොටුපළෙහි කළමනාකාරීත්වය රුසියා සහ ඉන්දියා සමාගම් දෙකකට බාරදීම සඳහා කැබිනට් අනුමැතිය ලබා දී ඇත.
බලශක්ති අංශය සඳහා නව නියාමන ආයතනයක් හඳුන්වා දීමට කැබිනට් අනුමැතිය ලැබී ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සිරියාවට එරෙහි ප්රහාරවලට ඊශ්රායලයේ පැසසුම්
Prabhath Mapa Sunday, 15 April 2018 09:28 AM
යුද්ධයක් කියන්නෙ හොද දෙයක් නෙවෙයි. ඒත් අන්තවාදී බලවේග මර්ධනය කරන්න වෙනවා.
රවින් Monday, 16 April 2018 01:21 AM
ඔන්න වැඩේ පටන් අරන්. ඉරක යුද්ධයට ප්රථමත් මේ කට්ටියම තමා කිවේ සදාම් හුසේන් රසායනික අවි භාවතා කරනවාය ඔහු ළඟ ටේලර් වල ඇති ජංගම රසායනික අවි තියනවාය ආදී බොරු කියල ඉරක යුද්ධය ඇති කරලා අද ඉරාකයේ ඇතිවෙලා තියන තත්වයට මුල පිරුවේ. ඉතිහාසය පොඩ්ඩක් හාරලා විපරම් කරලා බැලුවොත් සුල මුල හොයාගන්න පුළුවන් වෙයි.
Sanath Monday, 16 April 2018 02:45 AM
ඊශ්රායලය කියන්නේ ඇමෙරිකාවේ 51 වැනි ප්රාන්තය කියල සලකන්න පුළුවන් රටක්. මේ රට මොනම යුද්ධ අපරාධයක් කලත් ඇමරිකාව මැදිහත්වෙලා බේරාගන්නවා. අපේ රටවල්වල ජාතික ආරක්ෂාවට වෙඩිල්ලක් තිබ්බොත් ඇමෙරිකාවයි බටහිර රටවලුයි ඇවිස්සෙනව දෙබරෙට ගලක් වැදුනවගේ.
TUAN Monday, 16 April 2018 07:34 AM
මේ අයටත් කාලයක් වෙද්දී ඔහොම වෙයි.
rohana kumara mendis Tuesday, 17 April 2018 07:18 AM
ඔව් ඔව් මේ ගොල්ලෝ හරි ආසයි වෙන රට වලට ගහනවට නැති කරනවට. මෙයාලට රටක් ජාතියක් නැතිව උන්නු අයනේ. මෙයාලා කොසෝවේ වගේ බලහත් කාරයෙන් අල්ල ගත්තු අයනේ (පලස්තීනයෙන් බලෙන් අල්ලා ගත්තු කොටසට දැන් අයිතිවාසිකම් කියනවා මිනී මර මර... ලැජ්ජයි ජුදෙව් ජාතියටත්...)