2025 ජුනි මස 15 වන ඉරිදා
විමුක්ති එස් රුද්‍රිගු
පසුගිය කාලය තුළ අහිතකර බලපෑමට ලක් වූ ව්‍යාපාර, තිරසාර ලෙස යළි පණ ගැන්වීම සඳහා පහසුකම් සැලසීමේ අරමුණින්, ලබා දුන් සහන කාලයේදී සිය ණය ප්‍රතිව්‍යුහගත කර ගැනීම සඳහා බැංකු පද්ධතිය වෙත පැමිණි සුළු හා මධ්‍ය පරිමාණ ව්‍යවසායකයන්ට තවදුරටත් සහන ලබාදෙන ලෙස ශ්‍රී ලංකාව මහ බැංකුව විසින් බලපත්‍රලාභී වාණිජ බැංකු සහ බලපත්‍රලාභී විශේෂිත බැංකු වෙත උපදෙස් ලබාදෙනු ලැබ ඇත.
ඒ අනුව බලපෑමට ලක්වූ ණය ගනුදෙනුකරුවන් හට පොලී සහන සහ ණය සහන ලබාදීම ඇතුළුව තවදුරටත් සහන ලබාදෙන ලෙස බලපත්‍රලාභී බැංකුවලට මහ බැංකුව උපදෙස් ලබාදී තිබේ. එසේම බැංකු සමග ණය ප්‍රතිව්‍යුහගත කිරීමේ ගිවිසුම් එළැඹීමට ලබාදී තිබූ කාලය එළැඹෙන 15 වැනිදා සිට 30 වැනිදා දක්වා දීර්ඝ කර තිබෙන බව මහ බැංකුව බලපත්‍රලාභී බැංකු වෙත දැනුම්දී ඇත.
සුළු-මධ්‍ය ව්‍යාපාරවලට තවත් සහන දෙන්න මහ බැංකුවෙන් වාණිජ බැංකුවලට උපදෙස්