ඩී.ජී සුගතපාල , සුමතිපාල දීයගහගේ
 
ගාල්ල වරාය ආසන්නයේ ඇවන්ගාඩ් නෞකාවේ නීති විරෝධි  ආයුධ ගබඩාවක් පවත්වාගෙන යාම සම්බන්ධයෙන් රිමාන්ඩ්  කර සිටින එම අවි ගබඩාවේ භාරකරු සහ මෙහෙයුම් කළමනාකරු ඇප මත මුදා හරින ලෙස දකුණු පළාත් බද ගාල්ල මහාධිකරණ විනිසුරු මංජුල තිලකරත්න මහතා අද නියෝග කළේය.
 
එක් අයෙකුට රුපියල් ලක්ෂ පහක මුදල් ඇපයක් සහ රුපියල් ලක්ෂ 25  බැගින්වු ශරිර ඇප දෙකක් නියම කළ මහේස්ත්‍රාත්වරයා සැකකරුවන්ගේ විදේශ ගමන්   තහනම් කළේය. සැකකරුවන්ගේ විදේශ ගමන් බලපත්‍ර අධිකරණයට බාරදෙන ලෙසටත් සෑම මසකම අවසන් ඉරුදින කොළඹ අපරාධ පරික්ෂණ දෙපාර්තමේන්තුවට වාර්තාකරන ලෙසටත් මහාධිකරණ විනිසුරුවරයා නියම කළේය.
 
මෙසේ ඇප නියම වුයේ ඇවන්ගාඩ් නෞකාවේ අවි ගබඩාවේ භාරකරු වූ දොන් තෝමස් ඇල්බට් විජේතුංග තිලකරත්න සහ ඇවන්ගාඩ් නෞකාවේ මෙහෙයුම් කළමනාකරු වූ මිල්ලනියගේ සුමුදු නිලුපුල් කොස්තා යන සැකකරුවන් දෙදෙනාටය.